المدونة التالية
كافة المدونات

 

حكايات البتنجان عن اللى بيمشى عريان

كتبهاأكرم صبري ، في 14 أبريل 2008 الساعة: 20:28 م

فيه كده شوية خزعبلات لو قريتها فى مجلة ميكى حتى مش حتصدقها ..
لا لها سند ولا اصل ومتعرفش اصلا مين اللى كاتبها ..
يعنى حتلاقيها فى اى كتاب اصفر مرمى على رصيف ملهوش أى لازمة ، لكن للاسف كمان الحكايات دى اتعملت لها مواقع عملها اصحاب العقول اللى خلاص شربوا عليها قهوة سادة فى عمر مكرم فى القاهرة ..
فتلاقى بعض الناس اللى مخها لسع حبتين عندهم سيدهم فلان الفلاني اللى شافوه طاير فى الهوا ..
ومنهم علان العلاني اللى بيمشى على رجل واحدة
وسيدى مش عارف مين اللى بيقف على دماغه
تحس ان العملية ألبت سيرك

وفى أحد المواقع اللى عندى احساس مؤكد أن صاحبها من بتوع الموالد لانهم بيحبوا قوى الحكايات دى ، حاطط شوية حكاوى عاوزه ضرب النار ، مش لانها بس تحس انها حكاوى مصاطب، لان كمان ملهاش اى سند ممكن نحكم بيها على القصة دى حقيقية ولا لأ ، لكن شوية قصص عاملة زى قصص أبو زيد الهلالى تتقال فى قعدة صفااااا ..
ومن ضمن تلك الحكاوى حكاية كلب شافه واحد يدعى ( العجمي) ، شاف ايه الراجل ده .. شاف كل الكلاب ببتتجمع حول الكلب ده ، ولما مات الكلب ، اخدته الكلاب ودفنته ، وبأه تزور الكلب وتقعد تعيط ..
يا سلام لو معاها اغنية( الكلب لولو هاو هاو) .. تبأه كاملة من كله وليلة فله شمعة منورة
يا حلاوتك يا جمالك خليت للبتنجان ايه ..

ودى مش اخر قصص الكلاب على فكرة
يعنى تلاقى الراجل ناقل كلام عن شوية ناس ملاحيس يقول دول مشايخ الطريقة الفلانية وكانوا بيطلبوا الغوث والمدد من الكلاب ..
حكاية تانية مهببة تحس انها فالته من مقص الرقيب والراجل ناقلها بيقول من كتاب النبهاني جامع كرامات الاولياء وبيحكى عن واحد اسمه (علي العمري) وبيقول أن العمرى  كان مرة فى الحمام واظهر غضبه على الخادم  بتاعه ، طب يأدبه ازاى بأه ، شوف بأه الكرامات والحبشتكنات والكلام الحمصى اللى حيقوله ، يقول ((فأخذ الشيخ إحليل نفسهأي: ذَكَرَه – بيديه الاثنتين من تحت إزاره فطال طولاً عجيباً بحيث إنه رفعه على كتفه ، وهو زائد عنه، وصار يجلد به خادمه المذكور ، والخادم يصرخ من شدة الألم ، فعل ذلك مرات ثم تركه ، وعاد إحليله إلى ما كان عليه))
اه يا عالم يا ملاحيس .. حكايات موالد ومصاطب صحيح !!
حبكت يعنى معهوش عصاية ولا خرزانة أو كان اسهل يديلو شبشبين

معلش اصبر عليا واستنى بأه .. لان دى حكاوى عاوزه قعدة
والراجل معجب اوى بحكاية واحد عريان .. ويقولك الشيخ إبرهيم العريان رضى الله عنه .. وبص بأه يقولك ايه وكان رضى الله عنه يطلع المنبر ويخطب عريانا ..
ايه يخطب عريان دى متعرفش ، يمكن الجو حر شوية  بس متوصلش انه يطلع يخطب عريان كان يقعد فى بيتهم احسن ويشغل التكييف أو المروحة مش فارقة
الواحد بيقرأ الحاجات دى ومش مصدق ، ان فيه ناس عقلها بأه ترالالى للدرجة دي

وبالنسبة للخزعبلات
نيجى برده لحكاية تانية متعرفش بتوع الموالد وراها ولا اصحاب ماكينات التصوير
تلاقى وانت ماشى فى الشارع واحد بيوزع عليك ورقة ..تقرأ الورقة ..
(( السلام عليكم انا الحاج أحمد أبو مش عارف ايه وأنا كنت نايم فى الروضة الشريفة جالى الرسول فى المنام  وقاللى يا أحمد الامة حالها هباب وأنا
 مش راضى عن الحال ..))
 بعدين عم أحمد ده يقول ايه
 (( واللى مش حيوزع الورقة دى ويصورها عشرة نسخ حتصيبه بلاوى وكوارث ففلان الفلانى رماها حصله كذا وعلان العلاني حصله كذا ))
ولا انت عارف مين الحج أحمد ده ولا يحزنون
وبعدين مين الحج احمد ده اصلا مجهول الهوية اللى الرسول صلى الله عليه وسلم يجيله علشان يبلغ عن طريقة رسالة للأمة ؟!!
لأ وشوف .. وهو كان نايم فى الروضة .. يعنى الروضة الشريفة اللى الناس بستنشق فيها على شبر فاضى علشان يصلوا ركعتين ومش لاقيين ، عمنا الحاج أحمد كان نايم فيها وبيحلم كمان ..

