شبيك لبيك إمشى على دماغك وارفع لفوق رجليك ..!!
كتبهاأكرم صبري ، في 22 أبريل 2008 الساعة: 15:22 م
جربت مرة كده فى أى قعدة حلوة مع مجموعة من أصحابك أنك تفتح موضوع العفاريت ..أكيد حتلاقى كل واحد منهم عنده قصة مسخرة عن الموضوع ده ..ويمكن ده الموضوع الوحيد اللى القصص فيه مش بتنتهى .. وطول ما انت عمال تسمع قصص من اياها حتلاقى نفسك مذبهل ومبحلق عينك فى اللى بيكلمك ومش نازل عليك كلمة واحدة بس (( يا سلااااااااااااام)) .. وطبعا لو كان معاك حريم فى القعدة دى مش حتسلم من سماع الجمل المشهورة للستات من (( يا خراشي )) و(( اشتاتا اشتوت)) و (( ربنا يجعل كلامنا خفيف عليهم )).. وطبعا احلى الحكايات وأغربها فى موضوع العفاريت ده حتسمعه من الستات .
وأنا مش عارف حقيقى ليه الستات بالذات بتصدق أى قصة تتقال لهم عن العفاريت لدرجة أن واحدة غالية عليا أوى شافت حلقة فى برنامج خليجى عن واحد مستضيفينة كان له مغامرات مع العفاريت وسمعت حاجات غريبة وكانت مذهولة وجت تسألنى انت عمرك ما شفت عفريت ؟! .. قولتلها يا ختى احنا ماشفناش غير العفريت بتاع يااااااااااااااااااا مصطفى اللى طلع لــ(سماعيل يس) من الفانوس السحرى وتلاقيه طالع فارد عضلاته ويقول شبيك لبيك إمشى على دماغك وارفع لفوق رجليك .. اه وطبعا تلاقيه لازم بيضحك ، ومتعرفش هو اساسا بيضحك على ايه .. ال صحيح هو العفريت لما يطلع من الفانوس بيضحك على ايه ؟! .. ما علينا .. المهم بأه انى انا شخصيا كنت زمان وأنا صغير معلوماتي عن العفاريت كانت لا تتعدى فيلم الفانوس السحري .. إن عفريت كده يطلع من اى فانوس من فوانيس رمضان واديله الفركة التمام زى مصباح علاء الدين بالضبط .. وحطلب بأه .. يعنى مثلا يسرب لي الامتحان بتاع الابتدائية أويضربلى ناظر المدرسة كام قفاااااا … وكده .
بعد كده مع فيلم ( الانس والجن ) لعادل إمام شفت شكل تاني باه للعفريت .. العفريت الرزل أبو دم تقيل .. يعنى العفريت بتاع الفانوس كان عفريت مسخرة .. لكن ده باه كان شكل تاني .. عفريت اخر غتاتة ..هنا باه حدث عندى تصور تاني .. مبأش بس العفريت اللى لابس نص هدوم وطالع بيتاوب من الفانوس ده فيه عفاريت كمان شغالة أذية فى خلق الله .. قولت لما اقرأ فى الموضوع ده واشوف الحكاية ايه وجبت شوية كتب إسلامية بتتكلم عن الجن والعفاريت .. وبدأت اطلع أكثر كنت يومها يمكن فى 3 اعدادي أو أولى ثانوى مش متذكر بالضبط .. بس المهم فى الحكاية انى كنت عاوز اعرف هل الحكايات اللى سمعتها والافلام اللى شفتها عن العفاريت دى حقيقى ولا لأ .. والحصيلة دى اللى حصلت عليها من المعرفة كانت حصيلة كويسة انى اقدر احكم على اى قصة اقراها هل هى تاليف وفبركة ولا ممكن تحصل .
ومن ضمن تلك القصص حكاية (( عمارة الرعب )) اللى موجودة فى الاسكندرية فى ارقى الاحياء بها وهى منطقة (( رشدي)) .. العمارة دى يا جماعة دلوقت تساوى ملايين ومع كده هى عمارة مهجورة .. وظلت العمارة دى مصدر للحكاوى من اهل الاسكندرية والاشاعات كمان .. وكان السؤال اللى بيفرض نفسه يا ترى عمارة زى دى فى ارقى احياء الاسكندرية مهجورة ليه ؟! .. طب وفين صاحبها ؟! .. وطبعا كانت الاجابة النموذجية ان العمارة دى ولا مؤاخذة مسكونة بالعفاريت .. ده مش كده وبس ده طلعت الحكاوى كمان عن سبب وجود العفاريت فى العمارة دي .. وأتذكر تحقيق صحفى قريته حول العمارة دي .. والصحفى عمل لقاءات متنوعة مع الناس المجاورين للعمارة .. اللى يقول أن العمارة كانت في الأصل مسجداً، طمع فيه رجل أعمال فهدمه وأقام بدلاً منه عمارة سكنية فسكنتها العفاريت عقاباً له على فعلته .. واللى يقول إن العفاريت سكنت هنا لأن صاحب العمارة قتل فيها بعدما بناها فسكنها عفريته.. واللى يقول ان اى حد يسكن فيها يصحى بالليل من النوم ويلاقى الاثاث بتاع الشقة مرمى فى الشارع .. يمكن واحد بس هو اللى قدم تفسير منطقى وهو وحارس عقار احد العمارات المجاورة فقال ان العملية لا عفاريت ولا بتاع الحكاية وما فيها أن صاحب العمارة دي مات بعد ما بناها على طول، وأختلف الورثة عليها وحتى اليوم مازال بينهم مشاكل .
فمسألة العمارة دي غريبة وتحيط بها التخاريف من كل جانب .. لكن برده استوقفتنى حكاية تانية قرأتها فى موقع مصراوى والكلام فيها للدكتور عبد العظيم المطعني الاستاذ بجامعة الأزهر واللى بيقول انه حصلت له حكاية غريبة فى القاهرة فبيحكى ويقول الأتي : ((كنت أعمل في الأهرام وكنت أنهي عملي هناك في وقت متأخر من الليل وكانت سيارة العمل توصلني إلى منزلي وقبل منزلي كانت توجد مكتبة تغلف الكراريس ويوجد من مخلفاتها بعض ما يسمونه الدشت ويقومون بجمع هذه القصاصات من الورق وتكويمها خارج المحل في أنتظار أن يأتي عامل النظافة في الصباح وعندما نزلت من سيارتي كنت أمام هذه المهملات فوجدت فجأة فتاة تخرج من وسط هذه القصاصات لم أتبين ملامحها ولكنها بدت على شكل فتاه عادية ولكن الحمد لله ثبتني الله وفي الحال قلت أعوذ بالله من الشيطان الرجيم فاختفت هذه الفتاة في الحال وهذا دليل على أنها ليست بفتاة من الإنس وإنما كانت من الجان ))
وأنا يا اخوانا اعتقد ان الحكاية دى عادى جدا وممكن تحصل ، يعنى حكاية ممكن نصدقها ، وفيه تجارب للحكايات دى من السنة النبوية .. لكن تلاقى هناك حكايات تانية خالص اولا ملهاش دليل من السنة وتاني حاجه تظل حكايات قاصرة على اصحابها بس ..ومن ضمن تلك الحكايات زواج الانس والجن أو الحب بينهم ..لدرجة أن مجلة (صباح الخير) طلعت بتحقيق صحفى كبير من كام اسبوع وكانت طرحه تساؤل هل زواج الانس والجن حقيقى ولا خيال .. وطبعا كانت المعارضة من كل الضيوف واضحة وصريحة .. وبرده مسالة المس فرغم معارضة علماء علم النفس لحكاية المس دى وبعتبروها حيلة نفسية إلا أن كثير من علماء الشريعة برده كان ليهم موقف مختلف من حكاية المس وبيأيدوها ..
يعنى الخلاصة يا اخوانا اللى عاوز اقوله أن كتير من قضايا الجن والعفاريت فيها خرافات كتير وللاسف الفضائيات ساهمت فى انتشار كتير من الخرافات دي ، واتذكر كانت هناك قناة على النيل سات متخصصة فى الحاجات دي وبعد كثرة الشكاوى أوقفت الحكومة المصرية مشكورة القناة المهببة دي ..فاللى عاوز اقوله انه فى ظل غياب الوعى الدينى أولا فالعقل سهل انه يقع فى كتير من الخرافات ، وفى نفس الوقت هناك حقائق عن غيبيات اثبتتها الشريعة فمش لازم نتفزلك وننكرها لان العقل لا يستوعبها ..أنا أتمنى نتعامل مع القضايا دى بشىء من الوسطية من غير انحراف وهرتله توصلنا للخرافات.. ومن غير تنطيط وفزلكة تجعلنا ننكر حقائق فيها نصوص صريحة
(( كيــــمو))
ـــــــــــــــــــــــــــــــــــــــــــــــــــــــــ
التصنيفات : شبيك لبيك إمشى على دماغك وارفع لفوق رجليك ..!! | السمات:شبيك لبيك إمشى على دماغك وارفع لفوق رجليك ..!!
