المدونة التالية
كافة المدونات

 

لو الهرم الاكبر إتسرق .. مين اللى حيمسح دموع أبو الهول !!

كتبهاأكرم صبري ، في 29 أبريل 2008 الساعة: 23:12 م

المفروض إن أى حرامي يبتكر طريقة جديدة من طرق السرقة أنه يسجل الطريقة دى كبراءة اختراع .. علشان بس اخوانه الحرامية ميسرقوش افكاره .. مع انى عارف اساسا ان الحرامية ولاد بلد وجدعان أوى ومش بيقطعوا فى بعضيهم وبيصونوا العيش والحلاوة اللى طفحوه فى زنزانة واحدة .. لكن برده ميضرش وحرس ولا تخونش ..انا بقول الكلام ده ليه .. لأن يا جماعة لازم نشيد بأى طريقة جديدة ومبتكرة ونشجع المواهب .. وزى ما احنا عارفين ان السرقة والفهلوة دى مواهب برده .. والحرامي يا ولداه ما بيصدق يخترع طريقة جديدة ومبتكرة  تعدى من ورا قفا الضحية .. رغم أن زمان كان الحرامية غلابة وعبط .. كنت تلاقى الحرامي اللى بيطلع اتوبيس اللى أزحم من سوق العبور على امل أنه فى الزحمة دي يمكن يعلق محفظة واحد .. رغم انه فيه نسبة مخاطرة ان لو بسلامته اتقفش فعينه مش حتشوف إلا النور وقفاه حيكون أحمر من اللحمه الضاني فى العيد الكبير .. ولأن الحرامي أيامها كان ماشى بمبدأ الشاعر السكير بتاع ( دع عنك لومى فإن اللوم اغراء وداونى بالتى كانت هى الداء) فكان مش بيحرم وكان غالب الامر أن كل واحد فيهم مكنش بينام مرتاح قرير العين إلا لما يتصبح بالقفيان من الشعب فى الاتوبيس الصبح وبالمعاملة الرقيقة التى لا تخلو من المد على الرجلين وعلى الــ .. فى أقسام الشرطة  .
دى باه كانت الصورة الخيبة للحرامي .. دلوقتى على رأى الفنانة التائبة حلا شيحا (( خلاص خلاص )) .. بأه فيه الحرامي المودرن .. حرامى اتربي فى عالم البيضة والحجر .. تلاقيه شيك وحاطط برفان من بتاع بلاد بره وبدله وجرفاته وأوعى وشك باه .. وكلنا فاكرين ( الريان) وشركات توظيف الاموال والنصب اللى حصل .. وعلى رأى (عادل إمام) فى فيلم (كراكون فى الشارع) لما كان بيتكلم عن الحاج نادى بتاع كيس البلح (( والذبيبة طارت والنور اختفى وقال انت ملكش فلوس عندي )) .. اهى شركة توظيف الاموال مفروض تسجل كبراءة اختراع .. براءة اختراع فى النصب وشغل حلا حوش .. وبرده أول رجل اعمال أخد قرض وفلسع مفروض انه يسجل الفكرة دى كبراءة اختراع له شخصيا .. ويرفع كمان قضايا على اى رجل اعمال تاني اخد فلوس وكت على اساس انه سرق فكرته .

طب بلاش دول وتعالوا شوفوا فكرة النصب الجديدة دى اللى حصلت من فترة مش كبيرة يعنى ، علشان تعرفوا ان البلد بخير وعقول شبابنا لسه زى الفل .. طبعا عارفين نصاب الجيزة .. الراجل ده اخترع فكرة جديدة لنج فى عالم النصب والراجل ده كان شعاره الدائم اللى ماشى عليه كل الحرامية تقريبا وهو (( الطماع فريسة للحرامي)) .. الراجل ده كان بيشترى العقارات والاراضي و السيارات بضعف ثمنها .. بس ايه بأه كان بيدفع الربع كمقدم بس او اقل كمان على انه يسدد الباقى كأقساط .. بعد كده يبيع اللى اشتراه بالسعر الطبيعى ويكت ويفلسع من غير ما يسدد باقى الاقساط .. اهى دى فكرة جديدة استغل فيها طمع بعض الناس .. يعنى اللى كان عاوز يبيع شقته بمليون جنيه يقوله حشتريها ب2 مليون على شرط تاخد الربع والباقى اقساط … بعدين يشترى الشقة بالربع ويبيعها بالثمن الاصلى لها ويكت من غير ما يدفع باقى الاقساط .. الراجل اتعكش فى الاخر بس أكيد فكرته الجديدة دى لازم تسجل بأسمه كبراءة اختراع ولا ايه .. ولو سيادتك اتصورت مثلا ان اى طريقة حرامي مش حتتكرر تاني لانها اصبحت مفقوسة ودقة قديمة أقولك لا يا عمنا بدليل أن عندنا مادة بتقول القانون لا يحمى الطرابيش أقصد المغفلين .. فطول ما فى ناس لابسة السلطانية حتلاقى نفس الافكار بتتكرر ونفس المغفلين هم الضحايا .

طيب إذا كان طبيعى أننا نسمع عن واحد اتسرق أو شركة اتسرقت لكن الغريب أنك ممكن تسمع أن الحكومة اتسرقت .. دى غريبة جدا .. قرأت خبر غريب جدا فى أحد المجلات بيقول أن فيه كابل اتسرق من السعد العالى .. الكابل ده طوله 300 متر ووزنه 6 اطنان وتكلفته 210 جنيه .. طبعا الخبر غريب أن يتم سرقة كابل من السد العالى بالتكلفة دى والحجم ده فمسالة عاوزه وقفه .. لان ده مش كابل كهرباء فى زقاق من زقايق إمبابة .. المهم والمضحك أنه وفقا لرواية الاستاذة (ناهد فريد) فى مجلة صباح الخير خرج أحد المسئولين ليقول ان الكابل المسروق مش حيأثر على محطة الكهرباء .. وكأن هى دى القضية ! القصية هى أكبر من كده .. ازاى يتسرق كابل كهرباء من صرح خطير زى السعد العالى!  دى هى القضية لان المفروض ان السد متأمن كويس .. واساسا ازاى 6 طن تتسرق بسهولة اوى كده .. بكره نصحى نلاقى الهرم الاكبر اتسرق بس المشكلة بأه مش فى سرقة الهرم الاكبر .. المشكلة فى ابو الهول مين حيمسح دموعة على سرقة الهرم الاكبر ! ..اتفرج يا سيدى الحكومة بتتسرق زيها اهو زى الشعب …عاوزين مساواة ايه اكتر من كده .. مش مصدقنى .. كان فيه زمان كوبرى الحرامية  نزلوا عليه بالليل ومعاهم لحام وسيحوا الحديد بتاع سور الكوبري وخدوه وباعوه …مش بقولك براءة اختراع .. البلد مليانة مواهب .

((كيـمو))

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : لو الهرم الاكبر إتسرق .. مين اللى حيمسح دموع أبو الهول !! | السمات:
أرسل الإدراج  |   دوّن الإدراج  

144 تعليق على “لو الهرم الاكبر إتسرق .. مين اللى حيمسح دموع أبو الهول !!”

  1. maya قال:
    أبريل 30th, 2008 at 30 أبريل 2008 12:38 ص

    هههههههههههه

    فعلا الابداع موجود حتى عند الحرامية

    وخذ عندك آخر صيحه في عالم الحراميه

    مسجد في قسم مصلى النساء

    جلست ست عند الباب وتقول ممنوع جوال الكاميرا((( عندنا في السعوديه ا الاماكن الي فيها نساء فقط يمنع جوال الكاميرا عشان سرقة الصور !!!))

    المهم ما علينا

    الست دي بدات تلم الجوالات من النساء وتوزع ارقام عشان استرداد الجوال بعد كده

    دخلو الستات صلو ولمن خلصت الصلاة

    هوبا مالقوش الست بتاعت الامن (( وطلعت نصابه سرقت الجوالات وهربت))

    حتى بيوت الرحمان وصلت لها التكنولوجيا في النصب والاحتيال المنظم

    بالنسبة للحكومه

    ماينفع تتسرق

    حرامي على حرامي ما يلعب *_^

    استاذ اكرم يومك جميل

    تحيتي لكَ

  2. عرباوي قال:
    أبريل 30th, 2008 at 30 أبريل 2008 2:10 ص

    أنت رائع مستر صبرى نعم تابعت ولكنى أريد أن نناقش هذا الموضوع للأطمئنان على ثقافتنا وموقفنا كمثقفين

  3. محمد عبدالله قال:
    أبريل 30th, 2008 at 30 أبريل 2008 3:27 ص

    أكرم بيه

    اكبر جريمة سرقة عندنا مساهمة بطاقة المبايلي المدفوعة مسبق

    رجل من الواصلين جدا جدا خترع هذي المساهم في بداية الأمر كان يعطون مكاسب خياليه بعد كذا نكبت الناس على هذي المساهمة وكان له وسطاء هو لم يتدخل في الموضوع بشكل مباشر

    بعد نكشف الموضوع راح فيها الوسطاء و نقطة الوصل بين الو وسطاء وبين الهامور مح مش موجود على وجه الأرض

    الحكومة تنسرق يرجل أول الحرامية في البلدان هي الحكومات ألا من رحم طبعا

  4. زهرة النسرين قال:
    أبريل 30th, 2008 at 30 أبريل 2008 4:55 ص

    يا عم كيمو ياعم …هي اوطان بحالها اتسرقت ..

    النهاردة هو عصر السرقة في كل شيء ..الحرامي بيكرم وبيرتفع شانه …اذا كان اصلا النظام العالمي الجديد قائم اساسا على السرقة …شعوب بتنهب شعوب واوطان بتسرق اوطان ..وحكومات بسرق بلدها وحاكم بسرقوا الكراسي ويقعدو ولادهم عليها ..