يعنى كلام كله خزعبلات واصحاب ماكينات التصوير كانوا وراء العملية أو الله اعلم مين تاني  ..
فانا مش عارف بصراحة ايه اخرة الخزعبلات دي
ولمصلحة مين تطلع حكايات عبيطة ومريبة زى دى
بجد
أصحاب العقول

فى راحة .

((كيـمو))

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : حكايات البتنجان عن اللى بيمشى عريان | السمات:
أرسل الإدراج  |   دوّن الإدراج  

100 تعليق على “حكايات البتنجان عن اللى بيمشى عريان”

  1. سوما حسونه قال:
    أبريل 14th, 2008 at 14 أبريل 2008 8:32 م

    الاولى يا اكرم

    هاقرأ وارجع

  2. سوما حسونه قال:
    أبريل 14th, 2008 at 14 أبريل 2008 8:38 م

    لاء حلوة

    عريان وبيخطب طب ازاى ؟؟؟؟

    هو ممكن يا اكرم يطلع العريان بتاع عادل امام

    اتأكدلى م المعلومه بالله عليك

    ادراج جميل يا اكرم

    وحكاوى وقصص احلى

    وانا كتير اوى بتوقع ف ايدى ورقه زى بتاعة ابو احمد دى

    تحياتى ليك

  3. شهرزادwsn قال:
    أبريل 14th, 2008 at 14 أبريل 2008 9:20 م

    هههههههههه

    تسجيل حضور بس ما قرأت

    ايوه على قولتنا يا خلجو

    كثر الدق يفك اللحاااااااام

    ههههههههه

    سلامي

  4. شهرزادwsn قال:
    أبريل 14th, 2008 at 14 أبريل 2008 9:34 م

    هههههههه

    ليش ما تصدق أنت ما عندك سعة أفق بصراحة

    و ين مخيلتك الرحبة يعني

    أحنا عندنا بعد بو شلاخ أسمه ابو علي

    هذا كان ضايع في البر السعودي طيب

    و كان يريد حد ينقذه

    و جاءه المنقذ طيارة فوقه تستنجد بابو علي و تقوله أن مخزن الوقود مشروخ

    و يفزع له أبو علي و يرمي العلكة اللي بفمه للطيارة و ياخذها الطيار و يسد فيه االخرم الموجود بالخزان و بعدين نزل لعند ابو علي و أنقذه

    يعني هذه السالفة حد ما يصدقها

    كل هذه حوادث و اقعية هههههههه تتكرر كل يوم

    نصيحتي بسعة الأفق و المخيلة هههههههه

    سلامي أخوي أكرم

  5. إشراف شيراز قال:
    أبريل 14th, 2008 at 14 أبريل 2008 10:28 م

    هههههههههههههههههه

    اصحاب العقول في راحة و اصحاب الخزعبلات شغالين على وذنو …و هو الي احنا فيه

    من شويه ماهو من التخلف اللي عمال يجري بالعقول قرون الى الوراء ……………..

    كيمو منين تجيب البلاوي ديبس احلاهم الشيخ الحران …قصدي العريان هههههههههه

    بس انت على طول تعمل شورت كات و تجيب الموضوع بريف بات تو ذو بوينت

    (short cut and brief but to the point )………يلا ربنا يهدي خلقو و يفتح عقولهم

    باي

  6. طاهر الصوفانى قال:
    أبريل 14th, 2008 at 14 أبريل 2008 11:19 م

    مساء الفل يااكرم

    معلشي جيت امسي بس عليك

    وهرجع اعلق تاني

    مزاجي مش حلو

    بس راجعلك اكيد

  7. أكرم صبري قال:
    أبريل 14th, 2008 at 14 أبريل 2008 11:55 م

    سوماااااااا دائمة الاولى كالعادة

    ولو وقعت فى ايدى ورقة من دول

    احرقيها بأى عو د كبريت وكبرى دماغك

  8. أكرم صبري قال:
    أبريل 14th, 2008 at 14 أبريل 2008 11:56 م

    هههههههههههه

    شهر زاد

    ماشى يا بتاعة كتر الدق

    انتوا فى السعودية عرفتوا المثل ده منين

    بس حكاوى التخارف دى كمان وصلت للسعودية

    واللى طاير واللى عايم

    يظهر البتنجان انتشر اوى

  9. أكرم صبري قال:
    أبريل 14th, 2008 at 14 أبريل 2008 11:58 م

    اشراف

    منين اجيب البلاوى دى

    من الكتب المتلقحة

    ومن مواقع النت الخربانة

    سيبك انت

    دى عالم دماغها ضربت

  10. أكرم صبري قال:
    أبريل 14th, 2008 at 14 أبريل 2008 11:59 م

    طاهر

    لما يكون مزاجك انت شم حلو يباه البلد تخرب يا باشا

    يا باشا احنا بتوع شر البلية ما يضحك

    مستنيك يا طاهر

    ومسنى توبيكاتك وتعليقاتك

    اللى ديما

    بترسم الابتسامة

  11. محمد عبدالله قال:
    أبريل 15th, 2008 at 15 أبريل 2008 12:43 ص

    لأحول هذي خرافات أصابت امة محمد صلى الله عليه وسلم فا ضلو الطريق الهدى واضلو كثير من الناس

    موضوعك جدا جميل ويعالج ظاهره خطيرة

    شكرا أكرم على الموضوع الجميل المفيد

  12. كامل النصيرات قال:
    أبريل 15th, 2008 at 15 أبريل 2008 1:51 ص

    صباح الخير..