أرسل الإدراج | دوّن الإدراج
أبريل 22nd, 2008 at 22 أبريل 2008 3:56 م
هههههههه
انت كمان بتاخد ثقافتك من الافلام زيي
يعم ماعفريت الا بنى ادم
وبعدين ايه الظلم البين ده للجنس الرقيق اللطيف
اكمن عندهم ثقافه عامه الحقد هيشتغل بقه
وبعدين على راى الجهبز صلاح جاهين
وان هب فيك عفريت قتيل
اسأله مادافعش ليه عن نفسه يوم ما اندبح
وعجبى
أبريل 22nd, 2008 at 22 أبريل 2008 4:11 م
العزيز اكرم صبرى
ومين اللى يقدر يشكك فى العفاريت !
لأ
موجودين ونص
ربنا يعافينا من شرورهم
والدليل موجود - فى كتب السنة لمن يريد الاطلاع
تحياتى
أبريل 22nd, 2008 at 22 أبريل 2008 4:12 م
السلام عليكم ورحمة الله
اخونا اكرم صبري
هذه اول مرة ادخل مدونتك و اتمنى ان استمر بشرط ان تستمر في كتاباتك الساخرة الواقعية
اما بخصوص موضوع العفاريت
فيه حاجة اسمها جن وموجودين فعلا ولكن الله من علينا بعدم رؤيتهم حتى لانصعق من هول الرؤيه
وحكايتهم وان جانبهم الصدق الا انها تقال من الطرفين الرجال و النساء و الاغلب من النساء
واللي يخاف يطلع بره ويقال اللي يخاف من عفريت يطلعله
يجعل كلامنا خفيف عليهم
اراك في مدونات اخرى ودائما متألق
وارجو التواصل الدائم
أبريل 22nd, 2008 at 22 أبريل 2008 4:20 م
فعلا الجن مذكور فى القرأن
بس برضه مش كل واحد يضوف خيلات قدامه
ولا بقاله اسبوع منمش وبيتهيالوا حجات يقول جن وعفاريت واشتاتا اشتوت
لازم يكزن فى تعقل شويه
امال ربنا خلقلنا عقل ليه
كالعاده موضوع مميز
دمت بكل الخير
أبريل 22nd, 2008 at 22 أبريل 2008 4:22 م
أخي اكرم
هم موجودين فعلا حسب الكتب الإسلامية
ولكن الناس تزيد من عندها في القصص
يعني من قرأ أية الكرسي لم يصبه شيء
علاج موثوق وسهل………..
بس ضعف الإيمان زاد جهل الناس في هذه المواضيع
شكرا لمواضيعك الشيقة
أبريل 22nd, 2008 at 22 أبريل 2008 4:41 م
أخي اكرم
بجد بشكرك على موضوعك المييز
انت طرحته بأسلوب جيد
اكيد الجن موجود عشان ذكر في القران
على فكرة لو حابب تقرا اكتر وبجد تعيش فلم رعب حقيقي
ابقى اقرا من موسوعة علوم ماوراء الطبيعة دي فيها حاجات ومع ادلة من القران
احترامي وتقديري
أبريل 22nd, 2008 at 22 أبريل 2008 5:13 م
اخى العزيرز اكرم
الجن مذكور بالقران ولكن لو كل واحد قرب من ربنا وواظب على العبادات وقراء القران لايمسه اى شئ
دومت بخير
وادعوك لاول ادرج لى وشاركنى الرائ
ودام التواصل
أبريل 22nd, 2008 at 22 أبريل 2008 6:44 م
اصبت ياعمنا
خير الامور الوسط
أبريل 22nd, 2008 at 22 أبريل 2008 7:34 م
ايه يا عم بوحا …
ايه حكاية صبح صبح دى ؟…
انت محسسنى انك اللمبى …….
كان نفسى التعليق يكون فى صلب القصيدة ….
تحياتى لك .
أبريل 22nd, 2008 at 22 أبريل 2008 8:10 م
مساءك عسل
تعرف تعليقاتك كم هي جميله وبسيطه وتشرح الفلب
الله يشرح قلبك ويسعدك ويبعد عنك كل مكروه
دمت بالف خير
أبريل 22nd, 2008 at 22 أبريل 2008 8:45 م
أيوووووه
ماشاء الله صاير اليوم هالة سرحان ههههههههه
عاااااااااااااااادي
أنا دخلت اليوم مدونة واحد اسمه أكرم و أكرم صبري بعد
و بعدين فجأة و تختفي من قدامي
بسم الله الرحمن الرحيم
الله يكافينا شرهم
أقروا المعوذات يا جماعة كل ما دخلتووا
أبريل 22nd, 2008 at 22 أبريل 2008 8:49 م
كيمــــــــو
التوبيك نزل على غفلة
كنت عاوزه ابقى الاولى يله .. ماشى المرة الجاية بأه حعمل خيمة قدام المدونة ههههههه
موضوعك حيعملنا رعب يا أكرم
بس رعب ليه ولا رعب ولا حاجه
الانسان اللى بيصلى واللى مواظب على قراءة القرأن مش بيهمه اى حاجه بالعكس العفاريت هى اللى تخاف منه ..
ربنا هو الحافظ يا كيمو
بس زى ما انت قولت
اى حاجهمش فى الكتاب والسنة وخلاص مش نقبلها
لازم اى حاجه يكون عليها دليل ، ومش نسيب نفسنا للحكايات والخزعبلات دي
موضوعك كالمعتاد
حلو .
أبريل 22nd, 2008 at 22 أبريل 2008 9:17 م
كيمووووووو
لبشت المدونه بموضوعك ده
هههههههههههههه
هاروح اشوف التعويذه
تحياتى
أبريل 22nd, 2008 at 22 أبريل 2008 10:32 م
كيمو
موضوع الجب ده مفروغ منه
طبعا موجودين وليهم سورة كامله باسمهم في القران الكريم
ولكن هم مخلوقات وملكوت تاني زي ملكوتنا بالنسبه ليهم
والفكره وايه يعني ملا يبانوا ولا يظهروا ايه الرعب في كده
ولا علشان احنا مش متعودين نشوفهم
طيب انت تعرف انه الناس قبل رساله سيدنا محمد كان سيدنا عزرائيل يدق الباب علي من يريده ويسأل اهله عنه ليقبض روحه وعفي الله عنا من هذا الكابوس بشفاعه سيدنا المصطفي عليه الصلاه والسلام
الفكره انهم في عالم غير مرئ بالنسبه لنا وهم مملكه مثلنا فيها الكويس والوحش فبلاش عب
بقي وشغل حلق حوش وهنصرفه وهيلبسنا والفراغ العقلي ده لانه يلبسه ليه هو من قله الاجساد يعني ولا نكونش احنا بدل وهم بيلبسوها؟؟
عجبي
تحياتي لك
أبريل 22nd, 2008 at 22 أبريل 2008 10:47 م
damas
هههههههههههه لا يا ستى مش باخد ثقافتى من الافلام ولا حاجه
انا قولت رجعت وقريت فى الحكاية يعنى
بعدين ححسد الحريم على ايه بلا وكسه
ده نص حكايتهم خربانة
أبريل 22nd, 2008 at 22 أبريل 2008 10:48 م
, Adel Hijazi
عدولة
اه موجودين
بس التوبيك بيقف على القصص والخرفاات المحيطة بيهم
وازاى الناس بتصدق اى حاجه .
أبريل 22nd, 2008 at 22 أبريل 2008 10:49 م
mahmoud saeed
اهلا بيك فى اول زيارة للمدونة وعلى تواصل إن شاء الله
وعلى رايك
اللى بيخاف
يطلع بره
أبريل 22nd, 2008 at 22 أبريل 2008 10:50 م
dina seliman
ايوه مذكورين فى القرأن
وانا بطرح فكرة ان يكون فيه مقياس نحكم بيه على اى قصة من القصص دى اذا كانت خرافة أو لا
وده طبعا وفق نصوص االشريعة .
أبريل 22nd, 2008 at 22 أبريل 2008 10:51 م
ام ليث
ربنا يكرمك يا غالية
كلمتاتك دائما لها وقع طيب
فعلا
الالتجاء إلى الله
بايه الكرسى وغيرها من الذكر الحكيم
اهم شىء .
أبريل 22nd, 2008 at 22 أبريل 2008 10:52 م
الوردة البيضاء
هههههههههههه
لا يا وردتى مش عاوز موسوعاتك العفاريتية دي
مشكورة يا وردة
أبريل 22nd, 2008 at 22 أبريل 2008 10:54 م
زياد عمرو
انت جبت المفيد
ان التقرب إلى الله
هو العاصم
أبريل 22nd, 2008 at 22 أبريل 2008 10:55 م
رحال ..