    مش عايز الحرامية يطورا بعد كل دا ..انا مش بستغرب لو عرفت ان هناك من فاز بجائزة نوبل لاختراعه جهاز يسهل عمليات السرقة …

    وووووووووووووواعجبي …

    كيمو بسمة لطيفة اخرج بها من مدونتك دائما ..فشكرا لك

  5. ynas قال:
    أبريل 30th, 2008 at 30 أبريل 2008 5:17 ص

    صباح الخير أخى أكرم …….

    كترو قو الحرامية ..وكترت الاعيبهم وبقوا فنانين بجد ومبتكرين وعندهم اسليب تعجز عنها الشياطين …

    تعرف يا كيمو؟ مفروض كل حرامى مبتكر يروح يسجل براءة اختراعه ………

    أخوك اتنشل منه المحمول من كام يوم ..ومتقوليش ازاى علشان انا نفسى مش عارف ازاى .. يا بنى والله ولا حسيت ..مش بقولك أصبحو فنانين فى النشل

    المصيبة الكبرى :سرقت وطن بأكمله .

    لكِ الله يامصر المسروقة …

    ولا عزاء للمصريين ..

    تحياتى

  6. Hamadah قال:
    أبريل 30th, 2008 at 30 أبريل 2008 7:02 ص

    كلو بيسرق يا عم أكرم دلوقت و للأسف ..

    و اللي يفرس أنو الناس بتكون عارفة مين الحرامي ..

    و تسكت! و الحرامي دة يكون شخصية كبيييييير ة أوي ..

    و الناس تقول هوا دة .. و الناس التانية ترد هوا دة الحب الحقيقي!!

    يعني ببساطة مفيش قنوات اتصال بينهم و همة بيتسرقوا و الوطن بيتسرق!

  7. كنزي قال:
    أبريل 30th, 2008 at 30 أبريل 2008 7:05 ص

    ايه يا اكرم القصه المضحكه دى

    بجد تحفه جداااا

    كنزى

  8. hamasatdalia قال:
    أبريل 30th, 2008 at 30 أبريل 2008 7:39 ص

    أكرم ..

    التعيق الثامن اهو حلو برده خلتنى ارضى بقليله يا اكرم

    بص يا كيمو من وانا صغيرة وأنا اعرف ان السرقة حرام بس وانا صغيرة كنت فاكره ان السرقة مثلا تسرق لعبة أو تسرق فلوس حد يعنى نص جنيه أو جنيه

    دلوقتي السرقة بأه بالملايين وكل واحد بيبص للمبلغ اللى سرقة ال ايه عنى فتافيت بجوار الحرامية الكبار يعنى اللى يسرق مثلا مليون جنيه يقولك هى دى فلوس دى تيجى ايه جمب اللى اخدوا الملايين

    هههههههههههههههههههه بس حكاية سرقة حديد الكوبري دى تحفة

    متميز كالعادة يا اكرم

  9. cinderella قال:
    أبريل 30th, 2008 at 30 أبريل 2008 8:45 ص

    كيمو

    طيب هو انت نسيت حفاره مترو الانفاق اللي فضلوةا يركبوا فيها اسبوع لما تسرقت من وسط ميدان التحرير

    يا عيني عليهم

    بس خللي بالك واله مفروض يصعبوا علينا

    لانهم بيتحايلوا علي المعايش

    دول ناس ولدوا ولم يجدوا لا لقمه ولا خبرزه حتي ولا عمل ولا تعليم كويس ولا اي حاجه

    يبقي كله يهلب في كله طالما الحكومه في الباي باي

    سلامات

  10. trust76 قال:
    أبريل 30th, 2008 at 30 أبريل 2008 9:01 ص

    مالك يا باشمهندس

    انت بتشجع براءات الاختراع ولا الحرامية؟؟؟انا فاهماك ياسيدي…

    بس يا ريت الحكومات تبطل سرقة او ع الاقل تسجل براءات اختراع في السرقات اياها عشان نعرف صاحب الفكرة مين كان…دول يا سيدي بيتعلموا من بعض بس سكيتي ..ولا انت رأيك ايه؟؟؟

  11. raeda_2008 قال:
    أبريل 30th, 2008 at 30 أبريل 2008 9:27 ص

    شوف كل السرقات قبل إرتفاع الأسعار

    تخيل الحال بعد الإرتفاع الجنوني في الأسعار

    كيف بده يصير…….إذا ضل شيء ما نسرق

    مواضيعك من حياة الناس العامة كثير مهم

    كتابة حياة الناس

    يسعد صباحك أخي اكرم

  12. mona sawy قال:
    أبريل 30th, 2008 at 30 أبريل 2008 11:01 ص

    ***.صباح الدماغ العاليه

    ……زمان كان الواد بتاع الجرايد يجري فى الشارع و هو ماسك نسخه من الجرنال

    ..ويقول…أقرى الحادثه…و الناس تخطف منه النسخه…عشان الحادثه .

    …اللي غالباً كانت على حرامي غسيل…أو جزم من قدام باب الجامع.

    …انهارده و بالصلاة ع النبي…بقى فيع أكتر من خمستاشر جرنال و مجله متخصصه

    ..في الحوادث…و اللي زاد و غطى أن بقى فيه صحفيين دي بس سكتهم

    …تقدم يا عزيزي..و انفتاح ..وعولمه…و سلامي لجمالات..

    .

  13. dina seliman قال:
    أبريل 30th, 2008 at 30 أبريل 2008 11:01 ص

    ههههههههههه
    كله كوم والكبرى اللى اتسيح ده كوم
    شكرا جدا ليك على الضحكه
    دمت بكل الخير

  14. lanahiary قال:
    أبريل 30th, 2008 at 30 أبريل 2008 11:44 ص

    طمنتني على البلد يا أكرم…..

    الحمدلله الذي لا يحمد على مكروه سواه!!

  15. trust76 قال:
    أبريل 30th, 2008 at 30 أبريل 2008 11:51 ص

    فيه ايه يا باشم مهندس؟؟؟؟؟

    انت بتكره نزار قباني؟؟؟ليه؟؟؟هو عملك ايه يا عمنا؟؟ خليك انت الكبير…هههههههه…لربما لم تعجبك بعض ما قال الا ان له

    شعرا جميلا في الرثاء والحنين و و و…بعدين دا رأيك الشخصي يا باشمهندس …تقوله للناس ليه؟؟؟حيزعلوا منك حبيبة نزار….(حبيبة بتشديد الياء دي كلمة سورية جمع لمن يحب )…

  16. trust76 قال:
    أبريل 30th, 2008 at 30 أبريل 2008 12:08 م

    كيمو

    عجبتني قوي سيبك من الارض ههههههه الا قولي يا كيمو انت عاوز تموت الابلة ثقة؟؟هو المريخ فيه هوا أصلا؟؟؟؟طب انا مخصماااااااااااااااااااااك…. ولا اقولك المسامح كريم….اما بالنسبة للمسقعة فانا كنت بعافية شوية وخفت ان الجراثيم بتاعة انف الوزة تهرب من عندي وتروحلك تهريب بالمسقعة…لهيك (عشان كده)اجلتها شوية…انت بتسأل براحتك…كلي آذان صاغية

  17. mahmoud saeed قال:
    أبريل 30th, 2008 at 30 أبريل 2008 12:09 م

    حلوة قوي المواهب دي

    بس عجبني قوي النصاب اياه بتاع الطمع والله كويس نعرف ان الطمع يقل ما جمع مش بيضيعها كلها

    ماشي مفيش كلمة غير حسبي الله ونعم الوكيل فيهم كلهم واللي وصلهم لكده

    وبرافوا عليك وارجو ان نكون دائما متواصلين كي استفيد من ردكم ودفعكم الرائع

  18. سوما حسونه قال:
    أبريل 30th, 2008 at 30 أبريل 2008 12:14 م

    كيمووووووو

    حلو اوى

    ونعم براءات الاختراع

    تحيـــــــــــــــــــــــــــــاتى ايها المتألق دائما

  19. trust76 قال:
    أبريل 30th, 2008 at 30 أبريل 2008 12:21 م

    انا نسيت اقول لك

    عجبتني الحاجة اللي بتلمع دي ..فوق وتحت صورة نزار قباني

    اتجدعن كده وابعت لي حاجة بتلمع زي دي…هههههههههه ,ويا ريت تكون كده لابسه زيها بنفسجي ببنفسجي…اصل دي شبه هايدي(في افلام الكرتون)بس دي عاملة ريجيم وخاسة…وهايدي كانت يا عيني مكلبزة اوي

  20. أكرم صبري قال:
    أبريل 30th, 2008 at 30 أبريل 2008 12:47 م

    maya

    هههههههههههههه

    الست اخدت الموبايلات وخلعت ههههههههههههه

    طب امال كان فين الامن بس يا مايا

    >ههههههههههه حرامية اخر زمن

    حتى بيوت الرحمن

    بتتسرق .. ده كان فيه جامع عندنا لسه حيفتتحوه .. الحرامية دخلوا الجامع وسرقوا السجاد والنجف .. شفتى الخيبة .. معندهمش حتى احساس بحرمة البيوت دي

  21. أكرم صبري قال:
    أبريل 30th, 2008 at 30 أبريل 2008 12:52 م

    معتز خلة

    المسالة دى خصوصا حتلاقى فيها نزاعات كتير

    علشان كده كل واحد يبحث

    ويوصل للرأى اللى هو مقتنع بيه لان اساسا المناقشات فى الامور دى فى الاخر بتقلب بعركة .