    مرور اطمئنان فقط..

    تحياتي

  13. hnen4 قال:
    أبريل 15th, 2008 at 15 أبريل 2008 2:58 ص

    صباحك ورده

    اصبحنا في احوال مخيفه ومتوجسه نتوقع مالا يتوقع

    اشكرك استاذي القدير

    على نثر الحروف

    ودمت بحب

    وحفظك الرب

  14. غريب الدار قال:
    أبريل 15th, 2008 at 15 أبريل 2008 3:56 ص

    صديقي الانيـــــق … اكرم

    صباح الخير والفل والعنبر

    اعجبتي قصة العريان جدا تستحق التأمل انت رائع كيمو صديقي العزيز

    ودائما في كتاباتك رائع حتي حضورك مميز وتحمل الضوء والنور معك اينما ذهبت

    اشكرك كيمو علي مرورك الجميل واطلالتك المشرقه …

    انت بكل بســــــــاطه رائع وجميـــل …

    باقة ورد وتحيــــــــه

    احترامي وتقديري

    غريب الدار

  15. Linda قال:
    أبريل 15th, 2008 at 15 أبريل 2008 3:56 ص

    صبــــــــــح الخير

    أكرم..

    والله شي بيضحك…

    وبالذات لما يكون في خبر خراااافي

    وتحتيه مكتوب…..

    أمــــــــــانه في رقبتك انشرها…

    أو سوف تتلقى خبر سعيد واذا لم تنشرها

    مش عارفه شو رح يصير…

    ياربــــــــي …

    والمصيبه في ناس بتصدق وبتنشرها!!!!

    تحياتي

  16. زمرد زمرد قال:
    أبريل 15th, 2008 at 15 أبريل 2008 5:15 ص

    صباحك عسل

    على ذكر الخزعبلات انا ظليت اقرا بالموضوع واتعجب كيف هناك يصدقون هؤلاء المعتوهين

    والله ملينا تخلف هؤلاء ….. في كل بلد تجد من اشكال الدجالين ولاينتهي منهم المجتمع العربي اذا للم نحاربهم بالثقافه

    مواضيعك تخلق التساؤلات

    دمت لنا بالف خير

  17. الاتحاد الفيدرالي للمدونين FBU قال:
    أبريل 15th, 2008 at 15 أبريل 2008 5:57 ص

    سم الله الرحمن الرحيم

    اجتمع مجلس ادارة الاتحاد الفيدرالي للمدونين

    واتخذ قرارة باجماع الأراء

    علي شطب عضويه عاشقة الورد

    ــــــــــــــــــــــــــــــــــــــــــــــــــ

    من الاتحاد الفيدرالي للمدونين

    نظرا لاختراقها ميثاق الاتحاد الذي ينص على عملية سير المدون

    في العملية التدوينية تحت قواعد من الاحترام المتبادل وذلك

    عقب شكاوي وردت للاتحاد من سوء تصرف العضوة المذكورة

    وحفاظا على نصوص اللائحة التي تعني بعدم المساس بالآخرين ,

    فإنه سيتم الاحتفاظ بالأسباب المتعلقة بهذا القرار دون

    ذكر التفاصيل لما فيه خدش للحياء العام

    مجلس ادارة

    الاتحاد الفيدرالي للمدونين

  18. * فـنـجـان شـاي * قال:
    أبريل 15th, 2008 at 15 أبريل 2008 6:34 ص

    أليست حكايات الشعوب وتراثها الشعبي مزيجا من الحقيقة والخيال؟

    والخزعبلات خرافة، والخرافة خيال، فهل الخيال من التراث؟

  19. منى محمد(نـــــوتــــيلا) قال:
    أبريل 15th, 2008 at 15 أبريل 2008 6:35 ص

    كيمو

    صباااااااااااحك ولا أحلا

    فكرتني بيوم كنت رايحة المنصورة زيارة يعني للناس صحابنا هناك

    طول المشوار والراجل في التاكسي بيحكيلي عن حاجات غريبة شافها وهو راجع بالليل متأخر بين الغيطان وانا بسمع ومسطلة عالأخر وخايفه انويطلعللي عفريت من الي هوا شافهم لانو قال كل مايفتكرهم يتنطو قداموه يقولولو ايه نسيتنا يازكي ههههه لأنو اسمو زكي …ههههههه كيمو بجد مش معقوووووووولة حواديتك حسيت نفسي مشتاااااااااااقة

    موت لمصر الغالية

    المهم نرجع لموضوعنا ياكيمو

    الناس عايزة تصدق تخدر نفسها تشوف حاجات في منام اليقظة كان نفسها تعمل ربعها

    بسبب تجريدها من كل قوة هي بتلجأ لطريقة ساخرة في فبركة الروايات

    والحواديت مش حانقول فراغ نفسي ابدا دا بحث عن الذات في حكايااااات بتضحك علينا بمزاجنا حتى نعيش حلة زوغان عن الواقع المؤلم ولو لثواني