خير الامور الوسط
مش كده برده
أبريل 22nd, 2008 at 22 أبريل 2008 10:56 م
يحيى
اعذرنى يا عم يحيى
بس اعمل ايه بأه
طلعت رمانسى وانا مش عارف
أبريل 22nd, 2008 at 22 أبريل 2008 10:57 م
زمرد زمرد
ربنا يخليكى
على كلماتك الجميلة دي
أبريل 22nd, 2008 at 22 أبريل 2008 10:58 م
شهرزادwsn
ههههههههههههههههه
انتى جاية تلبشينا
بلاش الحركات دي يا بنت يا شهر
أبريل 22nd, 2008 at 22 أبريل 2008 11:00 م
hamasatdalia
داليتى
عندك حق
وفعلا الناس الموصلة بالله تبارك وتعالى
تلاقى العفاريت تخاف منها
ومعلش بأه يا داليا على المركز الاول هههههههه
انت عارفه مكانتك طبعا
من غير مدونات ولا يحزنون
أبريل 22nd, 2008 at 22 أبريل 2008 11:01 م
سوما حسونه
تعويذة ايه يا ختى
سيبك من الدجل ده يا بنت
روحى اقرأى ايه الكرسي
بعدين انتى تتلبشى انتى
ده انتى تلبشى بلد يا سومااااااااا
هههههههههههههههههههههههه
أبريل 22nd, 2008 at 22 أبريل 2008 11:03 م
cinderella
ساندى
احنا مش بنتكلم عن كده
احنا بنتكلم عن ثقافة ثابته فى الحكاية دي
بحيث اننا منمشيش ورااااااااا اى حكاية وتصبح حياتنا خزعبلات
علشان كده بيقول
ان المصدر الثابت
هو الكتاب والسنة
فيهما
معلومات عنهم
وبكده نقدر نرد اى خزعبلات
مش متوافقة مع الكتاب والسنة .
أبريل 23rd, 2008 at 23 أبريل 2008 4:56 ص
أكرم….
صبــــــــــاح الخير
انت ذكرتني بقصه صارت..شوف..
مره في طالب طب المهم كان بيدرس وبتعرف في جمجمه والهيكل العظمي لطلاب الطب…وكانت الدنيا ليل المهم فجأه شاف الجمجمه بتتحرك…الأخ انجن!!! وأتاري بالجمجه كان في فار!! طبعا أنا سألت الي حكتلي القصه انتي شو الي عرفك بالقصه حكتلي رفيقتي قالتلي…ورفيقتك شو الي عرفها؟؟؟…وكمان اذا الأخ كان لحالو بيدرس وانجن…شو الي عرف الناس انو انجن من الجمجمه الي تحركت بسبب الفاره!!!
واذا كان في حدا معو المفروض كان خاف مو انجن!! لأن نوعا ما كان رح يحس بأمان…. وكمان طالب طب رح يكون متعود عالتشريح و و و رح يكون نوعا ما قلبو قوي…
طبعا أكرم في كتير قصص ما بتدخل العقل ومع هيك في ناس بتصدقها…طبعا الجن انذكر بالقرآن وأنا بآمن فيو…بس مو لدرجه أي قصه أصدقها أو درجه الهوس….
يعطيك العافيه
احترامي
أبريل 23rd, 2008 at 23 أبريل 2008 5:40 ص
ها أنا أقرأ
أبريل 23rd, 2008 at 23 أبريل 2008 6:07 ص
باشمهندس أكرم
يا خراشي على موضوعاتك يا هندسة..
طبعاً أغلب الحالات دى بتبقى حالات نفسية وبلاش نمشى ورا الدجالين والمشعوذين
أدعوك لقراءة القصة القصيرة (المكالمة الأخيرة)
تقبل تحياتى
أبريل 23rd, 2008 at 23 أبريل 2008 9:45 ص
شوف يا باشمهندس
اللي يخاف من العفريت يطلع له…وانا كل عمري اتمنى لو يطلع لي عفريت عشان اخوفه ههههههههههههه
…قال ستات قال…دول الستات بيخوفوا بلد عفاريت…
سلام يا بتاع الكلام الموزون…يا حلو انت يا حلو
أبريل 23rd, 2008 at 23 أبريل 2008 11:32 ص
Linda
هههههههههههههههههههه
والله عندك حق يا ليندا وده اللى انا عاوز اوصله
اننا منصدقش اى قصة والسلام
أبريل 23rd, 2008 at 23 أبريل 2008 11:34 ص
كامل النصيرات
تسعدني قرائتك
أبريل 23rd, 2008 at 23 أبريل 2008 11:49 ص
ثقة
على فكرة انتى عسل عسل عسل
ايه يا بنتى محسسانى انك من شبرا فى القاهرة ههههههههههه
حرام عليكى يا ثقة عاوزه تطلعى للعفريت طب هو عملك ايه هههههههه
أبريل 23rd, 2008 at 23 أبريل 2008 11:53 ص
أريج الكلمات
لا ياعم دجالين ومشعوذين ايه
دول عاوزين ضرب النار
أبريل 23rd, 2008 at 23 أبريل 2008 1:04 م
أمشى على دماغك ورجليك فوق حلوة دماغنا لما نمشى بيها نكون مسؤلين عن نتائج أفكارنا
أبريل 23rd, 2008 at 23 أبريل 2008 1:13 م
سلام
أحب أن أقرأ عن هذا الموضوع..يعني فضول…
وبتفرجعلى فيديو عنه في اليوتيوب..بعضها مفبرك بوضوح وبعضها باتقان …وبعضها يدعو للتساؤل..
http://www.youtube.com/watch?v=deoJUBW9CI8
أبريل 23rd, 2008 at 23 أبريل 2008 1:19 م
معتز خلة
هههههههههه شفت بأه ان المشى على الدماغ له فوائد
أبريل 23rd, 2008 at 23 أبريل 2008 1:20 م
لانا الحياري
اتفرجت على الفيديو
وفعلا الفبركة واضحة يعنى
اشكرك على هذا الفيديو
أبريل 23rd, 2008 at 23 أبريل 2008 1:31 م
طب ياريت اكون من القاهرة…ولا اقولك يا ريت اشوف القاهرة اكون راضية….بعدين يا كيمو نحنا عنا ناس دمهم خفيف …ما سمعت عن اهل حمص؟؟؟انا وحدة منهم والله جد…في حال ما لقينا حد يقول نكت علينا نقوم نحنا ننكت على نفسنا…ايه رأيك؟؟؟
ههههههههه
أبريل 23rd, 2008 at 23 أبريل 2008 1:33 م
أخ أكرم….
..المشكلة ليست فى وجود ها الجنس الخفى من خلق الله أملا ….فقد ذكر الله خلقهم …وهم مثبتون بتعريف الخالق….”وما خلقت الجن و الانس الا ليعبدون “..
ولكن حول هذا كثير من الخرافات التى لم تثبت مثل الزواج منهم…وخروجهم للناس للترويع…..
الحقيقة…أنهم موجودون ..وقد يكونون حولنا وجودا خفيا مثلهمكالملائكة الحفظة و الكتبة
….لكن لانؤمن بعد ذلك الا بما يثبته الكتاب أو تشهده عينك بشخصك
………..تحياتى و تقديرى
أبريل 23rd, 2008 at 23 أبريل 2008 1:36 م
مساء الخير على احلى انسان بالدنيا كيمو
مش حعلق على موضوعك ده طيب مش حتقولي ليش
طيب انا حقولك ليش لانهم بيقولون ان العفريتات بيحبوا الرومانسي من الانس
وانا بخاف تعشقني عفريته ياكيمو يعني ياكيمو اصوم وافطر على عفريته هههههههههههههههههههههههههههههههههههههههههههههههههههههههه
أبريل 23rd, 2008 at 23 أبريل 2008 1:51 م
شكرا يا اكرم اللطيف…يا بتاع البتنجان
اشتقت الى شيء من المرح…ولمواضيعك الساخرة والمفيدة معا
…………………………………………………………………………
.فاللى عاوز اقوله انه فى ظل غياب الوعى الدينى أولا فالعقل سهل انه يقع فى كتير من الخرافات ، وفى نفس الوقت هناك حقائق عن غيبيات اثبتتها الشريعة فمش لازم نتفزلك وننكرها لان العقل لا يستوعبها ..أنا أتمنى نتعامل مع القضايا دى بشىء من الوسطية من غير انحراف وهرتله توصلنا للخرافات.. ومن غير تنطيط وفزلكة تجعلنا ننكر حقائق فيها نصوص صريحة
أحسنت يا أكرم…ولا أجدع عالم من علماء الشريعة…صحيح تحليلك للاعلام دوره الاساسي في تضخيم الأمر…واشاعة الخرافة الربحية…لكن النفوس الضعيفة الايمان
المتهافتة على الدنيا…تريد وتميل وحدها لتصديق الخرافة
ان الشيطان لايفتح بابا مغلقا…هذا حديث عن رسول الله صلى الله عليه وسلم…وابليس من الجن…فكيف ينسبون اليهم أشياء لايصدقها عقل ولايؤيدها شرع
حفظك الله يا أكرم ياكريم
…………………………………………..