  22. ksad73 قال:
    أبريل 30th, 2008 at 30 أبريل 2008 12:52 م

    الف سلام للاخ الجميل كيمو

    بس مش كل حرامي حرامي ياكيمو

    اسمع هذه بيقولك سأل القاضي حرامي عن كيفية ضبطه من قبل الشرطة في محل

    الأقمشة؟ قال لم أسرق يا سيدي القاضي في تلك الليلة، وإنما جئت لأعيد الفستان لأنه

    لم يعجب زوجتي العزيزة.ههههههههههههههههههههههههههههههههههههههه

  23. أكرم صبري قال:
    أبريل 30th, 2008 at 30 أبريل 2008 12:53 م

    محمد عبدالله

    طبعا الصغير حيرح فيها

    والكبير حيكت على لندن

    ال صحيح يا محمد متعرفش ليه اى حد بيهرب تلاقيه عطلول بيهرب على لندن ههههههه

  24. أكرم صبري قال:
    أبريل 30th, 2008 at 30 أبريل 2008 12:55 م

    زهرة النسرين

    هههههه تصدقى اضافة فى الجون

    واحد ياخد جايزة نوبل علشان اخترع جهاز للسرقة

    بس على رايك .. كله فى الخراب خلاص

    شكرا يا زهرة لمرورك .

  25. أكرم صبري قال:
    أبريل 30th, 2008 at 30 أبريل 2008 12:57 م

    يحيى

    شاعرنا الهمام .. يا بنى انت مش بدعا من القوم

    نص شعب مصر اتسرق منه المحمول بتاعه

    وانا زيك يا معلم معرفش ازاى بيتسرق

    ولا الابلسه دول ليهم طرق بنت ستين فى سبعين

    المهم يا باشا

    احتسب

    بس خلى بالك المرة الجاية .

  26. أكرم صبري قال:
    أبريل 30th, 2008 at 30 أبريل 2008 1:01 م

    Hamadah

    حمااااااااااااااااااااااااااااااااااادة

    ما الحرامية دلوقت معروفين

    بس ايه يا باشااااااااااااااااااااااااااااااااااا

    تقدر تشاور من غير دليل

    هات الدليل باه ان فلان حرامي

    وربنا معاك .

  27. أكرم صبري قال:
    أبريل 30th, 2008 at 30 أبريل 2008 1:04 م

    هههههههه كنزى

    دى قصص واقعية

    طحن

    اول عرض

    وحصرياااااااااااااااااا

  28. أكرم صبري قال:
    أبريل 30th, 2008 at 30 أبريل 2008 1:09 م

    hamasatdalia

    داليااااااااااااااااااااااااااا

    قليله ايه بس يا داليا .. يا داليا انت رايك دائما وصلنى من غير مكتوب ولا بتاع ههههههه

    بصى يا داليا ..

    اللى حكيته عن العالم دى ينطبق عليه البحر بيحب الزيادة

    هما دول كده

    اشكرك يا دليا على متابعتك ليااااااا

    ومتنسيش باه صنينة البسبوسة اللى قوتلك عليها ههههههههه

  29. trust76 قال:
    أبريل 30th, 2008 at 30 أبريل 2008 1:29 م

    انا بعت المسقعة ع الايميل…وصلت؟؟؟

  30. أكرم صبري قال:
    أبريل 30th, 2008 at 30 أبريل 2008 3:54 م

    لااااااااااااااااااااا يا ثقة المسقعة لسه موصلتش

  31. أكرم صبري قال:
    أبريل 30th, 2008 at 30 أبريل 2008 3:55 م

    cinderella

    ساااااااااااااااااندى

    الحومة فى الباباى على رايك

    والشعب فى الباى باى

    وعلى رأى مدحت صالح

    دى لا باظت ولا خربت

  32. أكرم صبري قال:
    أبريل 30th, 2008 at 30 أبريل 2008 3:57 م

    ثقة

    اديكى بتقولى بيتعلموا من بعض يبأه لازم براءة الاختراع

    يا ثقة

    ايه يا عاااااااااااااااالم مفيش ضمير خالص ولا ايه

  33. أكرم صبري قال:
    أبريل 30th, 2008 at 30 أبريل 2008 3:58 م

    ام ليث

    على رايك الارتفاع الجنونى فى الاسعار

    ده بيخلى ضعاف النفوس انهم يلجئوا لطرق غيرشرعية

    اشكرك

    على مرورك الطيب

  34. أكرم صبري قال:
    أبريل 30th, 2008 at 30 أبريل 2008 4:00 م

    mona sawy

    مونى يا مونى

    يا جامد انت يا بتاع ادغدغه وارميه ولا انفع غيرى بيه

    بعدين يا مونى انتى حتنأى على الصحفييين اللى شغالين على الحوادث

    سبيهم ياخدوا سبوبه

    وهو مصائب قوم عند قوم فوائد

  35. أكرم صبري قال:
    أبريل 30th, 2008 at 30 أبريل 2008 4:01 م

    dina seliman

    اضحكى وكركرى

    اى خدمة دينا

  36. أكرم صبري قال:
    أبريل 30th, 2008 at 30 أبريل 2008 4:02 م

    mahmoud saeed

    ان شاء على الله على تواصل

    وفعلا حسبنا الله ونعم الوكيل

  37. أكرم صبري قال:
    أبريل 30th, 2008 at 30 أبريل 2008 4:04 م

    سوما حسونه

    ديما متألقة فى قهوة جملات

    واسمك فى المدونة له بريقة الخاص عندي

    اشكرك يا سوما على مرورك الدائم

  38. أكرم صبري قال:
    أبريل 30th, 2008 at 30 أبريل 2008 4:05 م

    رومانسي بجنون

    ههههههههههههههههههه

    وهو ملاقاش غير طريقة الحرامية يرجع بيها الفستان

    طب حياخد حسابه ازاى كده هههههههههههه

    ديما يا رومانسى تعليقاتك فى اللذيذ

  39. نيفين عمر قال:
    أبريل 30th, 2008 at 30 أبريل 2008 4:19 م

    وانا اختلف معك بخصوص نزار قبانى الذى هو موضوع ادراجى الجديد

    عموما لو اتسرق الهرم

    مش مهم

    ماهى ارض الهرم اتسرقت واتنهبت كلها

    حانبكى على شويه احجار ؟؟

  40. أكرم صبري قال:
    أبريل 30th, 2008 at 30 أبريل 2008 4:29 م

    نيفين ..

    على رايك حزعل على شوية حجر

    بعدين بالنسبة لنزار ده موضوع تاني وطوييييييييييييل

  41. عاشــــــقة الورد قال:
    أبريل 30th, 2008 at 30 أبريل 2008 4:53 م

    الأخ أكرم صبري…

    أولا طالما كنت معجبة بأسلوبك القصصي في السرد و الوصف وتأليف الأحداث…..

    اضافة الى المسحة التفاؤلية والهزلية التي تضفيها دائما على المقال ….

    تطرقت الى موضوع بالغ الاهمية …واقعي…واقعي بمرراة….

    الفكرة كانت واضحة جدا في ادراجك….

    شكرا لأنك أضفيت عليها طابع المرح بشكل راقي أضحكني جدا….

    بأسلوبك متمكن يدل على أنك كاتب محترف…

    تقبل احترامي وتقديري لابداعك

  42. posycat قال:
    أبريل 30th, 2008 at 30 أبريل 2008 5:09 م

    هاي يا كيمو

    علي فكرة مدونتك عجباني اوي وموضوعتها خفيفه وبتقدم الادراجات بشكل مختلف خالص ودي ميزة اتمني لك التوفيق

    مرت للتحيه

  43. طاهر الصوفانى قال:
    أبريل 30th, 2008 at 30 أبريل 2008 5:16 م

    عزيزي اكرم

    انا كمان ابتكرت فيك حرامي جديد وباسلوب جديد لانج

    انت بتسرق الكحل من عيون الصبايا بكلامك المعسول ومواضيعك الي هي اصلا المفروض هزليه

    لاكن في طياتها اصلاح وفكر راقي ووعي وثقافه عاليه

    لاكن بقي اسمحلي

    علي يمين مدونتك غلطه مش هسامحك عليها ابدا وانت حر في رايك لاكن نشر صوره

    لنذار قباني بالشكل ده اعزرني دي مهزله ثقافيه لاتنم ابدا عن ثقافتك

    نذار يااكرم بموته مات معاه اخر فارس للشعر العربي

    ومش هخوض معاك كتير في الموضوع ده زي ماقولتلك انت حر في رأيك

    لاكن تنشر صوره كده

    اعتراضي عليها للصبح

    سلامواااااااااااااااااااااا

  44. Linda قال:
    أبريل 30th, 2008 at 30 أبريل 2008 6:26 م

    أكرم

    مســــــــــــــاء الخير

    لو الهرم الاكبر إتسرق .. مين اللى حيمسح دموع أبو الهول !!

    بجد العنوان رااائع…

    أنا لسه ما قريت الموضوع…

    لي عوده ان شاء الله

    احترامي

  45. rash-al قال:
    أبريل 30th, 2008 at 30 أبريل 2008 6:40 م

    مهضوم موضوعك

    بشكرك عليه

    كون بالف خير

  46. ريما الشيخ قال:
    أبريل 30th, 2008 at 30 أبريل 2008 7:29 م

    فعلا مليانة مواهب

    جميل اسلوبك

    وتنقل الدمعة بضحكة

    مودتي واحترامي

  47. HARD TIMES قال:
    أبريل 30th, 2008 at 30 أبريل 2008 8:52 م

    بداية احبك ان اشكرك علي تواصلك الجميل معي

    اما فكرتك دي جميلة جدا لازم تكون مبدع ومتميز في شغلنتك حتي لو كنت حرامي هههه

    مش دي بردو وظيفه وليها نقابه بردو ولا ايه وممكن نعمل ليهم دوارت في التنيمه البشريه

    هههههه تحياتي لك

  48. إشراف شيراز قال:
    أبريل 30th, 2008 at 30 أبريل 2008 9:06 م

    هههههههههه

    يا سلام هي دي الافكارالي تستحق تسجل براءة اختراع بجد في دولنا النايمة …….

