نفسى أعرف الناس حرامية الجوامع دول جنس ملتهم ايه ..!
الناس تدخل تقول ((الله الكبر)) ودول داخلين يتسحبوا علشان يسرقوا ( الجزم)
علشان كده تلاقى فى الجوامع عملوا دلوقت خزن كل واحد يحط فيها جزمته وبتتقفل بمفتاح
وبمناسبة الخزن دى
مرة كنت أنا وواحد صاحبي بنصلى فى جامع كبير على البحر
وكل واحد فينا حط الجزمة فى خزنه من اللى موجودة وقفل عليها وحط المفتاح فى جيبه
وبعد ما خلصنا الصلاة
راح زميلى يا ولداه يفتح الخزنة
وخير اللهم اجعله خير لاقاها فاضية
الراجل بص للمفتاح وللرقم الموجود عليه وللرقم الموجود على الخزنة
غريبة .. 
الرقم واحد ..
الجزمة اتسرقت يا رجالة 
وبعدين جه واحد من ادارة المسجد
يا عم الحج حصل كذا وكذا
بص الراجل بإندهاش وقاله (( بس المفتاح معاك)) 
بصراحة جملة الرجل دى خلتنى افطس من الضحك ، فكرتنى بالمثل الشعبي ( سرقوا الصندوق يا ابو لمعه ، قالهم لكن مفتاحه معايا )
وفى الاخر لم يكن امامى صاحبي إلا خيارين يا إما يروح بشبشب ويا إما يتصل باخوه يلحقه بجزمة إستبن ، وطبعا اختار الحل التاني ، فمش معقول يمشى على البحر بشبشب يعنى !
دى بأه من الحالات اللى خلتنى لما اصلى فى اى جامع لازم تكون الجزمة بتاعتي قريبة منى أو فى محل نظري .. ورغم كده كنت برده حتسرق لولا لطف ربنا فمرة دخلنا نصلى فى جامع صلاة العصر وكانت الجماعة الاولى خلصت ، فطبيعى نعمل جماعة تانية
المهم قاعدين نعزم على بعض مين اللى يطلع امام وده يقول لده اتفضل وده يقول ده لا عيب اتفضل انت وكده ..
وبعدين فجأة