أبريل 23rd, 2008 at 23 أبريل 2008 2:04 م
ثقة
القاهرة تنور بيكى
بس تعالى بس واحنا نفرشللك الارض ورد
وطبعا يا ثقة اهل حمص ناس عسل وزى الفل كفاية بس ان ثقة باشا ذات الروح المرحة قالت كده ودى شهادة كلنا لازم نبصم عليها واحنا مغمضين .
أبريل 23rd, 2008 at 23 أبريل 2008 2:05 م
هشام بر مصر
الله ينور عليك يا هشام
فعلا
وده الغرض من التوبيك اننا لا نؤمن إلا بما اثبته الكتاب والسنة
أبريل 23rd, 2008 at 23 أبريل 2008 2:06 م
رومانسي بجنون
هههههههههههههههههههههههههه
الحق انفلت بجلدك بأه
حتبأه متجوز عفريته هانم هههههههههههههههههه
بس حتترحم بأه من الشبكة والمؤخر والشقة وخلافه هههههههههههههه
أبريل 23rd, 2008 at 23 أبريل 2008 2:08 م
غالية هااااااااااااااااااااااااانم
أخجلتم تواضعنا
وتأييدك لكلامي
طبعا شىء يسعدني
هو انحنا عندنا كام غالية
مفيش غير واحدة بس
أبريل 23rd, 2008 at 23 أبريل 2008 3:14 م
اخى اكرم
سلام عليكم اعتقد ان انتشار موضوع الأعتقاد بقدره العفاريت راجع لان الناس تريد شئ قوى ومجهول تعلق عليه احباطها وفشلها بصفه عامه فهو شماعه جيده لتعليق اى فشل عليها لا اكثر ولا اقل سواء كان على المستوى الشخصى او العام يعنى لو واحد سقط بدل ما يقولوا كان بيلعب طول السنه يقولوا حد عمله عمل واحده ماتجوزتش بدل ما يقولوا مفيش نصيب ولا طباعها وحشه ولا عاوزه لبن العصفور يقولوا العفاريت واحد فاشل فى شغله او فى زواجه يقولوا هو هيفلح طول ما اخوانا اللى تحت الأرض وراه نصيبه كده وهكذا ويوم ما هنواجه اخطانا ونصلحها يوم ما هيكون لنا شأن اخر ومكانه محترمه بين الناس لك تحياتى المقاله حلوه اوى
علا الفولى
أبريل 23rd, 2008 at 23 أبريل 2008 3:54 م
اكرم
موضوع العفاريت موضوع شائك
اني اتكلم فيه ولو اني متدين واعرف كتير الحمد لله لكنني
لا ارغب في التحدث بها الموضوع لانه الكلام فيه اختلافات كتير
قوي قوي حسب شخصيه كل انسان لانه الهلوسات السمعيه والبصريه بتدخل
بشكل قاطع في الحاجات دي عموما ومن غير فزلكه مش هننكر وجودهم ولكن هننكر تمثلهم للانسان وكون ان الانسان بيشوفهم من عدمه لانه زي ما قلتلك هلاوس سمعيه وبصريه……..موضوع جميل قوي قوي وتحيه خاصه جدا جدا ليك.
أبريل 23rd, 2008 at 23 أبريل 2008 4:43 م
ههههه
العفريت حقيقة
انا مره شفت عفريت وعفريته في الصحراء سايق جيب لند كروزر لما رحت لهم ختفو مدري فين راحو
هههههههههههههه
الجيل الجديد من العفريت الان تطور صار العفريت يحمل مبايلي ويكلم العفريت الثاني
ويروح للمجمعات يغازلو العفريتات ويشغلو البلاتوث بعد ياعمي ما فيه عفريت غير الجيل الجديد
أبريل 23rd, 2008 at 23 أبريل 2008 5:17 م
**..كيمو العفرين
..أنا قلت رأي فى العفاريت من خلال فيلمي.. خللي الدماغ صاحي..
..ما أعرفش اذا كنت شفته..بس انا باقول لو العفريت طلع فى الزمن ده
..حيلوص لوصة المستحي في حمام التلات..
.
أبريل 23rd, 2008 at 23 أبريل 2008 6:19 م
الاخ اكرم
الدين الاسلامي له رأيه بهذا الموضوع بشكل واسع ,,, فلماذا نتجاوز لك ونلجا الى الخرافات والخزعبلات..؟؟
الجن عالم كامل ومتكامل ,, له قوانينه وقواعده,, وليس مخيف كما يعتقد البعض,
هذه الخعبلات تنتشر عند الناس الجهله ,, رغم وجودها عند الاناس المتعلمه للاسف ,, ولكنه ضعف دين وليس الا.
موضوعك جميل ويطرح قضيه مهمه,,جميا ان تناقش بجديه. ولا بأس ان تدخل علماء الدين واعطوا المفيد.
كل الاحترام
أبريل 23rd, 2008 at 23 أبريل 2008 7:14 م
Ola El-Fouly
فعلا .. أحيانا الناس بتهرب من الواقع ومن مشاكلها ومن حيرتهم فى عدم تفسير بعض الظواهر للخزعبلات والتخاريف
دمتى بخير يا أستاذة
أبريل 23rd, 2008 at 23 أبريل 2008 7:15 م
مجد الدين
الله يكرمك
والمهم
إننا نفرق بين الهلوسة وبين الحقيقية
ساعاتها
الانسان بيكون
على بينة من امره
ولا ايه يا بوب
أبريل 23rd, 2008 at 23 أبريل 2008 7:19 م
محمد عبدالله
ههههههههههههههههههههههه
وكان لابس ايه العفريت ده
بنطلون جينز ههههههههههههههههههههه
ولا
قفطان وعقال
أبريل 23rd, 2008 at 23 أبريل 2008 7:20 م
mona sawy
لا مشفتش خلى الدماغ دي يااااااا ست موني
بس حلوة لوصه المستحمى فى حمام التلات
ههههههه
أبريل 23rd, 2008 at 23 أبريل 2008 7:21 م
فاطمه عبابنه
الدين الاسلامي دين عظيم الحمد لله على نعمة الاسلام
ما سبش اى حاجه إلا وتكلم فيها
حتى مووضع الجن فيه تفصيل كبير عنه
وانا ادعو اننا ناخد ثقافتنا من القرأن والسنة
وبكده
عمرناااااااااااااا
ما حنقع فى اى خرافات
أبريل 23rd, 2008 at 23 أبريل 2008 10:11 م
اكرم اكرم
اشتاتا اشتوت
اعزرني عالتاخير اولا ووحشتني ثانيا
ظروف قهريه
ثالثا انا بقي هتجنن واعرف انت بتجيب الكلام ده منين
ههههههههههههههههه
فظيع
طب اقولك ايه يعني
شلت النداهه علشان خاطركم
بس حطيت مكانها
كارثه وربنا يستر
مودتي
أبريل 23rd, 2008 at 23 أبريل 2008 10:17 م
ايه يا اكرم الرعب ده
دى النا س كده تخاف منك
ربنا يستر
تحياتى لك كنزى
أبريل 23rd, 2008 at 23 أبريل 2008 11:31 م
عمممممممممممممممم
طاااااااااااااااااااااااااااااااااااااااهر
حقولك يا عم انا بجيب الكلام ده منين ومن غير جنان ولا بتنجان
من الشارع العربي
على اى قهوة
انزل واسمع
بس خلاص
أبريل 23rd, 2008 at 23 أبريل 2008 11:32 م
كنزى
ههههههه
لا لا تخافوا مني
ليه
انا مش بخوف
حتى شوفى كده
بخ
هههههههههه
أبريل 24th, 2008 at 24 أبريل 2008 6:06 ص
hahaah ذكرتني بحكاية في طفولتي . كان في جنب منزلنا في القرية بيت متهالك . ويقال انه كان لامراة صالحة تدعى اطلقو عليها اسم النبية .
وهكذا كنا ممنوع ناخذ حمام حين يحل الليل ..وممنوع نرمي الزيت الساخن .
وحتى كان في امراة عنا في القرية كل ما تولد طفل يموت لا اعرف مين جاء لها في المنام وقال لها يجب تسمية اولادك باسماء الحيوانات . وهكذا سمت نمر وفهد واسد .
مش الفكرة ان هذه القصص لها علاقة بالجن ..الجن بطبيعة الحال مذكور في القرآن .
بس الفكرة بالفبركات الشعبية التي تنسج حولها او حول اي شيء اخر ويبدأ الرعب لدى الشعوب , وعلى سيرة الجلسات والحكايات كان اخي ولاد عمي خلال سهرات الصيف يختلقون الحكايات ومندخل بحالة الرعب نحن الفتيات .