    و اهو الحمد لله مركز البحث العلمي مش محتاج يمول الاختراعات هو بس كل اللي عليه

    يسجلها و التمويل على الشعب و البنوك و الحكومة ووزارة السياحة و الثقافة و الاثار….

    و كمان مش محتاج تخصيص موازنة للبحث العلمي …..الافكار طالعة بسم الله ماشاء الله

    شيطاني …………

    رائع يا كيمو ووووو………….كل دي افكاااااااااار …………………..باااااي………..

  49. أكرم صبري قال:
    أبريل 30th, 2008 at 30 أبريل 2008 9:22 م

    عاشــــــقة الورد

    اعجابك باسلوبي ده شرف ليا طبعا

    وديما كده تواصل مستمر

    شكرا يا عاشقة لمرورك.

  50. أكرم صبري قال:
    أبريل 30th, 2008 at 30 أبريل 2008 9:23 م

    posycat 2m

    اشكرك على كلماتك الرقيقة

    ومدونتك انت كمان حلوة وعذبة .

  51. أكرم صبري قال:
    أبريل 30th, 2008 at 30 أبريل 2008 9:25 م

    طاهر الصوفانى

    هههههههههههههههههه

    معلش باه يا طاهر اسحملى استخدم حق حرية الرأى

    بس الصورة شاعرية خالص يا طاهر

    هى مفيهاش اساءة أو لعب بالفوتوشوب

    بس علامة اكس

    تعنى الرفض مني

    فدى مش اهانة ولا حاجه .

  52. أكرم صبري قال:
    أبريل 30th, 2008 at 30 أبريل 2008 9:26 م

    Linda

    فى انتظار عودتك

    ونورتي المدونة

  53. أكرم صبري قال:
    أبريل 30th, 2008 at 30 أبريل 2008 9:27 م

    الوردة البيضاء

    الحمد لله ان موضوعى اتهضم

    اشكرك يا وردة لمرورك

  54. أكرم صبري قال:
    أبريل 30th, 2008 at 30 أبريل 2008 9:29 م

    ريما الشيخ

    مرورك اسعدني

    تحياتي

  55. غالية قال:
    أبريل 30th, 2008 at 30 أبريل 2008 9:30 م

    اخي العزيز اكرم

    والله انت ايضا محتاج لبراءة اختراع…عن المواضيع الفذة والذكية التي تتطرق اليها

    وأجمل مافيها…انك بتضحكنا وتبكينا على حالنا

    وكل شيء ممكن

    لك تقديري وشكري على مرورك المشرق

  56. أكرم صبري قال:
    أبريل 30th, 2008 at 30 أبريل 2008 9:31 م

    MOSTAFA HEMDAN

    حلوة حكاية النقابات دي

    هههههههههههههههههههههه

    عندك حق يا باشا

    مين عالم

  57. غالية قال:
    أبريل 30th, 2008 at 30 أبريل 2008 9:32 م

    اخبرني صحيح

    ايه القهوة دي قهوة جملات…لاشفنا لاقهوة ولاشاي…ههه

    تحياتي

  58. أكرم صبري قال:
    أبريل 30th, 2008 at 30 أبريل 2008 9:35 م

    إشراف شيراز

    هههههههههههههههههه

    لا التمويل ده اسهل حاجه

    هى بتتمول لوحدها

    شكرا يا اشراف على تعليقك

    ومعملتيش زى المرة اللى فاتت لما قولتى حترجعى تاني ومرجعتيش ههههههههههههههههه

  59. أكرم صبري قال:
    أبريل 30th, 2008 at 30 أبريل 2008 9:37 م

    غالية

    ربنا يخليكى على كلامك الحلو ده يا استاذة

    وكلنا هنا مبدعين وانت منا طبعا بلاشك

    نورتى المدونة

    هههههههههههه امال على المشاريب

    انتى بس تأمرى

    والينسون يتنزل

  60. المغترب قال:
    أبريل 30th, 2008 at 30 أبريل 2008 10:54 م

    ليـــــــلة زفــــاف

    انت مدعوا لها

    فياليتك لاتتاخر

    الفرح بمدونتي المتواضعة

    jedmhm.maktoobblog.com

    المغترب

  61. محمد عبدالله قال:
    أبريل 30th, 2008 at 30 أبريل 2008 11:41 م

    انا عرف الحرمية لما يهربون يهربون للجبال

    بس لندن اعرف ان الي يهرب لها هم احرار العرب من ستبداد بعض الحكومات العربية

  62. شريف عزمي قال:
    مايو 1st, 2008 at 1 مايو 2008 6:44 ص

    على فكرة انت مش حتصدق

    لا لالالالا

    فعلا مش حتصدق

    حتصدق ايه ؟

    مش حتصدق اد ايه انت كنت على حق لما قلت ان الهرم اتسرق

    لقد تمت سرقة الهرم كاملا بكل ما فيه وحواليه ونقله الى احدى بلاد الغرب التي لم يعلن اسمها وظهر مكانه يا صاحبي تمثال غريب لواحده شايله شعله وفي في ايدها كتاب ما تعرف او شنطة محضر ما تعرف المهم ان الحرامي اللي سرق عبقري حقيقي لانه اقنع الناس كلها ان اللي قدامهم هو الهرم الاصلي ويا ويله اللي يقول ان السلطان عريان من غير هدوم

    ها مصدق

    طبعا لا

    تحياتي ودمت بود

  63. حادي العيس قال:
    مايو 1st, 2008 at 1 مايو 2008 7:37 ص

    اخي اكرم صبري : موضوع رائع يستحق الدراسة ,,,

    والحذر واجب ,,,,

    دمت مبدعا ورائعا ,,,

    للشعر فنونه واهدافه واغراضه ,,,

    ادعوك لقصيدة الزلزال ,,,,

    تحياتي لك ,,,,

  64. mona sawy قال:
    مايو 1st, 2008 at 1 مايو 2008 9:14 ص

    *****……كيمو يا مهزار زيي تمام

    …..أحب أقولك أن صحافة الحوادث نصها تأليف..

    …يعني الأخ من دول ياخد بقين من حضرة الظابط بتاع القسم و يكمل الباقي من دماغه

    …و يحبش الحدوته بخياله اللي أوسع من ذمة اللي بالي بالك..و اللي قالي الكلام ده

    ..ضابط مهم لما نشرنا في المجله حادثه و طلع نصها هجص..و اضطرينا ننزل اعتذار لأن

    ..كان ممكن تحصل مشكله كبيره لأطراف القضيه..

    .صباحك امبيانس ..يا اكسلانس…

    .

    .

  65. عمرو مدحت قال:
    مايو 1st, 2008 at 1 مايو 2008 11:54 ص

    ايه ياعم اكرم انت مخاصمنا واللا ايه
    فينك من زمان ؟؟؟؟؟
    ادراجك الاخير رائع والله … وده مش غريب عليك …اهنئك
    فيه عندي حته تليبيانكو تستاهل بقك (رباعيات )
    يالا قبل ما الاكل يبرد
    تحيااااااااااااااااااااااااااااااتي

  66. شهرزاد أمين قال:
    مايو 1st, 2008 at 1 مايو 2008 2:12 م

    أخي أكرم صبري ,

    تحية عطرة …..

    كلماتك فيها إ بداع جميييل و الكثير من الحقيقة … و الأجمل في كلماتك عن هذه الحقيقة هو طريقتك الفكاهية في قولها …

    هكذا أفضل فعند ذاك نضحك بدل أن نبكي على قيم شعوبنا و أضعها بين مزدوجتين … على فكرة كل شيء جميل في مدونتك لكن لماذا تكره نزار قباني … صحيح هي حريتك الخاصة لكن أنا أعشق هذا الراحل و لا أملك إ لا أن أدافع عنه … شكرا لمرورك و دمت بخير …

  67. mahmoud mahmoud قال:
    مايو 1st, 2008 at 1 مايو 2008 2:28 م

    الحرامى المبدع هو من يسرق ويتهم الاخرين

    تحياتى

  68. عادل حجازى قال:
    مايو 1st, 2008 at 1 مايو 2008 5:55 م

    الصديق اكرم صبرى

    تظل اغرب سرقة فى تاريخ مصر ….هى سرقة ( الونش ) بتاع شركة المقاولات اللى كانت ماسكة مشروع مترو الانفاق فى التمانينات القرن الماضى

    ونش …بحاله بمحتاله …يمكن بسواقه كمان

    ها

    سمعت عنها قبل كدة الحكاية دى ؟؟!!

    ولا انت سنك اصغر من الحدوتة دى !!!!!

    تحياتى يا جميل

  69. يوسف إبراهيم.. قال:
    مايو 1st, 2008 at 1 مايو 2008 6:17 م

    أنا مش عارف ليه يا هندسة، إني كل ما أقرالك إدراج، ينط لي رسم ساخر من بتوع عمنا صلاح جاهين، واللي أنا تقريباً حافظها صم:

    بجانب إحدى المسلات يقف المرشد السياحي بزيه الشعبي أمام حفنة من السواح الأجانب الذين نسوا أن يغلقوا أفواههم..

    يقول المرشد:

    “ودي هي المسلة اللي خيطوا بيها الشوال اللي جابوا فيه الهرم”.. ههههه

    …

    فالاختراع بتاع سرقة الهرم جاهز ومسجل باسم الفنان الشاعر الكبير (عشان حقوق الملكية الفكرية) ومش فاضل غير التنفيذ!!!! والمشكلة قدام أي حرامي هي في توفير شوال بحجم الهرم….

    ويا عيني على أبو الهول من غير الهرم الأكبر..