    صباااااحك مصري بروعة الاهرام شوقتني ياكيمو

  20. dina seliman قال:
    أبريل 15th, 2008 at 15 أبريل 2008 6:38 ص

    ياريتها على خزعبلات مكن تصوير دى وبس

    ده على الموبيل

    والاوف لاين ماسج

    وارسلها والا هتموت مقتولا او مخنوقا او مشنوقا

    انا بجد كل الحجات دى بمسحها قبل مقراها

    بجد عالم فاضيه

    شكرا على الموضوع

    ويارب العالم يتعظ

  21. raeda_2008 قال:
    أبريل 15th, 2008 at 15 أبريل 2008 7:13 ص

    أخي اكرم

    الناس من الفراغ الروحي وضعف الأيمان اصبحت تبحث عن بطولات

    حتى وهي تعلم في قرارة النفس أن هذه البطولات كاذبة

    الحلال بين والحرام بين ………..ومع ذلك يسرد البعض قصص

    حتى أكفر خلق الله لا يصدقها ……..كثرة التشعبات والمذاهب

    أدى لنشر هذه الخزعبلات

    دمت بخير

  22. أريج الكلمات قال:
    أبريل 15th, 2008 at 15 أبريل 2008 7:48 ص

    يا بشمهندس أكرم

    فى ناس كتير بتصدق الحكايات دى وناس دماغها لاسعة بتدفع فلوس علشان تعمل موالد للشيخ الطاير والعريان والجلاد وطبعاً المستفيد من الفلوس يروج الحكايات علشان ينتشر الشيخ ويلم فلوس أكتر

    وبعض الجهلة بيفتكروا ان تبرعهم للشيخ الفلانى وعمل الموالد تقرب لله .. ولو اختلفت معاهم هتقلب بخناقة.. بس اوعى كلامك ده تقوله وسط مولد من الموالد وإلا ساعتها هنزورك بشاش وقطن

    تقبل تحياتى

  23. الفراشة البيضاء قال:
    أبريل 15th, 2008 at 15 أبريل 2008 8:21 ص

    ههههههههه

    راح اموت من الضحك

    خزعبلات غير شكل

    اصلا احنا شعب منحب هيك شغلات

    وحبيت اعتذر عن الغيبه وعن عدم طرح جديد بمدونتي

    لانو من شي كم يوم ما كنت عارفه ادخل

    كنت اكتب الرقم السري والاسم ويقلي غلط وطبعا هو صح

    واليوم قدرت ادخل

    عجيبه يمكن مسكونه المدونه

    ههههههههه

  24. مجد الدين قال:
    أبريل 15th, 2008 at 15 أبريل 2008 9:01 ص

    يا عم اكرم
    الخزعبلات دي موجوده موجوده من زمان
    والي بيعملها فئه ضاله من المجتمع عارفين
    انه فيه عقول في التراوه خالص وعلي فكره الموضوع اتطور للانترنت كمان
    بيجيلي ايميلات فيها الخزعبلات دي وبقعد اضحك عليها والله فيه ناس يا اكرم
    ضمائرها ماتت وده نوع من التضليل الفكري لفئه معينه من الناس بعد فشل حكايه الدجل والشعوزه والذي منه للاسف استسلمنا للامور دي هوه الي مخلينا شعب اهبل ومتخلف وعبيط
    ما علينا ربنا يهدي الجميع ولما تقابل الحج احمد ده قوله يتغطي كويس وهوه نايم..هههههههههههههه ……..تحياتي

  25. مجد الدين قال:
    أبريل 15th, 2008 at 15 أبريل 2008 9:03 ص

    نسيت اقولك يا اكرم
    حاجه مهمه جدا
    ضعف العقيده احد اسباب
    الانهيار الفكري للبشر
    شكرا

  26. trust76 قال:
    أبريل 15th, 2008 at 15 أبريل 2008 11:04 ص

    يالاااااااااااااا…مبروك عليك اللوك الجديد…ده اولاوتانيا ايه الكلام الجامد ده…انت كل مرة تجيب حاجة اجمد من اللي قبلها…وتاتا وده المهم انت بقيت فيلسوف قد الدنيا على قول عمناسلامة …ايه السعادة اللي انت بتتكلم عليها دي؟؟بالراحة على ابلتك ثقة يا كايدهم::بعدين ايه يا وااااااااااااااد انت عاوز عزومة عشان تجي وتشرب شاي عند أبلة ثقة؟؟؟؟؟؟يالله بلاش دلع

  27. damas_2008 قال:
    أبريل 15th, 2008 at 15 أبريل 2008 11:32 ص

    يسلام على النيولوك

    دى جملات اتطورت قوى

    بس يباى المشاريب لسه زى مهيا ناقصه ملح

    ومدد يابو الكرمات

    ندر لادبح رغفين عيش بس اتخرج من الهبابه دى

    وافرقهم نور ومايه

  28. ksad73 قال:
    أبريل 15th, 2008 at 15 أبريل 2008 1:20 م

    تزور الكلب وتقعد تعيط ..

    يا سلام لو معاها اغنية( الكلب لولو هاو هاو) .. تبأه كاملة من كله وليلة فله شمعة منورة

    يا حلاوتك يا جمالك خليت للبتنجان ايه ..