ونصبح مؤمنين بكل الخرافات التي تحمينا منهم .
لم افكر بحكايات الجن منذ مدة . يلا رجعت الذكريات الان
تحياتي للجميع
أبريل 24th, 2008 at 24 أبريل 2008 9:51 ص
الله يكرمك يا سيد الكل
أبريل 24th, 2008 at 24 أبريل 2008 10:13 ص
نسرين عزالدين
اهلا بيكي يا أستاذة فى أول زيارة للمدونة
والحكاية اللى قولتيها دي شبه حكايات كتيرة منتشرة
وهى زما ما قولتى قصص شعبية ووهميه تخترعها العقول الفاضية
أشكرك يا نسرين على هذه الزيارة الكريمة .
أبريل 24th, 2008 at 24 أبريل 2008 10:15 ص
ثقة باشا ..
أنا مش بجامل يا ست الحاجه وانتى فعلا فيكى الروح المصرية
هييييييييييه
وطلعتى مصرية
أبريل 24th, 2008 at 24 أبريل 2008 10:22 ص
موضوعك جميل قراءت بداية ولي رجعة اخري
لكنني احببت اهنئك
شكراً لك
أبريل 24th, 2008 at 24 أبريل 2008 11:14 ص
برعاية إتحاد المدونين العرب
حملة
لا لثقافة قتل الأطفال
الحدث: ” معرض تورينو الدولي للكتاب 2008م ”
ضيف الشرف: إسرائيل
القضية : يستضيف معرض تورينو الدولي للكتاب ( إيطاليا 8-12/ مايو 2008م ) الكيان الإسرائيلي ضيف شرف على المعرض رغم إستمرارها في إستهداف الأطفال والمدنيين وخرق قوانين حقوق الإنسان وإتباعها سياسة العقاب الجماعي .
· لماذا هذه الحملة:
· لأن الكتاب يجب أن يطل رمزاً للعلم والمعرفة وثقافة التسامح والسلام والعيش الإنساني المشترك وحوار الحضارات وبناء الإنسان.
· لأن القبول بإستضافة إسرائيل كضيف شرف يحتفى به هو تشجيع لنشر ثقافة قتل الأطفال وخرق حقوق الإنسان
· لأن مقاطعتكم لهذا المعرض إنتصارلدموع وألم الأطفال الذي حرموا الحياة والحليب والأمن والعائلة والسعادة
· إلى السادة الكتاب والأدباء والمفكرين والمناضلين من أجل حقوق الإنسان:
إنها وصمة عار في تاريخ الكتاب والثقافة والإنسانية العالمية أن يتم الإحتفاء في معرض عالمي للكتاب يفترض أن يروج لثقافة التسامح والسلام ونبذ العنف ومكافحة الفقر والحروب وترسيخ القيم الديمقراطية وقيم حقوق الإنسان بكيان:
· تستهدف طائراته وصواريخه الأطفال والمدنيين من النساء والشيوخ.
· يستخدم سياسة العقاب الجماعي والمحرقة الجديدة ضد شعب أعزل.
· يفرض حصاراً على أكثر من مليون ونصف مليون شخص .
· يمنع دخول المواد الغذايئة والأدوية والوقود لمليون ونصف المليون إنسان
· يصادر الأراضي ويهدم بيوت المدنيين
إن بعض نتائج هذه السياسة هي:
· يعيش 80% من مواطني قطاع غزة تحت خط الفقرمنهم 66.7 % يعيشون في فقر مدقع
· بلغ عدد الأطفال الذين إستشهدوا بنيران الصواريخ والطائرات منذ أواخر العام 2000م أكثر من 1000طفل منهم أكثر من 50 طفلاً منذ بداية العام 2008م حسب إحصائيات الحركة العالمية للدفاع عن الأطفال.
· بلغ عدد الأطفال الذين ما تزال إسرائيل تحتجزهم في السجون حوالي 344 طفل بحسب إحصائيات وزارة الأسرى والمحررين الفلسطينية.
· إن حياة 20000 طفل مصاب بفقر الدم من عمر 4-6 سنوات مهددة الان بسبب توقف الأطعمة المساعدة على الشفاء.
· يقبع في سجونه أكثر من 11700 أسير بينهم أطفال ونساء وشيوخ ونواب منتخبون
· بلغ عدد المرضى الذي إستشهدوا جراء الحصار الغذائي والدوائي المفروض على قطاع غزة 133 وما يزال المئات من المرضى تحت تهديد الموت بفعل نقص الأدوية والمعدات الطبية ومنع سفرهم للخارج بقصد العلاج.
· نقص خطيرفي المواد الغذائية وحليب الأطفال والأدوية والكهرباء والوقود
· كارثة إنسانية وبيئة جراء إنعدام وتخريب نطام الصرف الصحي
· أمراض نفسية للأطفال جراء المشاهد المروعة وصوت الإنفجارات
· تقويض العملية التعليمية وإرتفاع نسبة الأمية وحرمان الأطفال من فرصة التعليم
· بلغت نسبة البطالة علاوة على العيش المدقع 45 % وإزدادت طاهرة عمل الأطفال وصغار السن
ولذلك:
· الكتاب رمز للمعرفة والنور وعلينا أن نبقيه رافضاً لثقافة الموت وقتل الأطفال
· المشاركة في معرض دولي للكتاب ضيف شرفه ” قاتل للأطفال ” يعني المشاركة في قبول وتشجيع سفك الدماء وخرق حقوق الإنسان والمعاهدات الدولية.
ضميرنا الإنساني والفكري يصرخ بنا :
· قاطعوا معرض تورينو الدولي للكتاب لكي لا تكونوا بمشاركتكم فيه مشجعين لثقافة الجرائم الإنسانية المستمرة والإبادة الجماعية ودعونا نصرخ بصوت إنساني واحد
لا لثقافة قتل الأطفال
في معرض تورينو الدولي للكتاب
أبريل 24th, 2008 at 24 أبريل 2008 11:15 ص
عفاريت الانس اصبحت اكثر حرفنة من عفاريت الجن………..نسال الله السلامة من شر كل ذى شر….والعمل بمايرضيه عنا……….دعواتى بالتوفيق اخى الفاضل.
أبريل 24th, 2008 at 24 أبريل 2008 11:26 ص
يا ريس كيمووووووووووووووووو
شوف انا فرحانة قوي عشان انت بتقول اني مصرية …انت نسيت الوحدة بينا وبين مصر …عشان تعرف ان الدم واحد…واخد بالك حضرتك؟؟؟…وانت والله العظيم قبضاي(يعني ايه قبضاي؟؟؟باللهجة السورية يعني اجدع جدع باللهجة المصرية)
سلام يا عسل
أبريل 24th, 2008 at 24 أبريل 2008 11:46 ص
MOSTAFA HEMDAN
مشكووووووووور يا عمناااااااا
وبإنتظار عودتكم الكريمة
أبريل 24th, 2008 at 24 أبريل 2008 11:47 ص
أم عبد الرحمن
ربنا يحمينا من عفاريت الانس والجن
اللهم أمين
شكرا يا اخت ام عبد الرحمن على مرورك الطيب
أبريل 24th, 2008 at 24 أبريل 2008 11:48 ص
ثقة
طبعا الدم واحد
بس حلوة قبضاى دى يا ثقة مكنتش اعرفها
بس تعرفى
ايوه كده انا عاوزك تزودينى علطول بالمصطلحات السورى أول بأول
أبريل 24th, 2008 at 24 أبريل 2008 12:24 م
صديقي الرائع اكرم
مساء الخير
انا رزعت تعليق قبل هذه لم اجده !! ماذا حصل ؟
اعود واقول العفاريت واقع وحقيقه والنساء اكثرهن تصديقا وخوفا ..
مواضيعك شيقه ممتعه ورائعه صديقي
دمت بود الدنيــــــــــــا
غريب الدار
أبريل 24th, 2008 at 24 أبريل 2008 1:21 م
هذا البرنامج …ضمن حملة ..
للأجلك ياغزة
http://ferr-gaza.maktoobblog.com
التي تطلقها رابطة شباب فلسطين الخيرية
**************
برامج الحملة
.
.
.
(1)
البرنامج الإعلامي …. سلاح العصر
لا يخفى على أينا دور الإعلام الفاعل في دعم أي قضية وترسيخ مبادئها ومفاهيمها في عقول الكبار والصغار
ولذلك –اختصارا- فإن الهدف من هذا البرنامج إيلاء القضية حجما أكبر في وسائل الإعلام المختلفة
- الأخوة والأخوات الصحفيين .. والعاملين بمحطات تليفزيونية .. والمدونين بداية وكل من لهم علاقة بوسائل الإعلام المختلفة
عليهم إيقاظ القضية من جديد والتركيز على جوانب التشوه الإعلامي الخاصة بها
- تحررررررررم .. كلمة إسرائيل .. فهم ككيان .. الكيان الصهيوني وكمكان .. فلسطين المحتلة
العمليات التي ينفذها المجاهدون .. استشهادية جهادية وليست انتحارية
- محاولة شحن المخاطبين بقدر الإمكان
فاللفتات وإن كانت بسيطة إلا أن لها عظيم الأثر في شحن الطاقات
- أيضا الإخوة العاملين في المجال الفني .. مطالبون بالتركيز والاهتمام بالأناشيد الحماسية والمسرحيات والمهرجانات الداعمة للقضية.