  70. طاهر الصوفانى قال:
    مايو 1st, 2008 at 1 مايو 2008 8:24 م

    اخواني المدونون

    تنبيه هام وعاجل

    ولكل المدونون احفظوا ادراجاتكم علي اجهزتكم

    هناك اختراق تم لمواقع عديده منها ام ليث ومريم

    ومواقع اخري

    وممكن ان يقضي علي الادراجات لذا وجب التنبيه عليكم جميعا

    احفظوا الادراجات علي الااجهزه الخاصه بكم الي ان ينتهي هذا الفيروس

    الذي اعتقد انه اختراق مقصود من جهات معينه

  71. زهرة النسرين قال:
    مايو 1st, 2008 at 1 مايو 2008 9:53 م

    هاكر استولى على مكتوب ..

    وقام بالتحكم الكامل على مدوناتي بالاضافة لمئات المدونات الاخرى ..

    جيت اودعك قبل لا تنحذف مدوناتنا ..

    في امان الله وان شاء الله نتلاقى تاني ..

  72. mahmod_x قال:
    مايو 1st, 2008 at 1 مايو 2008 11:17 م

    موضوعك بجد موضوع رائع

    يسلمووو علي هل ناقص المبدع ..0 ويعطيك الف عافيه

    وانا كمان بقول انو الحرميه موجودين بس ما فيش دليل والي بدو يكشر الدليل رح يكشف دليل وعشان هيك ما بدنا هل دليل هذا مشان بيعمل مشاكل .0. مع تحياتي

    ويسلمووو علي القصه الضريفه والرائعا

  73. السيسى قال:
    مايو 2nd, 2008 at 2 مايو 2008 1:27 ص

    السرقه شيئ جميل اللى مابيعرفش يسرق يبقى مش شاطر

    اللىواخد على انه يتسرق من السهل انه يغتصب حقه فى اى وقت

    انا عالعموم لازم اضع سكينه تحت المخده عشان اللى انا سرقه مايتسرقش

    والحياه فهلوه ومتزعلش ياعم اكرم فالحياه اتسرقت واحنا عايشين زى خيال المئاته

    اوبمعنى اخر ظل راجل مسروق؟؟؟؟؟؟؟؟؟ويجعله عامر

    وهكذا علمتنى الحياة

  74. محمد عبدالله قال:
    مايو 2nd, 2008 at 2 مايو 2008 11:58 ص

    الا على فكرة كيمو

    من سرق خشم ابو الهول

    تحياتي

  75. أكرم صبري قال:
    مايو 2nd, 2008 at 2 مايو 2008 1:29 م

    المغترب

    اشكرك للمرورك

    وتفقدك مدونتك فتعليقي هناك

    ——–

  76. أكرم صبري قال:
    مايو 2nd, 2008 at 2 مايو 2008 1:31 م

    محمد عبدالله

    لأ .. وكمان بيهرب ليها الحرامية

    على رأى الهيكارى فى فيلم الناصر (تذكر قافلة الحجاج )

    امممممممممممم اقصد العبارة سلاااااااااام

  77. أكرم صبري قال:
    مايو 2nd, 2008 at 2 مايو 2008 1:32 م

    شريف عزمي

    ليه بس تقلب المواجع

    سبنا نفرح حبتين بشوية الحجارة دول

  78. أكرم صبري قال:
    مايو 2nd, 2008 at 2 مايو 2008 1:34 م

    حادى العيس

    اشكرك يا استاذ للمرور الغالي

  79. أكرم صبري قال:
    مايو 2nd, 2008 at 2 مايو 2008 1:36 م

    mona sawy

    مونى

    اخبار الحوادث كلها فبركة

    واثناء ما كانت ا.ع ماشية قابلت بلطجى م .ن اللى سرق مش عارف ايه وكله كلام فى البطيخ

    اشكرك يا منمن على معاودتك التعليق .

  80. أكرم صبري قال:
    مايو 2nd, 2008 at 2 مايو 2008 1:38 م

    عمرو مدحت

    عموووووووووووووووووووووووووووووووووووووووورى

    انا برده اقدر اخاصمك يا باشا

    حالا على مدونتك طوالى

    بس اعذرنى يا باشا مشاغل الحياة باه

  81. أكرم صبري قال:
    مايو 2nd, 2008 at 2 مايو 2008 1:40 م

    شهرزاد أمين

    اشكرك على كلماتك الرقيقة

    أما نزار

    فهو وجهة نظر

  82. أكرم صبري قال:
    مايو 2nd, 2008 at 2 مايو 2008 1:42 م

    mahmoud mahmoud

    اشكرك على الزيارة

  83. أكرم صبري قال:
    مايو 2nd, 2008 at 2 مايو 2008 1:43 م

    Adel Hijazi

    هى حكاية غريبة

    قالتلها برده سندريلا يا عم عادل

    وانا عرفتها منكم بصراحة يا عم عادل

    اشكركم يا باشا .

  84. أكرم صبري قال:
    مايو 2nd, 2008 at 2 مايو 2008 1:44 م

    يوسف إبراهيم

    هههههههههههه

    يعنى المخطط مسوم

    المشكلة باه يا يوسف فى الشوال

    حنلاقى فين شوال بحجم الهرم الاكبر

  85. أكرم صبري قال:
    مايو 2nd, 2008 at 2 مايو 2008 1:46 م

    طاهر الصوفانى

    شكرا على التنبيه

    وده اللى انا بعمله فعلا

  86. أكرم صبري قال:
    مايو 2nd, 2008 at 2 مايو 2008 1:48 م

    زهرة النسرين

    حكاية الهاكر دى غريبة جدا

    ولازم حد يبلغ ادارة مكتوب علشان تتصرف فى الحكاية دي

  87. أكرم صبري قال:
    مايو 2nd, 2008 at 2 مايو 2008 1:50 م

    mahmod_x

    اشكرك على اول مرور لك

    واول تعليق لك

    هنا

  88. أكرم صبري قال:
    مايو 2nd, 2008 at 2 مايو 2008 1:51 م

    , السيسى

    هههههههههههههههههه

    سكينة مرة واحدة

    لالا انت كده خطر اوى هههههههههههه

    شكرا يا سيسيي لمرورك

  89. أكرم صبري قال:
    مايو 2nd, 2008 at 2 مايو 2008 1:53 م

    محمد عبدالله

    لا محدش سرقها يا عبد الله

    دى بتصيف شوية فى بلاد بره

    وحترجع تاني

    متقلقش ههههههههه

  90. عمرو مدحت قال:
    مايو 2nd, 2008 at 2 مايو 2008 2:34 م

    يا اكرم انا عايزك تقرأ

    رباعيات

    مش الحته اللي قريتها

    مالك ياحبيبي

    انت عيان واللا ايه ….. مش عوايدك

    فين الشقاوة ياولد……. نحياتي ياجميل

  91. طاهر الصوفانى قال:
    مايو 2nd, 2008 at 2 مايو 2008 5:15 م

    ازيك يااكرم

    معلشي انا شويه متاخر عليك

    بس مشاكل مكتوب ماسابتشي حد

    المهم جمعه مباركه

    وتحياتي

  92. فاطمه عبابنه قال:
    مايو 2nd, 2008 at 2 مايو 2008 6:37 م

    أكرم

    الحرامي في هذه الايام لا نلومه وخصوصا اذا كان لا يملك قوت اطفاله…فهو بصراحه لن يجد شيئا مميزا ليسرقه لان الناس باعت الغالي والنفيس في موجه ارتفاع الاسعار وأكلت الناس بعضها البعض..؟؟؟ ولكن المصيبه والداهيه ان الحراميه الكبار المتدليه كروشهم من السبع والجشع ومش شبعانين؟؟؟

    كل الاحترام

  93. غالية قال:
    مايو 2nd, 2008 at 2 مايو 2008 9:07 م

    ارايت يا اكرم …انت جبت سيرة السرقة

    ومدونات كثير من المدونين سرقت او على وشك

    انت منجم ولا ايه…ا

    مرور سلام وتحية

    الحمد لله انك بخير ومدونتك كذلك

    تحياتي

  94. شهرزادwsn قال:
    مايو 2nd, 2008 at 2 مايو 2008 9:40 م

    لو الهرم الأكبر اتسرق و انكشف السارق هنا سيعاقب

    أما لو ما انكشف بيعطونه جائزة لأنه موهوب و يتعلم بسرعة

    لأن أحنا في زمان اسبرطة …. !!

    على فكرة انت لازم تصير معد برامج تلفزيونية : ) : )

    **

    صحيح ليش تكره نزار ؟؟؟!!!