    ههههههههههههههههههههههههههههههههههههههههههههههههههههههههههههههه

    حلوه تجنن منك هذه العبارات

    معليش نسيت اسلم عليك

    مساء الخير يااجمل صديق

    اخي اكرم انت رائع رائع رائع

    انا معجب في سمو شخصك الكريم حقا

    لانك تعرف كيف توصل الي تبغاه بكل اسلوب جميل ومرح

    وشكرا يااحي الفاضل لتواصل الذوق والراقي

    وحفظك الرحمن ورعاك تحيااااااااتي لك

  29. د.محمد عبدالحفيظ شهاب الدين قال:
    أبريل 15th, 2008 at 15 أبريل 2008 1:41 م

    الواحد مش عارف يضحك ولا يعيط …..

    بس انا قررت اضحك لأني تعبت عياط على حالنا …..

    مشكلتنا كلها تنحصر في تلات حروف ( جهل ) …….

    وما ننساش الفقر

    لأن الفقر لما بيزيد بنتنشر الخرافات اللي زي دي ….

    وبعدين مجلات ميكي وبطوط يا أخي ما وصلش بيها السفاهة للدرجة دي ….

    اسألني أنا ده انا عندي كل اعدادها هههههههههههههههههههههههه

    واهو في الأول والآخر اسمها قصص مصورة وعارفين انها هجص واي كلام في اي اتجاه

    انما ايه اللي مسك ال هههههههه وقعد يضرب في الجني ده ههههههههههههههه

    لا جامدة كيك يعني !!!

    والنبي انا ما صعبان عليا في الموضوع ده كله الا الغلبانة اللي متحوزاه ههههههههههههه يالهوي ههههههههههههههههه

    لا وركز بقى انه لما مسك ال ههههههههههه يضرب بيه الجني ما كانش في حالة ال ههههههههههههه

    اومال لما بيبقى بقى ….بيبقى ايه ده …

    يا أخي ده احنا طلعنا غلابة قوي !!!!!!ههههههههههههههههههههههههه

    طب واللي كان طالع يخطب عريان ده ,

    طب وده من ايه

    نزاهة يعني …..ولا كان مستعحل ونسى يلبس ؟ ههههههههههههههه

    يا اخي والله حاجة تكسف

  30. ksad73 قال:
    أبريل 15th, 2008 at 15 أبريل 2008 5:25 م

    شكرا يااخي على تواصلك الذوق والراقي معي

    واحببت ان اخبك يوجد الان ادراج جديد باسم

    ((((القرار صوت حبيبتي))))

    تحياتي واشوقي الخاصة لك

  31. طاهر الصوفانى قال:
    أبريل 15th, 2008 at 15 أبريل 2008 6:06 م

    اكرم العسل

    والله بجد بعتزرلك لاني لغايه دلوقتي معلقتش علي موضوعك

    ومتعودتش اكتب اي تعليق وخلاص بس اوعدك اقرأ موضوعك كويس وارد عليه

    انا كاتب شئ ياريت تيجوا تشوفوه

    هو تضامن مع اسراء المدونه الجميله الي اعتقلوها لانها قالت كلمه حره

    منتظر تضامنكم

  32. دمعة الحب قال:
    أبريل 15th, 2008 at 15 أبريل 2008 6:17 م

    العزيز صاحب المخده والبطانيه اللي عندي ومش هاتخدهم برده هههههه

    المبدع دائما اكرم صبري

    الموضوع يجنن فعلا الحكايات دي لسه موجوده واحنا طلعنا القمر بس ده من جهل ناس

    كتير واصحاب العقول في رااااااحه تامه كمان

    تحياتي وكل احترامي وملكش حاجه عندي هههههه

  33. المستغفر فاطمة قال:
    أبريل 15th, 2008 at 15 أبريل 2008 7:24 م

    باسم الله

    السلام عليكم ورحمة الله وبركاته

    لغتك لها طابع خاص وهذا حس انتمائي شربته من طين مصر

    لغة التخاطب لها لون خاص وشعبية خاصة

    وما تتناولوه يعكس نفسه بنفسه وحالة العالم الذي النقلب رأسا على عقب وبدا ينضح بما فيه وماليس فيه

    صيغة الأسلوب منتفضة على تركيبتها مابين اللفظ وبين الحرف والكلمة وتعكس طبيعة كاتبها وما أنابه وأرابه وحالفه وشاهده وعاينه وهذه العلامات أو الانكسارات والشطحات المجتمعية ليست غريبة ولامغربة وتجدها في كل البلاد

    نعيش عالم بدون صورة وبدون ملامح لكن لانستثني أن هناك بصمات رائعة تشهد على الأصل والفصل والفروع والجذور

    إشارة

    لك طابع خاص بك في لون الكتابة القرمزية المتمردة

    لك كل التقدير والاحترام

  34. cinderella قال:
    أبريل 15th, 2008 at 15 أبريل 2008 8:36 م

    كيمو

    ههههههههههههه

    موت ضحك علي الشبشبين دول هههههههههه

    ماشي

    المهم مره واحده صديقتي والله يا كيمو خريجه جامعه امريكيه

    مفرو انه ابوها وامها من اعلي التعليم والمراكز

    بتحكيلي ازي هي و الشغاله بتاعتها كانوا بالليل في البيت وسمعوا اصوات وكلام وافتكروهم حراميه

    وبعدين طلعت قطه ماشيه علي السور

    وراحت الشغاله لعندها زي المسحوره كانت رجليها طايره من علي الارض لحد الشغاله

    وبعد ما صولت للقطه كانت كانها بتكلمها وبعدين القطه اختفت والشغاله اغمن عليها

    وبعد ما فاقت

    رجعت قالت للعبيطه صاحبتي انه القطه دي من الاسياد اشتاتا اشتوت

    وانها دت تبلغهم رساله انه صابتي معمول لها عمل علشان متتجوزشي وانه الحل عند الشيخ فلان

