تعالوا نبدأ الموضوع من اخره بدون مقدمات طويلة .. ليه ديما الستات اللى عقلهم حصله حالة من اللسعان بيدندنوا ديما حول مسألة عدم اهمية غشاء البكارة ؟! .. وليه ديما مثلا مش عاجبهم أن البنت تحتفظ ببكارتها لغاية يوم الجواز .. وتلاقى كل قرشانة منهم تهز كتفها فى لا مبالاه وتقول (( وايه يعنى غشاء وراح)) على وزن اغنية سمية (( اعتبره قلب وراح )) ..!!
وبعدين تلاقيهم طارحين السؤال الاهبل اللى صدعوا دماغنا بيه هو هل غشاء البكارة مثلا رمز الشرف والعفة ؟! .. وهما اصلا بسؤالهم ده عاوزين يقولوا يا ناس كله عند العرب صابون يعنى اللى ببكارة زى اللى من غير بكارة وسلملى على البتنجان ..لكن القصة وما فيها أن شوية الستات الخربانة فكريا دول عاوزين انحلال اخلاقى مقنن ..القضية مش مجرد قضية غشاء هما عاوزين يفتحوا الباب للزنا وللممارسات الجنسية ويشجعوا البنات على الدعارة وتبأه الحكاية عندهم بلا غشاء بلا بتاع ..وكنوع من الارهاب الفكرى يتهموا أى راجل بيصمم على حكاية الغشاء دى انه رجعى ومتزمت .. ويقعدوا يقولوا فيه ما قاله مالك فى الخمر ..ده مش كده وبس دول كمان شغالين فى الاسطوانة المشروخة بتاعة (( ده مجتمع ذكورى )) وليه لما الراجل يغلط بيباه عادي وليه الست لما تغلط بتبأه زى الخروف فى العيد الكبير .. وهكذا يدخلوك فى متاهات علشان يوصلوا لنقطة واحدة .. وهى نقطة كله عند العرب صابون …. وشيلنى ويشيلك ولاقينى ولا تغدينى وهالما جرااااا .. مع ان اساسا المصطلحات العقيمة دى بتاعة المجتمع الذكورى ومجتمع الرجال اصلا مصطلحات غريبة على المجتمع الاسلا