- الأخوة أصحاب الأقلام الأدبية عليهم التركيز قصائدا ونثرا على خدمة القضية.
.
.
لم أفصل أنشطة معينة فقط سردت إشارات إلى ما يمكن فعله ، والخيال والابتكار متروك لمن خلصت لله نيته*
فاتخذوا من حسان رضي الله عنه قدوة حسنة وفجروا أقلامكم على العدى نارا تلظى.
.
.
.
(2)
البرنامج السياسي .. قاطعوهم واقطعوهم
طبعا بالنسبة للمسيرات والمظاهرات والبيانات وما إلى هنالك فأنا لا أملك هنا إلا أن أناشد المسؤولين من كل التيارات والثقافات
أن يقوموا بتنظيم هذه المسيرات والتظاهرات والمؤتمرات لأنهم من بيدهم الحل والعقد في هذا الأمر
أما دورنا نحن
- تلبية الدعوات للمسيرات والمظاهرات والمؤتمرات الخاصة بالقضية لزيادة الضغط السياسي على الحكومات.
- المطالبة بطرد السفراء الصهاينة من بلادنا وسحب سفرائنا لديهم
- حشد ما يمكن من وسائل الاتصال بالسفارات الأمريكية والصهيونية وإقلاق راحتهم بخطابات الإدانة والمطالبة بالنهوض عن أراضينا
- إحياااااااااااااااااااااء المقاطعة التي ماتت عند الكثيرين
فللأسف باتت بيوت بعض كبار رجال الدعوة تعج بالمنتجات الأمريكية والصهيونية دون أدنى اهتمام
لذلك علينا إحيائها في قلوب الغافلين وتوصيل معناها من جديد لمن لم يدعموها حتى الآن
.
.
.
(3)
البرامج الدينية
(1)
أحب الصيام إلى الله
ويقتضي هذا البرنامج الالتزام بصيام يوم وافطار يوم وهكذا فأحب الصيام إلى الله تعالى صيام داوود عليه السلام .. فلنتقرب إلى الله بما يحب وندعو لإخوتنا عله يفرج عنا وعنهم .. ولمن ليست لديه القدرة لظروف عمل أو مرض أو أو محاولة الالتزام بصيام الاثنين والخميس أو أحدهما كحد أدنى.
(2)
رهبانا بالليل
ويقتضي المواظبة على قيام الليل والدعاء لإخوتنا بحد أدنى 3 ليالي أسبوعيا .. وبحد أدنى 4 ركعات في الليلة
على أن يكون القيام من بعد 12 منتصف الليل وحتى الفجر مراعاة للظروف المختلفة
(3)
الدعاء سلاح المؤمن
وإلى جوار دعاء الافطار ودعاء القيام مطلوب تخصيص من ربع إلى نصف ساعة يوميا دعاء خالص لإخوتنا يفضل أن تكون قبيل المغرب في نهاية الأذكار أو أي من أوقات رجاء الإجابة.
.
.
.
(4)
البرامج الاجتماعية
(1)
مصروفي يكفي اتنين
وهذا البرنامج خاص بمن يأخذ مصروفه أو من له مصدر آخر للدخل .. يوميا أسبوعيا شهريا .. وذلك بأن يتم استبعاد الجزء من المصروف الخاص بالثوابت .. مواصلات كتب أوراق أدوات …إلخ .. والجزء الخاص بالأكل والشرب والكماليات والترفيه يتم تقسيمه على اثنين ويصرف القسم الثاني تبرعا لفلسطين .. ومنافذ التبرع كثيرة ومنها التواصل مباشرة مع رابطة شباب فلسطين الخيرية.
(2)
كونوا أنصار الله
وهو الشكل الأوسع من البرنامج السابق بحيث يتم تقسيم الحياة كااااملة إلى قسمين يصرف نصفها إلى اخواننا في فلسطين كما فعل الأنصار مع إخوانهم المهاجرين.
(3)
فرسانا بالنهار
وهو يعد البرنامج الخادم للحملة بشكل رئيسي ويقتضي الانتشار في كل مكان في الجامعات في الشوارع في المدارس في البيوت نعيد تعريف الناس بما يحدث في الأراضي المحتلة ودعوتهم إلى المشاركة في نصرة إخوتهم بما يستطيعون
وذلك على أن تتم دعوة 3 أشخاص كحد أدنى يوميا .. ولا تنسوا ..
(وأنذر عشيرتك الأقربين)
.
.
انتهت برامج الحملة لكن آمالنا لا تنتهي
.
.
المطلوب الان منكم .. التسجيل في أحد برامج الحملة كبيعة نشهد الله عليها
ورحم الله امرء عرف قدر نفسه
فمن يستطيع أن يشارك في برنامج واحد ويخدمه بقدر استطاعته فجزاه الله خير الجزاء
ومن يستطيع تحمل أكثر من برنامج .. فحياه الله وأعانه وأخلص نيته
ومن يستطيع القيام بها كلها .. فالله نسأل أن يثبته ويلحقه بركب الشهداء آمين.
.
.
تتضح الان دعوتي إليكم جلية
فهي دعوة للتكاتف .. دعوة للتقشف .. دعوة للخشونة والصلابة .. دعوة للانتفاضة
***************
للاستفسار والتبرع والتنسيق للتنفيذ هذه البرامج يمكنكم التواصل مع رابطة شباب فلسطين الخيرية
Pals-2007@hotmail.com
pale2070@yahoo.com
http://ferr-gaza.maktoobblog.com
أو من خلال الاتصال بالرقم المباشر للرابطة972599805291
رابطة شباب فلسطين الخيرية – قطاع غزة المحاصر– فلسطين المحتلة
أبريل 24th, 2008 at 24 أبريل 2008 8:49 م
كيمو العسول
كيمو الشقي
هو هو كيمو المثقف الواعي الي بيكتب بخفه دم
وبطريقه عبقريه منفرده
بحييك بجد ياكيمو ومن قلبي والله
اسلوبك مالوش حل وجديد
كتير عليك كده بقي
يالللللللللللللللله
باااااااااي
جاااااااااااااااااااااي
أبريل 24th, 2008 at 24 أبريل 2008 8:55 م
أكرم باشا
عارف العفريت لما بيطلع من الفانوس بيضحك ليه؟
هو انت لما طلعته طلعته إزاى
؟؟؟؟؟
ههههههههههههههههههه
نقدر نقول
زغزغته
ومساءك زقزقه
أبريل 24th, 2008 at 24 أبريل 2008 9:03 م
نرجع بقى للموضوع
المفروض ان موضوع الانس والجن دا من الغيبيات المسلم بيها وأى تلاعب غير واضح وغير مبنى على أساس دينى وشرعى يعتبر إهانه للعقل البشرى فى استيعابه لهذه القضيه
كلامك سليم
وأتمنى معاك ان اللى يتعامل مع الموضوع دا يتعامل بمنتهى الحذر
وكمان يكون فيه قنوات توعيه للناس عشان ماحدش يقع فى براثن أى نصاب ف هذا الموضوع
وعلى فكره
التوعيه والأفكار السليمه دى مش هايبنيها غير حد زييى وزيك
يعنى مش هانقول توعيه ونسيبها كده تعوم
لأ
المفروض نتبع مبدأ إبدأ بنفسك
طول ماعندى خلفيه كفايه ومعلومه مبنيه على أساس علمى ومصرحلى انى استخدم ما عندى أوعى اللى حواليا
والتوعيه عدوى
هاتنتشر بإذن الله
بس نبدأ الحمله
ونبدأها صح
سلام يا باشا
أبريل 24th, 2008 at 24 أبريل 2008 10:58 م
اكرم
اسعد الله مساكم وكل اوقاتك
وانار الله قلوبكم بالايمان
وبارك لكم فيما اعطي
وليله جمعه مباركه يارب عليكم وعلي كل المسلمين والموحدين
وجعل الله كل ايامكم مباركه بفضله سبحانه
وفضل رسولنا الكريم
ودام عزكم
انتم دائما سباقون بكل الفضل والمنه
ودمتم بكل ود
أبريل 25th, 2008 at 25 أبريل 2008 8:33 ص
جمعه مباركة ….باذن الله ….
وددت أن أغتسل بالذكر …و أهدي لك التسبيحات …
اللهم صلي على محمد و على ال سيدنا محمد
كما صليت على ابراهيم و على آل سيدنا ابراهيم
في العالمين انك حميد مجيد….
اللهم صلي على محمد و على آله وصحبه حتى ترضى …..