    خخخخخخخخخخخخخخخخ

    طيب والله بجد وهي بقي كانت عاوزاني اسال لها عن الشيخ فلان اللي طبعا طلع معرفه الشغاله

    طيب تقدر تقولي ايه مبرر الهابله دي ولا ايه معناها

    خبل وتخلف ما بعده خبل

    تحياتي لك

  35. أكرم صبري قال:
    أبريل 15th, 2008 at 15 أبريل 2008 8:48 م

    محمد عبدالله

    والخرافات دى مرتبطة بالبدع برده

    لا تنسى هذا

  36. أكرم صبري قال:
    أبريل 15th, 2008 at 15 أبريل 2008 8:50 م

    نــــــوني

    مش عارف اقول ايه

    غير

    ربنا يستر

  37. أكرم صبري قال:
    أبريل 15th, 2008 at 15 أبريل 2008 8:51 م

    غريب الدار

    ههههههههه عجبتك قصة العريان

    دى يمكن اخف واحدة فيهم

  38. أكرم صبري قال:
    أبريل 15th, 2008 at 15 أبريل 2008 8:53 م

    Linda

    واساسا تستغربي ان الناس بتصدق حاجه زى دي

  39. أكرم صبري قال:
    أبريل 15th, 2008 at 15 أبريل 2008 8:55 م

    , زمرد زمرد

    زى ما بيقولوا كده كلنا فى الهم شرق

    دى بلاوى بتنتقل عبر الهواء

  40. أكرم صبري قال:
    أبريل 15th, 2008 at 15 أبريل 2008 8:56 م

    * فـنـجـان شـاي *

    الحات دى مش بيعتبروها تراث شعبي

    تصدقنى انها عند بعض الطرق مرجعية دينيه كمان

  41. أكرم صبري قال:
    أبريل 15th, 2008 at 15 أبريل 2008 8:57 م

    منى (نـــــوتــــيلا)

    صباحك قشطة

    ابو الهول بيسلم عليكى ههههههه

    لا بس القضية ان الناس السذج موجودين فى كل مكان

  42. أكرم صبري قال:
    أبريل 15th, 2008 at 15 أبريل 2008 9:00 م

    dina seliman

    كمان الموبيلات والايميلات فعلا دخلت فى اللعبة

    مهو ده الخزعبلات الالكترونية

  43. أكرم صبري قال:
    أبريل 15th, 2008 at 15 أبريل 2008 9:01 م

    , ام ليث

    ما أجمل هذه اللفتة

    انه فى ظل ضعف الايمان

    تظهر مثل هذه الخزعبلات

  44. أكرم صبري قال:
    أبريل 15th, 2008 at 15 أبريل 2008 9:03 م

    , أريج الكلمات

    كل كوم

    وصندوق النذور

    والناس اللى بتدفع

    علشان ياخدوا البركة

    وانت عارف البركة غالية اوى الايام دي

  45. أكرم صبري قال:
    أبريل 15th, 2008 at 15 أبريل 2008 9:05 م

    الفراشة البيضاء

    مكتوب كان ضارب عندنا كلنا

    بس متتأخريش باه فى الاصدارات

    بلاش تقل بأه

  46. طارق الغنام قال:
    أبريل 15th, 2008 at 15 أبريل 2008 9:05 م

    اخى الحبيب اكرم

    والله عندك حق

    تعرف ان كتير من الناس وكتير من المشاهير يؤنوا بالخزعبلات دى

    وصدقنى فية ناس عايشة مليونيرات بالخزعبلات ورزق الهبل على المجانين

    موضوعك رائع

    دمت متألقا

  47. أكرم صبري قال:
    أبريل 15th, 2008 at 15 أبريل 2008 9:06 م

    ثقة

    عزومة ايه أنا صحاب مكان

    بس انا كنت رحت فعلا ملقتش جديد

    علشان تعرفى انى متابع بس

    لما رحت المرة دي لاقيت الجديد هههههههههههههههههه

  48. طارق الغنام قال:
    أبريل 15th, 2008 at 15 أبريل 2008 9:07 م

    يقول العاصى ( سرك من دمك فلا تجرية فى غير عروقك فأنك متى تكلمت بة أرقتة وكما أن لا خير فى أنية لا تمسك مافيها .. كذلك لا خير فى لسان لا يملك سرة ) ألاأن اللسان أحيانا يعجز عن خنق مافى أعماقة فيختار أنسانا عزيزا يقص علية قصتة وصديقتى المعنية قصت علية قصتها وأنا أنشرها بعد أن أستأذنتها ليستوعبها وليتعلمها الناس فيأخذون العبرة ويتعلمون الحكمة وينشدون الفضيلة واستعرض بين يديكم مايعود على الانسان من أكتساب شهواتة وأقتراف أخطاؤة ..