    هذا المتحدث بلسان الرجل

    غريبة و الله

    يالله نسلم عليك

  95. أكرم صبري قال:
    مايو 3rd, 2008 at 3 مايو 2008 1:30 ص

    عمرو مدحت

    عمووووووووووووووووووري

    اعملك ايه بس انت اللى مدونتك معفرته

    بس رحت تاني اهووووو يا عمنا

  96. أكرم صبري قال:
    مايو 3rd, 2008 at 3 مايو 2008 1:31 ص

    طاهر الصوفانى

    كان الله فى العون

    ومكتوب سيطر عليه الهكرز باين

    وكل هكرز وانت طيب

  97. أكرم صبري قال:
    مايو 3rd, 2008 at 3 مايو 2008 1:33 ص

    فاطمه عبابنه

    كلامك ده نلخصه بالمصري بالمثل العشبي (( عريان بيجرى ورا مأشط))

    هههههههه

    دمتى بخير

  98. أكرم صبري قال:
    مايو 3rd, 2008 at 3 مايو 2008 1:35 ص

    غالية

    هههههههههههههه حرامي مكتوب لسه مسرقهاش

    يا بنتى احنا اللى بنعمل المدونات

    وبعدين هو افكر اساسا انه كده مثلا بيامر بالمعروف وينهى عن المنكر

    وهو اساسا جاهل بفقه الامر بالمعروف والنهى على المنكر

  99. أكرم صبري قال:
    مايو 3rd, 2008 at 3 مايو 2008 1:37 ص

    شهرزادwsn

    ههههههههههههه

    كده عندى اتنين شهر واد بالمدونة

    ومعد برامج ايه بس يا شهر زاد .. طب قولى مذيع

    أما نزار قباني اعتبرى ده راى شخصى ليا

    نورتى المدونة يا شهر واد

    وفى انتظار صور رحلة جديدة من رحلاتك الشيقة

  100. ynas قال:
    مايو 3rd, 2008 at 3 مايو 2008 4:17 ص

    صباح الخير أخى أكرم

    خلى بالك من الحرامى

    أحسن يسرق قهوة جملات

    تحياتى

  101. سوما حسونه قال:
    مايو 3rd, 2008 at 3 مايو 2008 10:43 ص

    اكرم

    صحيح على رأى يحيى

    خلى بالك على قهوة جمالات احنا مش عارفين لو راحت هنعمل ايه من غيرها

    هههههههههههههههههه

    واحب اعتذر للجميع من خلال قهوة جمالات و اقولكم هارجع لكم بعد الفاصل …..اقصد بعد الامتحانات

    تحياتـــى

  102. أكرم صبري قال:
    مايو 3rd, 2008 at 3 مايو 2008 11:44 ص

    القبطان يحيى

    اعتقد يا يحيى ان الحرامي لسه موصلش لجمالات

    لانه لو دخل جمالات وشاف الموضوع اللى عمله على الحرامية

    اكيد حيسنفها نسف

    اصل الحرامى على راسه بطحه

    وانا بموضوعى ده حسست عليها .

  103. أكرم صبري قال:
    مايو 3rd, 2008 at 3 مايو 2008 11:47 ص

    سوماااااااااااااا هاااااااااااااااااااااااانم

    يا ست النبات ده عيل معتوه جالته حاله من العته الفكرى واكيد برده اى حد يشجع السرقة يبأه واحد عقله ضارب فيه السلك ومحتاج اعادة لحام

    شوفى يا سومااااااا لو مدونتى اتسرقت في دهاية

    لانى عندى مدونة احتياطي هى مدونة الحب كل شىء بتاعة واحدة عسوله اوى اسمها سومااا ههههههههههههه

    نورتى المدونة سوماااااااااااااااااا

  104. محمد حماد قال:
    مايو 3rd, 2008 at 3 مايو 2008 12:06 م

    أخاف على مصر..

    تصوروا سفينة فقدت وسط البحر الهائج ربانها، تصوروا مركبة في قلب ريح عاصفة، وأنواء جوية جامحة، فإذا بالدفة ولا أحد عليها، وإذا بوطن يحمل فوق متنه ثمانين مليون مواطن لا يعرف واحد فيهم إلى أين تتجه بهم سفينة خرقها بعضهم عمداً ومع سبق الإصرار، هل يمكن لأهل مثل هذه السفينة أن يناموا وهم مطمئنين على أنهم سيجدون أنفسهم على الخريطة وفي المكان والمكانة التي تليق بهم؟.

  105. سوما حسونه قال:
    مايو 3rd, 2008 at 3 مايو 2008 1:05 م

    اكرم

    صحيح ده اكيد مقراش موضوعك ده

    ربنا يستر بقى على جمالات هههههههههه

    والحب كل شىء مدونتك برضه من غير حاجه انت تأمر بس يا كيموووو

    ميرسى ليك ع كلامك يا كيموووووووووووووووو

    تحــــــــــــــــــــــياتى

  106. أكرم صبري قال:
    مايو 3rd, 2008 at 3 مايو 2008 1:16 م

    سومااااااااااااا يااااااااااااا احلى سومااااااااااااااااااا

    ميرسى على كلامك الرقيق ..

    بس لو مدونتك اتسرقت هى كمان هههههههههههههههه

    متقوليش كيمو السبب

  107. هذيان البنغازية/ البديلة قال:
    مايو 3rd, 2008 at 3 مايو 2008 1:42 م

    تصدق يا اكرم

    انا اصلا مدياها طناااااااااااااش خالص

    لحد الطناش ما زهق مني

    مرور سريع للتحية

  108. سوما حسونه قال:
    مايو 3rd, 2008 at 3 مايو 2008 2:25 م

    كيمووووووو

    لاء متخافش مش انت السبب ده بيحصل عادى

    بقيت متعوده على كده خلاص

    هههههههه

    تحياتى

  109. م طارق وجدى قال:
    مايو 3rd, 2008 at 3 مايو 2008 6:35 م

    السلام عليكم و رحمه الله و بركاته

    اخى الفاضل - اختى الفاضله

    انا ارى ان نرسل رساله لمكتوب كلاً منا على حده اكثر من مره و تزيد حدتها لهم فى كل مره تاخير فى حل المشكله و عدم عوده المدونات

    و اذا استمر هذا الامر حتى نهايه الاسبوع فلنرحل جميعا رحيل جماعى الى مكان اخر

    لا اعلم اين هو ؟

    و هنا لن نجد الامان على كلمتنا فى مكتوب بعد الان طالما ان يدا تخرب و هو صامتون لاهون عابثون بافكارنا و ضائعون لحقوقنا عليهم

    فهيا يا اخوتى نبدا الرسائل

    و انا فى انتظار رايكم لنتفق على راى رجل واحد لنكون يداً واحده فى المواجهه

    و ها نحن وضعنا فى موقف متازم ليرى الله ماذا نحن فاعلون ؟

    دمتم جميعا اخوتى بخير

    و السلام عليكم و رحمه الله و بركاته

  110. hamasatdalia قال:
    مايو 3rd, 2008 at 3 مايو 2008 6:48 م

    كيموووووووووووووووووووووو

    :::هههههههههههه أنا باه معنديش حاجه تتسرق لان مدونتي خلاص بح :::

    ::: بس تعرف يا كيمووو انا عاوزه مدونتك تتسرق علشان نعمل واحدة انا وانت مشركة :::

    ::: بس مش حنسميها جمالات هههههههه نسميها فتكات ::::

  111. كامل النصيرات قال:
    مايو 4th, 2008 at 4 مايو 2008 1:23 ص

    سخريتك جميلة

    دام الابداع

  112. أكرم صبري قال:
    مايو 4th, 2008 at 4 مايو 2008 6:06 م

    طارق وجدى

    كامل النصيرات

    شكرا لمروركم

  113. أكرم صبري قال:
    مايو 4th, 2008 at 4 مايو 2008 6:08 م

    داليااااااااااااااا

    أشكرك يا داليا على مرورك

    إن شاء الله قهوة جمالات مستمرة

  114. طاهر الصوفانى قال:
    مايو 4th, 2008 at 4 مايو 2008 10:26 م

    كيمو

    اخواني

    السلام عليكم ورحمه الله وبركاته

    كان رأي الاغلبيه فيما جرا لبعض الاخوه هو الاستمرار في التدوين

    وبالاغلبيه ندون وان شاء الله الاخوه المتضررين موجودون وبقوه

    واعتزر لمن يخالفني الراي

    واليكم ادراجي الجديد بعنوان ( روبابيكيا )

  115. د : سـيـد مخـتـار قال:
    مايو 4th, 2008 at 4 مايو 2008 10:35 م

    المشكلة أن مكتوب لا ترد

    مدونة مكتوب بالصفحة الرئيسية لمكتوب يحيط بها العنكبوت

    تمر الليالى والأيام ولا أحد فى مكتوب يرد

    هل هو غرور التعامل مع المشاكل البسيطة

    هل الموضوع خارج عن إرادتكم

    هل علاج المشكلة يحتاج لدعم خارجى

    هل لا يوجد أحد فى مكتوب يطمئن المدونين

    هل محاولة التخريب من داخل مكتوب نفسها

    هل الجاسوس خرج عن شرعية مكتوب وقرر عمل عملية استعراضيه لحسابه

    هل ستردون

    هل ستعيدون المدونات التى تم تدميرها كمدونة هيثم أبو خليل وأم ليث وسندريلا وغيرهم

    أعتقد أنكم ستردون

    عودتمونا من قبل على أنكم عند ثقتنا فى كل ما اختلفنا معكم فيه

    أعتقد أن هناك من يسمع ويقرأ

    هل نناشد إسعاف المملكة الأردنية للتحرك لإنقاذ مكتوب

  116. CINDERELLA قال:
    مايو 5th, 2008 at 5 مايو 2008 2:33 ص

    كيمو

    انا سندريلا

    ودي مدونتي المؤقته الجديده

    وعندي موضوع هاااااام جدا يهمني رايك فيه

    تحياتي لك

  117. أكرم صبري قال:
    مايو 5th, 2008 at 5 مايو 2008 11:53 ص

    طااااااااااااااهر

    سأزورك قريبا

    ان شاء الله

  118. أكرم صبري قال:
    مايو 5th, 2008 at 5 مايو 2008 11:54 ص

    شوفى يا ساندى أنا متفق معاكي فى كل اللى قوليته فى مدونتك عن مكتوب

    واذا كان ما فعله المجنون ناصر مصيبة فالمصيبة الاكبر من مكتوب

    ومصيبة مكتوب انه المفروض موقع كبير وميكنش بالسهل اختراقه

    تاني حاجه سياسة الطناش اللى بتتعامل بيها مع مثقفين الموقع وكأن دورها فقط هو وضع اعلانات على الموقع والسلام ..