تقبل الله منا ومنك التسبيحات و الصلوات و الدعاء و الاعمال الصالحة ……
مودتي و اعتزازي
أبريل 25th, 2008 at 25 أبريل 2008 8:35 ص
كيمو………
لي عودة لاحقا لعفاريتك ………………………………………..مودتي
أبريل 25th, 2008 at 25 أبريل 2008 1:11 م
مين كيمو
يا سيدى كيمو كيمو
ما انت جبتلنا العفاريت
بس انا مطمن اليوم الجمعه ما رح اخاف
وجمعه مباركه عليك وعلى اهلك واحبابك والجميع
ومين جملات وقهوتها
انت بدك جلسه لوحدك يا كيمو
وبالنسبة للعفاريت نشفو دمنا واحنا صغار
وخصوصا ابو رجل مسلوخه ونام فورا خوف ما يطلعلنا ولغاية هذه الساعه رجله مسلوخه ولملايين السنين
ما بعرف يا اكرم صراحه انا ما بامن بالعفاريت ابدا واقول دائما لن يصيبنا الا ما كتب الله لنا
اعوذ بالله من الشيطان الرجيم
يا خراشى
ربى يسعدك ويسعد قلبك دائما بروحك المرحه
مع تمنياتى لك دائما بمزيد من التقدم والازدهااااااااااااااااار بدون عفاريت
تحياتى واحترامى
أبريل 25th, 2008 at 25 أبريل 2008 3:25 م
اكرم صبرى ( كيمو )
تحياتى
بيكفى لما ادخل واشوفك اجمل لحظات حياتى
انت رائع
كل الشكر الك من اعماق قلبى
فقلبك صادق ونقى
تحياتى
أبريل 25th, 2008 at 25 أبريل 2008 5:23 م
عجبا لأحبة في الله …
مهما ابعدتهم الدنيا تبقى المحبة والدعاء …
عجبا لهم …ان تباعدوا إزدادوا قربا …
وإان تقاربوا ازدادوا حبا …
اللهم أحفظ أحبتي فيك ..وأطل اعمارهم على طاعتك ….
***********
هذا مرور محبة وإشتياق …
سأعود ان شاء الله لاحقا للتعليق على الإدراج الثمين …
محبتي ..
أبريل 25th, 2008 at 25 أبريل 2008 6:10 م
احييك اخي
رغم انني من الذين يخافون كل شيء مجهول
ولا سيّما هذه القصص
الا ان ّ الوسطية في هذه الامور محببة
اسلوبك جميل
اتمنى لك كل النجاح
أبريل 25th, 2008 at 25 أبريل 2008 6:29 م
السلام عليكم ورحمة الله وبركاته
إن الشبهات والمعتقدات الخاطئة والبدع مليئة فيها هذا العالم بمجموعة من الغزعبلات سواء على صعيد الاعتقادات أة على مستوى معاملات الناس فيما بينهم وسلوكياتهم اليومية
وإبليس يصارع على جميع الصعدة يفتن ويتفنن يمارس إغراءاته وإنلاءاته ةتلبيساته فيقود الإنسان إلى متاهات الضلال
لكن الواعي والبصير والمتبصر هو من يجعل لذلك حدا ويتسلح بسلاح العلم والإيمان والوعي ويوقن ان الخلاص من ذلك هو في الذكر وقراءة القرآن لأنهما حصن منيع
ولمحاربة هذه الأمور هناك طريقة تقوم على العمل الموازي ،أي بترك هذه المعتقدات والبدع واهلها والتوجه بموازاة ذلك إلى العامة وباقي الفئات المستهدفة “بالفتح”بالموعظة الحسنة والتنوير والتوعية والتصويب والتقويم والشرح والتبسيط …حتى لايبقى لأهل طريق لمن ينحرف عن الصواب
لننظر إلىفكرنا بدءا بموروثنا الثقافي والعقدي ولنبحث في ممارساتنا اليومية نية وقولا وفعلا ولنر كم صار ذلك فينا مخلوطا بالبدع والغزعبلات والشبهات من كل الأشكالا والنواع واللوان ولننظر فيما ينبغي عمله على ضوء الطريقة التي ذكرت الأمثل والنجع خصوصا ان تكنولوجيا الإعلام والاتصال تضع بين ايدينا أفضل ما يمكن ان يتصوره العقل من الوسائل والأدوات وفي ذلك فيتنافس المتنافسون
أبريل 25th, 2008 at 25 أبريل 2008 6:34 م
ساعود
مرة ثانية للرد على ما جاء في تعليقكم وحول موضوع المبسملة لأنه حصل لي عطب في الكمبيوتر والسلام عليكم ورحمة الله وبركاته
أبريل 25th, 2008 at 25 أبريل 2008 6:36 م
موضوع متميز ..
تحياتى و تقديرى
ناديه
أبريل 27th, 2008 at 27 أبريل 2008 11:14 ص
موضوعك شيق رغم انه مكرر بس دائما يظل موضوع مطروح في كل مكان في جلسات العائلية وجلسات الاصحاب وفي برامج تلفزيونية يعني الموضوع قديم جديد واحيانا قصص لا يوجد لها تفسير وهنا بليبيا هناك العديد والعديد من القصص يعني زيكم تمام طريقة سرك وكتابتك جميلة يااكرم مرسي خالص علي مرورك بمدونتي ومرة مرة متنساش تزورني ومتنساش تعلق ياله سلام موفق يا رب
أبريل 27th, 2008 at 27 أبريل 2008 5:11 م
غريب الدار باشااااااااا
مش عارف ايه حكايتة تعليقك اللى طار ده
بس مكتوب معفرت بأه
أبريل 27th, 2008 at 27 أبريل 2008 5:15 م
طاهر الصوفانى
ربنا يخليك يا بوب على كلامك
يا رافع روحي المعنوية
أبريل 27th, 2008 at 27 أبريل 2008 5:22 م
مروة حلوة حكاية الزغزغة دي
وفى مسالة التوعية دي يا مروة انا قولت بدأت بنفسى
وبدأت ابحث واجيب كتب ثقة وكده
اشكرك يا مروة على تعليقك
أبريل 27th, 2008 at 27 أبريل 2008 5:24 م
, إشراف شيراز
نفسي مروة تقولى لي عودة وتجرجعي ههههههه
أبريل 27th, 2008 at 27 أبريل 2008 5:27 م
همسات الساهر
ههههههههههههههههه
دمك زى العسل
وتعليقك سكرة
دمت بخير يا همسات
أبريل 27th, 2008 at 27 أبريل 2008 5:30 م
زهرة النسرين
اهلا وسهلا بيك وبمرورك العطر
أبريل 27th, 2008 at 27 أبريل 2008 5:36 م
ريما الشيخ
فعلا الوسطية شىء جميل فى كل شىء
أشكرك يا ريما لمرورك الكريم
أبريل 27th, 2008 at 27 أبريل 2008 5:43 م
المستغفر فاطمة
أشكرك يا فاطمة على ردك الرائع ..
ووصلني ردك على مسألة البسملة
وبينت فى مدونتك راييى حول رسمها واوضحت انى ملتزم بالرسم العثماني
أبريل 27th, 2008 at 27 أبريل 2008 5:46 م
ناديه طه
شكرا لمرورك الكريم
—————-
nour ahmad
ان شاء الله على تواصل
دائما
أبريل 27th, 2008 at 27 أبريل 2008 5:59 م
باسم الله
السلام عليكم ورحمة الله وبركاته
أخي أكرم
كلك زوأ وعلى فكرة مفيش بيننا اختلاف في مسألة البسملة وانا باعلم ما قلته لي حول الموضوع لكنني اعتدت على كتابة باسم بدل بسم وكلتا حالتين زي بعض
متشكرة على توضيحاتك
بسم الله مكتوبة في رواية ورش وحفص هكذا بسم ويجوز إذا كتبت باسم
أبريل 27th, 2008 at 27 أبريل 2008 7:32 م
مساء الخير اكرم
لا طلع مدير المشروع جايب زوجتة كنت اعتقد انه عفريت بس خساره طلع مدير المشروع
هههههههههههههه
أبريل 27th, 2008 at 27 أبريل 2008 7:38 م
اخى الحبيب اكرم
احنا اتربينا على العفاريت وام رجل مسلوخة
زمان كانوا بيربوا الطفال بيخوفوهم من العفاريت
فلما تيجى فضائية ولا واحد عاوز يكسب على قفى العفاريت منلوموش
احنا تربيتنا خطأ لاولادنا لابد ان نربى صح
علشان ميضحكش عليهم زى مبيضحك على ناس كتير الان
تحياتى لك
ودائما مواضيعك رائعة
@@@@@@@@@@@@@@@@@@@
يرافق ابنتة الى النوادى والملاهى وغيرها وهى كاسية عارية مائلة مميلة تمشى مشية خليعة تظهر الصدر والارداف وترسل الشعور .. يفرح بأنة تزوج وانجب جمالا يخطف الابصار ولايبالى بعين ترمقها وقدم تتبعها ونظرة تتفحصها وانف تشم رائحتها
الباقى بمدونتى ادعوكم لقرائتة
مع اجمل امنياتى وشكرى
أبريل 27th, 2008 at 27 أبريل 2008 8:17 م
المستغفر فاطمة
الاختلاف فى الرأى لا يفسد للود قضية
وتقبلى يا فاطمة فائق احترامي
واشكرك على هذا النقاش اللى اضاف لي فعلا .