    وتبدا قصتها فتقول كنت فى السادسة عشر من عمرى فتاة عادية

    بقية القصة بأدراجى الجديد حصاد الخطيئة

    ادعوكم للتواصل معى

  49. أكرم صبري قال:
    أبريل 15th, 2008 at 15 أبريل 2008 9:07 م

    damas

    ايه رايك فى جديد النيولوك

    يله يا ستى

    عاوزين بأه شوية تبرعات علشان

    نكمل التجديد

    حتدفعى كام يا بت هههههههههههههه

  50. أكرم صبري قال:
    أبريل 15th, 2008 at 15 أبريل 2008 9:09 م

    د.محمد عبدالحفيظ شهاب الدين

    هههههههههههههه

    على رأى محمد صبحي

    ايه ده كله ايه ده كله

    ههههههه

    ايه الضحك ده كله

    شفت الراجل بتاع البتاع

    ده كلام يدخل مخ حد

    معلش بأه فالته من الرقيب يا باشا

  51. أكرم صبري قال:
    أبريل 15th, 2008 at 15 أبريل 2008 9:10 م

    رومانسي بجنون

    هههههههههه

    ديما تلتقط منى عبارات

    وتهلك من الضحك هههههههههههههههههههههه

    اى خدمة يا باشا

  52. أكرم صبري قال:
    أبريل 15th, 2008 at 15 أبريل 2008 9:12 م

    طاهر الصوفانى

    ولا يهمك يا باشا

    انا فى الطريق إليك

  53. أكرم صبري قال:
    أبريل 15th, 2008 at 15 أبريل 2008 9:13 م

    دمعة الحب

    ههههههه طمعتى فى المخدة ماشى حلال عليكى

    حشتكيكى عند بتوع حقوق المدونين

  54. أكرم صبري قال:
    أبريل 15th, 2008 at 15 أبريل 2008 9:14 م

    فاطمة بجد اسعدنى حبك للهجة المصرية

    وكما قلتى هذه الشحطات الخزعبالية فى كل حتة

  55. أكرم صبري قال:
    أبريل 15th, 2008 at 15 أبريل 2008 9:15 م

    cinderella

    هههههههههههههههههههههه

    والقطة دى كانت دكر ولا نتاية

    اصلها تفرق هههههههههههههه

  56. أكرم صبري قال:
    أبريل 15th, 2008 at 15 أبريل 2008 9:16 م

    طارق الغنام

    فعلا ناس كونت ملايين

    من الهبل ده كله

    ربنا يصلح الحال

  57. Wahdah Wahedah قال:
    أبريل 15th, 2008 at 15 أبريل 2008 9:24 م

    بجد

    وحقيقى يعنى

    نفسى أعرف بتجيب العجايب دى منين

    انا هاسميك البحث عن العجائب

    سلام يا صاحبى

  58. أكرم صبري قال:
    أبريل 15th, 2008 at 15 أبريل 2008 9:52 م

    مروة ..

    هههههههههههه

    دى حاجات متلحقة فى النت

    وفى الشارع

    وفى قعدة المصاطب

    نحن نرصد هذا

    نحن نختلف عن الاخرين

  59. المغترب قال:
    أبريل 15th, 2008 at 15 أبريل 2008 10:22 م

    انتهت مشاكل مكتوب اخيرا

    تعبتنا الايام اللي فاتت ومنعتنا من التعليق

    صباح سعيد باذن الله

    مررت للتحية

  60. أريج الكلمات قال:
    أبريل 15th, 2008 at 15 أبريل 2008 10:23 م

    عزيزي أكرم

    مرور تحية وسلام

    أدعوك لقراءة إدراجى الجديد

    تقبل تحياتى

  61. شموخ المشاعر قال:
    أبريل 16th, 2008 at 16 أبريل 2008 1:08 ص


    هههههههههههههههه

    الله يجزاك خير والله ضحكنتي

    دمك شربات ( سمعتها بفيلم مصري هههههههههههه

    من خلال كلماتك دخلت الحكايات حسيت ان الدنيا فيها بدنجان كثير

    طريقة طرحك للموضوع عسل

    وسعة صدري يا كيمو

    الله يستر لا يجينا يوم ونكون من اصحاب البدنجان

    يسلموو كيمو

    وشكرا للتواصل

  62. طاهر الصوفانى قال:
    أبريل 16th, 2008 at 16 أبريل 2008 2:04 ص

    هههههههههههههههههههههههههههههههههههههههههههههههههه

    يخرب عقلك يااكرم

    انت ازاي مش بتصدق في الحجات دي وبعدين يابني الحجات دي عالنت شرعيه

    طب اسمع بقي الحديث ده

    (عن حمدي وعن سعيد ورواه ابن المشلح ان المحتاجه عايزه وبترضي بأي هايف )

    اهو ده واحد قريب العريان بتاعك بيقول ان الجواز عالنت شرعي من غير خطوبه ولا مهر ولا دياولوا