    بس يا ساندي فى نفس الوقت زى ماق ال الاعضاء اللى حصل فى مكتوب ممكن جدا يحصل فى اى موقع تاني ويعاملونا بنفس الطريقة …فهل كل مرة مثلا حنترك مدوناتنا

    ساندى انا عندى حل وسط

    هو اننا لا نترك مدوناتنا ولكن لنتخذ موقف ايجابي كلنا

    ونمتنع عن التدوين او دخول المدونات لمدة اسبوع

    وستكون خسارة مكتوب فادحة

    ولعل ده هو الدرس اللى حنديه لمكتوب

    ما رايك يا ساندي .. فكرى فى الحل ده ويا ريت كلنا نحط ايدينا فى ايد بعض

    ونتخذ الموقف ده .

  119. @ همســــــــه عبــــــد اللـــه @ قال:
    مايو 5th, 2008 at 5 مايو 2008 12:57 م

    رسالة إلى إدارة مكتوب

    إدارة مكتوب … و لن أقول هذه المرة المحترمين لاني لم اتعود كيل المدائح إلا لمن يستحقها … و كلمة محترمين محجوزة الآن و ممنوعة لدي إليكم حتى يثبُت أنكم تستحقوها

    ..

    وثقنا بكم و أودعناكم عصارة أفكارنا و خبراتنا … فكنتم مخزنا لها و ناشرين … و كانت العلاقة بيننا تكافلية .. بمعنى انكم استفدتم منا زيادة روادكم و إعلاناتكم و ما تحمل ورائها من دخل لكم , و استفدنا منكم موقعا نبث خلاله كلماتنا و نكتسب المزيد من الاصدقاء ما كنا لنلتقي بهم في الواقع الحقيقي … جنيتم من ورائنا أدبيا و معنويا و جنينا من ورائكم أدبيا فقط

    ..

    و الآن باتت علاقتنا بكم متوترة … تعرضت مدوناتنا للسرقة و كذلك ايميلاتنا على موقعكم … و كان ذلك ربما على حد قولكم ناشئ عن غفلتنا و استجابتنا لتلك الرسالة المفخخة التي طالبت بكلمة السر … و لكن عذرنا فيها انها كانت تحمل توقيعكم و على نفس رابطكم

    فان لم نكن نستطيع الثقة بكم و بتلك الرسالة و هي صادرة عن موقعكم … فلعمري انها مصيبة كبيرة

    ..

    حدث ذلك في 30 / نيسان

    و كاتبناكم من وقتها و لم يصدر عنكم بيان سوى في 2/ ايار

    و لكن ماذا بعد البيان ؟؟؟؟

    ما زالت مدوناتنا مسروقة .. و بعضها خرب و نهب ….

    و الادهى ان بعضنا منع حتى من إقامة مدونة جديدة , الا عبر جهاز و اتصال مخالف عن الذي اعتاد … فهل حظرتموهم عن اقامة مدونات جديدة ؟؟؟

    أين هي اتفاقياتكم و التزامكم و خبراتكم ؟؟؟

    ..

    كل هذا من فرد واحد خبيث متلاعب اسمى نفسه ناصر … أيعقل أن مؤسسة ضخمة مثلكم , من المفترض أنها تحوي عقولا كبيرة و عبقرية في البرمجة و ما يتصل بها تقف عاجزة أمامه ؟؟؟

    ..

    في رأيي أنكم إما عاجزون أو متواطئون

    ننتظر ردكم السريع على هذا الزلزال الذي اصابكم و اصابنا و اصاب علاقتنا بكم و الا كان لنا ردنا الذي قد يكون متساهلا و يتمثل في الهجرة الجماعية و الابدية عن موقعكم الذي احببناه في وقت ما الى موقع اخر يقدرنا و يحترمنا .. او سيكون ردا قاسيا ربما وازى ما فعله هذا الناصر ( اخزاه الله ) بكم

    ..

    رسالة إلى المدعو ناصر ( أخزاه الله و أذله )

    استطعت التدليس علينا برسالتك الشهيرة … و كان ذلك كذب … اجبني يامن تسترت بالدين .. هل يجوز الكذب … هل يليق بشريف أن يكذب فضلا عن مسلم ؟؟؟

    الم يقل الرسول عليه السلام أن المؤمن لا يكون كذابا ؟؟

    انا هنا ادعوك لسرقة مدونتي هذه … ان استطعت … فساصفق لك عاليا باعتبارك كذابا و مخربا كبيرا بدرجة امتياز و لمكتوب باعتبارها مطية سهلة لكل عابث خبيث

    و ان لم تستطع … و هذا اكبر ظني … فعندها لن يكون لذكائك دور فيما حدث و انما هي غفلة ادارة مكتوب التعيسة و ثقتنا الغبية بما ورد الينا ما يفترض انه منها ( اقصد الرسالة المشهورة )

    ..

    انتظر ردك ايها الخبيث .. و اعلم ان لعائن الله كلها على كل كذاب خبيث مخرب مفتري .. و اهنا بانتصارك علينا في الدنيا و انتظر رد الدين لنا يوم القيامة

    ..

    رسالة لكل المدونين الشرفاء

    سعدنا كثيرا بالتعرف عليكم … كان لنا هنا مناقشات و مداخلات اتسمت بالاحترام و الحرية المسئولة …

    كان لنا هنا مجالس كثيرة من الحوار و النقاش … انا شخصيا اعتز بها كثيرا …

    ادعوكم و كل من سرقت مدونته للتوقف عن الكتابة لمدة … ربما اسبوع او اثنين … و لنرى هل ستهب مكتوب للدفاع عن دخلها المادي الذي سيتاثر كثيرا بقلة الاعلانات و الرواد ام ستبقى على قلة اكتراثها

    لننتظر رد فعل مكتوب على ما حدث

    حتى و ان لم تُسرق مدوناتكم اليوم … فتذكروا مقولة ( أُكلت يوم أُكِل الثور الأبيض ) … لتثبت لنا مكتوب انها قادرة على حماية روادها من الدخلاء و انها ليست طرفا في هذا الموضوع بإهمالها فضلا عن تلاعبها

    …

    مواقع استضافة المدونين كثيرة

    ان لم تبدي مكتوب اهتماما فلنرحل عن هذا الموقع لموقع اخر يستطيع حماية أفكارنا و كلماتنا و يبدي احتراما لالامنا و مصاباتنا

    ..

    هذا ادراجي الاخير هنا حتى يثبت لي عكس ما ارى …

    قد عاهدت نفسي ألا أدون إلا في مدونتي الاصلية أو في موقع آخر سوى مكتوب

    ..

    حبي و احترامي لكل الشرفاء المحترمين

    و تذكروا ….أن الإنسان موقف و كلمة

  120. CINDERELLA قال:
    مايو 5th, 2008 at 5 مايو 2008 3:31 م

    كيمو

    اتفق معك تماما فيما قولت

    ولكن الفكره هنا

    اننا لابد ان نرحل جميعا

    لا لسبب الا لانه م حدث لمكتوب هو نهايه طبيعيه للاداره متسيبه لا يحكمها اي قانون اخلاقي ولا شرف

    فالادراه التي تسمح بنشر السباب وقله الادب وهتك الاعراض علنا في موقعها

    الادراه التي لا ترد للمغتصب حقه مع ترضيه واعتذار مناسب

    الاداره التي لا تستطيع حتي هش الذباب عن وجهها

    لا تستحق ان نستمر ففيها

    وانت كما تري في ادراجي الفكره كانت في اني اعطيهم الفرصه حتي نهايه الاسبوع

    وان لم يصبحوا علي قدر المسؤليه ونستعيد ثقتنا بيهم فالي الجحيم يذهبون

    الفضاء واسع ورحب ويتسع للجميع

    ارشف مدونتك

    حتي اذا نوينا الرحيل تكون عندك ونعيد نشرها في مكان اخر اكثر احتراما وتقدير للناس

    تحياتي لك

  121. أكرم صبري قال:
    مايو 5th, 2008 at 5 مايو 2008 3:47 م

    ساندى ..

    وكلنا طبعا متضامنون معكي فى الموقف ده قلبا وقالبا

    وانا شخصيا مش عاوز المسالة تكون منى ومن غيرى من الاعضاء مجرد كلام بس

    ومنتظر معكى لنهاية الاسبوع لما نشوف اخرتها ايه مع العالم دي

    وبعدين نطبق سياسة المقاطعة لمدة اسبوع

    ولو لم تفلح

    نترك المكان ده

    وده سهل عليا أوى انى انقل مدونتى لاى موقع اخر

    بس يا ساندى عاوزين تضامن من الاعضاء مش بس كلام لازم يكون فعل لان تصرف فردى مش حيردع العالم دي

    ولما نشوف اخرتها ايه ..