أبريل 27th, 2008 at 27 أبريل 2008 8:18 م
محمد عبدالله
هههههههههههههه
معلش باه يا عم محمد
خسعت معاك المرة دي.
أبريل 27th, 2008 at 27 أبريل 2008 8:19 م
طارق الغنام
فعلا نلوم انفسنا اولا وتفكرينا
اشكرك على اضافتك الهامة
وان شاء الله على زيارة لمدونتك .
أبريل 28th, 2008 at 28 أبريل 2008 1:36 ص
صباحك ورده……
الى الحروف الجميله والعذبه
كل التقدير والاحترام
وبالغ الاعتذار عن عدم التواصل بسبب
مشاكل تسجيل الدخول
تمنياتي بدوام التألق والابداع
((ملاحظه بالنسبه للعفاريت خذ راحتك وأشتم فيهم الا مارد المصباح ماارضى فيه يمكن يحن ويطلع لي يوم يقولي شبيك لبيك يالييييييييييييييت :):)
كل الموده في حفظ المولى
نـــــــونـــــــــــــــــــــي
أبريل 28th, 2008 at 28 أبريل 2008 5:13 ص
الاستاذ اكرم صبري….
سادلوا بدلوي في هذا الموضوع بقدر ما تسعفني به الذاكر…
في موقع الدكتور عبد الدائم كحيل للاعجاز العلمي …تحدث عن الجن وماهيته؟….
توصل الى ان الجن ماهم الا موجات كهربائيه لانراها بالعين المجرده في الاحوال العاديه..لماذا او كيف توصل لذلك؟…
نحن نعلم انهم مخلوقين من نار وانهم يؤذون البشر بمسهم لهم…ونلاحظ ان المصابين بمس شيطاني يملكون طاقه كبيره وحركات عنيفه لاتصدر منهم في الاحوال العاديه تدل على وجود طاقه كبيره داخل اجسامهم…
اورد الدكتور الكثير من الامثله التي تؤكد نظريته…وانا شخصيا اؤمن بان الجن من كهرباء…
موضوعك رائع…جمعت بين الجد والهزل وهذا نادر…
كن بخير وساعود لاقراء جديدك…
ana
أبريل 28th, 2008 at 28 أبريل 2008 7:35 ص
طريقة طرح الموضوع شيقة يا عم أكرم
و الخلاصة بتاعتك دي هي الكلام الصح ..
تقبل تحياتي
أحمد
أبريل 28th, 2008 at 28 أبريل 2008 9:49 ص
من عفركوش بن برتكوش امبراطور الجن السيلفر
الى اكرم بن صبري زعيم مطاريد الجبل
ايه يا عم الحلاوة ديه
عموما لو قبلتم التتار اسياد عليكم ودفعتم الجزيه شبه وبخور
ودبايح في كل سبر حينولكم رضى الجن الذهبي
والا
دمتم بود يا عسل
أبريل 28th, 2008 at 28 أبريل 2008 9:50 ص
السلام عليكم ورحمة الله
بسم الله الذى لا يضر مع اسمه شئ فى الارض والسماء وهوالسميع العلبم
اللهم اكفنا السوء بما شئت وكيف شئت انك على ما تشاء قدير
اعوذ بكلمات الله التامات من شر ما خلق
سيبت مفاصلى يا اكرم اشوف فيك يوم انت وجمالات صاحبة القهوة
تحياتى
أبريل 28th, 2008 at 28 أبريل 2008 10:32 ص
السلام عليكم
العفاريت والعالم الخفي والغامض موجود في كل الثقافات والشعوب
ولا يعتمد على جنس او ديانه
الحكاية وما فيها ان الانسان لديه حب استطلاع واحيانا الحب دا يزيد حبتين فيقلب جنون
وهوس في البحث والجري خلف ما هو غريب وعجيب
واعتقد كل واحد منا لديه ارشيف عفاريتي عن الجن وحكاياتهم
انا اعتبر هذي الحكايات مثل اللب والسوداني يخترعها الناس ويبالغون في احداثها من بابا التسليه
“مع الايمان المطلق في وجودهم بالطبع ”
تحيتي لكَ
أبريل 28th, 2008 at 28 أبريل 2008 3:40 م
ربنا يجعل كلامنا خفيف عليهم
إدراجك ده عفاريتي…خلتني عايز أقوم أبخر المونيتور….
دمت بكل خير ودامت روحك المرحة
أبريل 28th, 2008 at 28 أبريل 2008 7:38 م
نــــــوني
ولا تزعلى
بلاها عفريت المصباح
بس قولك
ارمي اى مصباح عندك باه
مش ناقصين لبش هههههههههههه
أبريل 28th, 2008 at 28 أبريل 2008 7:40 م
ana
حكاية ان الجن من كهرباء دى مش موثوق فيها مع احترامي
لكن الثابت ان اصل خلقتهم من مارج من نار
والله أعلم
باى حاجه تانية
أبريل 28th, 2008 at 28 أبريل 2008 7:41 م
Hamadah
مشكوووووووووووووووووور يا باشا
لمرورك
وعلى تواصل ان شاء الله .
أبريل 28th, 2008 at 28 أبريل 2008 7:43 م
شريف عزمي
ههههههههههه
تعليقك عسل يا باشا
مشكوووووووووووووووووووووور
أبريل 28th, 2008 at 28 أبريل 2008 7:44 م
محمد السيد
ههههههههه معلش على سيبان مفاصلك يا عمناااااااااااااااااااااااا
بس اهووووووووووووو اديك بتاخد مناعة
أى خدمة
واشكرك على مرورك الطيب
أبريل 28th, 2008 at 28 أبريل 2008 7:45 م
maya naser
حلوة حكايات اللب والسوداني دي
لكن يظل الايمان بما ورد عنهم فى الكتاب والسنة هو الفيصل فى اى حكاية نسمعها عنهم .
أبريل 28th, 2008 at 28 أبريل 2008 7:46 م
وجه حقيقي
هههههههههههههههههههههه
بخر يا عم بخر
ال هو انت من بتوع البخور
هههههههههههههههههههههههه
أبريل 29th, 2008 at 29 أبريل 2008 5:57 ص
صباح الفل
عديت بس علشان أصبح عليك
تحياتى
أبريل 29th, 2008 at 29 أبريل 2008 6:26 ص
امر سهل ويسير أن تنضم معنا في حملة إتحاد المدونين العرب
تحت إسم : لا لثقافة قتل الأطفال …
الصهاينة قتلوا أمس أربعة أطفال أشقاء وهم يتناولون الإطفار مع والدتهم …
فليهب المدونين ويقولون لا سلام ولا حوار مع هؤلاء السفاحين الأنجاس
بادر بالتضامن معنا علي موقع إتحاد المدونين العرب :
http://arabictadwin.maktoobblog.com/
أبريل 29th, 2008 at 29 أبريل 2008 1:04 م
انا تابعت كثيرا موضوع المس من الجن منذ سنوات وخرجت باقتناع ان هناك حالات يدعي اصحابها باصابتهم بمس او تلبس من الجن بينما هي حالات نفسية وان حالات المس نادرة جدا وخاصة وليس كل من به علة به مس
انها افكار مرضية متاصلة في مجتمعاتنا
شكرا على الموضوع وعلى مرورك لمدونتي
سعدت بمروري
أبريل 29th, 2008 at 29 أبريل 2008 9:38 م
مساااااااااااااااااء الطناش
وبس ههههههههههههه
أبريل 29th, 2008 at 29 أبريل 2008 9:53 م
عزيزي أكرم
أسعد جداً بزيارتك لمدونتى ومطالعة إدراجى الجديد
لك كل التحية .. ودمت بود
أبريل 30th, 2008 at 30 أبريل 2008 2:48 ص
تحياتى لشخصكم الكريم
أبريل 30th, 2008 at 30 أبريل 2008 2:08 م
موضوع جميل ..
تعرف يا اخ كمال كان عندي كتاب عن الجن في المكتبه في البيت بس كنت ما اقرب منه ابداااااااا وظل كذا لغاية ما خلصت جامعه وانا الفضول بياكل بيا .؟ بس شويه خايفه !
لكن في ليله قررت افتح الكتاب واشوف ايه إلي فيه وكان كتاب لطيف جدا وطلع خوفي ما له داعي ابدااااااااا وكل ما كان المؤمن قوي اصبح الخوووووووووووف بعيد ,,
تقديري