  122. سوما حسونه قال:
    مايو 5th, 2008 at 5 مايو 2008 4:18 م

    اكرم

    تفتكروا ده الحل؟؟؟؟؟؟؟؟؟

    انا مش بحبط من عزيمتكم ولا حاجه انت والاخت الفاضله ساندى

    بس ده مش حل اننا هنعمل اضراب اسبوع ولو مستجابتش الادراه وعدلت التسيب اللى بيحصل ده هنعمل ايه ؟؟؟؟؟؟؟

    معتقدش انه م السهل نسيب الحكايه كلها كده ونمشى

    فكروا كويس

    واحنا كلنا معاكوا ونفكر سوا ونتخذ القرار ان شا ءالله

  123. أكرم صبري قال:
    مايو 5th, 2008 at 5 مايو 2008 5:48 م

    يا سوماااااااا

    اصل لازم يكون فيه موقف لان ده ممكن يحصل معايا ومعاكي

    فعلى الاقل نمتنع عن التدوين لمدة اسوبع ولا ندخل مكتوب

    وده يا سومااا حيكون عامل ضغط على مكتوب حتى يستجيبوا لمطالب الناس

    اما ترك مكتوب كلية محتاج تفكيييييييييييييير ويكون قرار جماعي وليس فردي

  124. طاهر الصوفانى قال:
    مايو 6th, 2008 at 6 مايو 2008 12:53 ص

    انت فين يابني

    وقاعد نايم ليه

    فين الجديد؟

  125. سوما حسونه قال:
    مايو 6th, 2008 at 6 مايو 2008 9:51 ص

    ماشى يا كيمو

    بس تفتكروا اسبوع كفايه ؟؟؟؟؟؟؟؟

    مش عارفه

    وهل هيجيب نتيجه ؟؟؟؟؟؟؟

    طب ولو مجابش نتيجه ؟؟؟؟؟؟؟

    هنعمل ايه ؟

    ماهو مش معقول لا نفضل كده

    ولا نسيب الدنيا كلها ونمشى

    اكيد فيه حل

  126. Wahdah Wahedah قال:
    مايو 6th, 2008 at 6 مايو 2008 10:41 ص

    بدية صباح الورد والفل والياسمين

    على الناس الوحشه اللى خاصمتنا واحنا غايبين

    ثانيا

    أحب أقول لسيادتك ان اللى اشترى التروماى كان م البلد دى

    واللى باعه برده

    ثالثا بالنسبه للمهزله اللى حصلت ف مكتوب واللى بسببها حالة الاحباط ملازمانى والمدونه بتاعتى بقت شبح مدونه … نفسى كلنا ناخد موقف جماعى… لأن انا واحد من الناس وحيده من غيركم واللى يهمنى أنتو…. انت يا أكرم …. وكل أصدقائى اللى كسبتهم بجد من مكتوب….. المفروض نكون محمين وحاسين بالامان والا مسألة الكتابه دى هاتبقى نفاق وهلس وكلام فاضى…. ياريت مدونات اللى راحت منهم ترجع تانى زى ما بيقولوا ف الاداره…. واللخبطه اللى عملها إدراج سى زفت دا تروح بقى ونعرف نتحكم ف الصفحه… وانا مش لايمه الاداره انى مش عارفه اتحكم ف صفحتى … اذا كانوا هم نفسهم صفحتهم الرئيسيه للمدونات الأكثر تعليقا وانتشارا والجديد ف حالى شلل لأكتر من يومين…

    المسأله محتاجه وقفه

    اتفاق

    قرار صح

    المهم نكون سوا بإذن الله

    طمنا عليك بقى يا بطل

  127. أكرم صبري قال:
    مايو 6th, 2008 at 6 مايو 2008 11:20 ص

    عم طاهر

    انا عديت على الروبابيكيا بتاعتك وسبتلك حتة خردة كده على ما قسم

    وان شاء الله الجديد قريب اهوووووو .. بس انت شايف لخبطة مكتوب

    وانا مستنى اشوف الحكاية حترسى على ايه

  128. أكرم صبري قال:
    مايو 6th, 2008 at 6 مايو 2008 11:21 ص

    سوما حسونه

    سمسة مكتوب المسمسة

    بصى هو انا سمعت ان فيه مدونات رجعت وانا شفت بعض المدونات اللى كانت محذوفة فعلا رجعت

    بس ننتظر ونشوف هل المدونيين بيتحكموا فيها ولا لسه !

  129. أكرم صبري قال:
    مايو 6th, 2008 at 6 مايو 2008 11:24 ص

    Wahdah Wahedah

    مروة هااااااااااانم

    انا برده اقدر اخاصمك يا باشا ..بس يا مروة هى ظروف ولخبطة معايا الايام دي.. وكنت عارف انك واخدة اجازة .. حمد الله على السلامة يا مروة ..

    وبالنسبة لحكاية المدونات والتدوين

    أنا شفت بعض المدونات المحذوفة رجعت يا مروة

    وده حاجه كويسه

    لكن هل اصحاب المدونات رجع تاني تحكمهم فيها ولا لسه .. ده معرفوش !

    وبالنسبة للأدراج المهبب بتاع الحرامي عرفت ان مكتوب عملته كمسودة

    لكن اسالى يا مروة الناس النايمة دى هل ممكن تحذفيه ولا لأ !

    عموما اصبرى شوية يا مروة ..

    وشكلها الازمة على انفراج

    قريب .

  130. سوما حسونه قال:
    مايو 6th, 2008 at 6 مايو 2008 11:45 ص

    كيمووووووووو

    يا رئيس باشمهندسين جمالات

    والله خبر حلو ان فيه مدونات رجعت بس اللى هيفرحنا اكتر انهم يتحكموا فيها

    عشان الحكايه دى تخلص على خير بقى

    وكل واحد يفوق لمدونته بقى ونرجع زى الاول كلنا اخوات وزملا وايد واحده

    يارب خير

  131. محمود أبوعريشة قال:
    مايو 6th, 2008 at 6 مايو 2008 11:55 ص

    السلام عليكم

    ادعوك لادراجي الجديد

    حلم العودة..

    لي عودة

    تحياتي

  132. أكرم صبري قال:
    مايو 6th, 2008 at 6 مايو 2008 1:13 م

    سوماااااااا

    فعلا فيه ناس بدأت تتحكم فى مدونتها

    اشكرك يا سوما لمتابعة الرد على المدونة

    ————–

    غريب 19

    ان شاء الله قريبا لنا زيارة

  133. mona sawy قال:
    مايو 7th, 2008 at 7 مايو 2008 8:04 ص

    ***….صباح الخير

    ..مش أكتر

    .

  134. هيثم ابوخليل قال:
    مايو 7th, 2008 at 7 مايو 2008 8:48 ص

    الأحباء الأفاضل مدونين مكتوب :

    كل شكر وتحية وتقدير لكم فرد منكم…

    علي هذا الحب والعناية والإلتفاف حولي أثناء غياب المدونة ,,,

    حتي عادت المدونة بفضل أقلامكم ودعمكم …

    عشرات الإيميلات والتليفونات من هنا وهناك ومن خارج مصر تسأل عني وتطمئن عليّ ..

    وهذا قدر وشرف يطوق عنقي للأبد …

    يارب أكون عند حسن ظنكم …. أكتب للحق وللحقيقة

    ويجعلنا مثل سيدنا العظيم عمرو بن الخطاب عندما قال حبب لي من دنياي :

    قول الحق وإن كان مراً .

    أشكر تواصلكم … أشكر دعمكم …. أشكر حبكم …

    وهكذا تكون قوة المدونين في حبهم وتآلفهم وإتحادهم ….

    أخوكم الممتن لكم جميعاً

    م/هيثم أبوخليل

    مدون مدونة متر الوطن بكام ..؟

  135. trust76 قال:
    مايو 7th, 2008 at 7 مايو 2008 9:06 ص

    انت فينك يالااااااااااااااااااا

    تاركني ملطوعة في الشارع..وابلتك تتعاكس من الشباب الي رايح واللي جاي وانت ولا هنا….ما كنش العشم يااااااااااااااد….كنت على الاقل بعتت مسج تقول انك مش جاي

    …لا تكونش عيان يا لاااااا؟؟؟

    طمني

  136. trust76 قال:
    مايو 7th, 2008 at 7 مايو 2008 11:54 ص

    ياخبر زي بعضه انت فين يا هندسة قلقتني عليك…انا دورت عليك في كل حتة..حتى في قهوة جملات انت مش موجود …

    خير يا طيب…انت فين؟؟؟؟

  137. أكرم صبري قال:
    مايو 7th, 2008 at 7 مايو 2008 12:51 م

    ثقة …

    بجد اشكرك على سؤالك المتكرر

    بس انتى عارفه بأه طحونة الحياة واخدة الانسان

    وانا الحمد لله بخير

  138. trust76 قال:
    مايو 7th, 2008 at 7 مايو 2008 1:06 م

    خود بالك من نفسك يا خويا ..اصل الطاحونة دي ما بترحمش الا الحويط

    واناواثقة بيك وبمخك اللي زي جنيه الدهب يا هندسة

  139. كنزي قال:
    مايو 7th, 2008 at 7 مايو 2008 4:27 م

    ازيك يا اكرم يارب تكون بخير

    فين مواضيعك الجامده طحن اللى انت معودنا عليها

    ما علينا ممكن تكون مشغول

    انا عملت ادراج جديد

    ياريت تشوفه وتقولى رايك فيه

    كنزى

  140. أكرم صبري قال:
    مايو 7th, 2008 at 7 مايو 2008 4:37 م

    ثقة

    هههههههههههه

    جنيه الدهب وجنيه استرلينى

    ودينار كويتى

    متخافيش عليا ثقة

  141. أكرم صبري قال:
    مايو 7th, 2008 at 7 مايو 2008 4:39 م

    كنزى ..

    أشكرك على سؤالك

    وإن شاء الله على مدونتك علشان شاوف اخر ابدعاتك.

  142. سوما حسونه قال:
    مايو 7th, 2008 at 7 مايو 2008 5:12 م

    كيمووووووووو

    فين الجديد ؟؟؟؟؟؟؟؟

    الناس كده تطفش م قهوة جمالات

    اسرررررع

    تحيــــــــــــــــــــــاتى

    انا فلاحــــــــــــــــــه مصريــــــــــــــــــــــــه وافخر بذلك

  143. المغترب قال:
    مايو 7th, 2008 at 7 مايو 2008 10:10 م

    اصدقائي الاعزاء

    مزاد علني بمدونتي المتواضعة

    مين يزود ….

    شارك بالمزاد

    المغترب

  144. نور الندى قال:
    مايو 9th, 2008 at 9 مايو 2008 5:43 م

    أسلوبك جدا رائع في سرد الأحداث وباللهجة المصرية …

    دمت بكل خير …



اكتب تعليــقك
الإسم الذي سيظهر على التعليق
مشتركي مكتوب
اسم آخر

« شبيك لبيك إمشى على دماغك وارفع لفوق رجليك ..!!
قالها المتنبي ورددها عبد الفتاح القصري واختصرها ولاد البلد فى عود الكبريت »