    ههههههههههههههههههههههههه

    ضحكتني من قلبي يااكرم بجد

    لالا لا انت بجد عسل

  63. أكرم صبري قال:
    أبريل 16th, 2008 at 16 أبريل 2008 2:37 ص

    , المغترب

    مشاكل مكتوب لا تنتهى

    ومش عارف ليه

    ميحسنوش سيرفرات الموقع

    انا مش عارف

  64. أكرم صبري قال:
    أبريل 16th, 2008 at 16 أبريل 2008 2:40 ص

    أريج قادم إليك حالا

  65. أكرم صبري قال:
    أبريل 16th, 2008 at 16 أبريل 2008 2:41 ص

    شموخ المشاعر

    ابعدى على البدنجان

    ربنا يكفينا شره

    نورتى يا شموخ المدونة

  66. أكرم صبري قال:
    أبريل 16th, 2008 at 16 أبريل 2008 2:43 ص

    طاهر باشا عندنا

    مرورك ديما بسعدنى يا طاهر وبيضفى بهجة على المدونة

    مين باه العريان التاني ده بتاع النت

    ايه حكاية العرايا الايام دي

    مش كفاية علينا هيفاء وعمايلها

    يله يا طاهر

    متشلش هم

    كله بيطلع فى الغسيل

  67. لين عبد الله قال:
    أبريل 16th, 2008 at 16 أبريل 2008 6:54 ص

    اصحاب العقول اما اخذو اجازه او ضبهم ابو زعبل جواه

    وفاضل اصحاب الخزعبلات والنفاق يصولو ويجولو استاذي

    ودمت بكل حب

  68. إشراف شيراز قال:
    أبريل 16th, 2008 at 16 أبريل 2008 9:58 ص

    كيمووووووووووووو….

    صباحك عسل بشهده …………

  69. أميرة الدمع قال:
    أبريل 16th, 2008 at 16 أبريل 2008 10:04 ص

    الاخ أكرم صبري …………………….

    عودة بعد الغياب ……………….. أدعوك لزيارة مدونتي ………… و متابعة إدراجي الجديد عليها …………….. و هو بعنوان ” مازال الماضي يطاردني ” ……..

    تقبل مروري و تحياتي ……………………….. دمت بخير ……………. هبوشة احلى مرشدة .

  70. hamasatdalia قال:
    أبريل 16th, 2008 at 16 أبريل 2008 10:28 ص

    كيمووووووووووووووووووووووووووووو

    كده برده انا الرد الـــ70

    مليش دعوة بأه عاوزه اكون الاولى

    المرة الجاية حتلاقينى على باب المدونة

    بجد يا كيمو كله كوم وبتاع الحمام ده كوم تاني ههههههههههه

    بس الناس مثلا ازاى ممكن تعتقد ان حاجه زى دى كرامة أو غريها زى اللى بيطلع عريان ده

    ربنا يصلح الحال .

  71. hamasatdalia قال:
    أبريل 16th, 2008 at 16 أبريل 2008 10:30 ص

    اه نسيت

    اشكرك على الاحتفال اللى انت عملهولى ده فى اعلى المدونة

    يله سلام يا كيمو

  72. ميسى محمد قال:
    أبريل 16th, 2008 at 16 أبريل 2008 10:42 ص

    جميل أن ندعو إ لى الصدق و نحارب أعداءه ………

    دمنا صادقين…… و دمت مبدعا

  73. trust76 قال:
    أبريل 16th, 2008 at 16 أبريل 2008 11:07 ص

    مالك يا كيمو …فيه ايه؟؟؟انت مش عاجباك عيناه الساحرتان…ما تخليني على راحتي يااللااااا….وبعدين طبعا المشاريب علي ….دا انت طلعت جلده..وقال ايه؟؟؟.فاتح لي قهوة ….هههههههههههه

  74. tomatoma قال:
    أبريل 16th, 2008 at 16 أبريل 2008 11:11 ص

    بسم الله الرحمن الرحيم

    حقيقة استغرب جدا ما يحصل في المدونات منذ فترة قصيرة واستغرب أكثر ظاهرة تعدد الاتحادات في عالم مكتوب

    اعتقدت أن دورها سيكون له تأثير ايجابي وفعال .

    لكن وبعد جولة لا تقل عن شهرين اتضح لي أن الغاية فقط هو محاولة تلميع اسم لا أقل ولا أكثر وكسب شهرة على حساب مدونات أخرى

    تارة محاربة أشخاص بحجة الدين وتارة أخرى بحجة التطرف في الفكر والآن نرى دعاية كبرى

    تقتحم عالم المدونات للتشهير باحدى المدونات شهد لها بالإبداع والجد ونقاء كتابتاها

    ونسيتم أن للتدوين أصول وشروط إن اختل احد منها تهاوى إلى الانحطاط وابتعد عن كل إبداع

    .إن الخطاب الحواري يقتضي مراعاة آداب النقاش والتواصل

    حتى يكون للكلام المكتوب تأثيره الايجابي على القارئ والمتلقي والمدون بصفة عامة

    لكن ما نراه حقيقة شيء يخجلنا كمدونين ولا يرقى إلى مستوى الكتابة الجادة السامية الهدف والرسالة

    فنحن وكما يبدو أصغر جدا من أن نمثل مجموعة بأكملها

    أصغر من أن ندافع على تجمع تدويني بأكمله في الوقت الذي نفتقر فيه إلى ابسط وسائل الحوار الهادف والنقد البناء وليس الهادم

    لا اعرف ما الذي اقترفته المدونة عاشقة الورد وغيرها من المدونين ربما أصابهم قبلها نفس ما أصابها هي أيضا

    وبعد تفحص دقيق أنا وبعض المدونين في سائر إدراجات مدونتها لم نجد ما يخل بالآداب الذين تدعونه

    فيتبين للناس جميعا أن هدفكم التشهير بها وتلويث سمعتها فقط

    وحتى لو افترضنا أنها مذنبة فهناك شيء اسمه التوجيه والمعاملة الحسنة والخطاب الهادئ فهذا ما أوصى به الدين الإسلامي

    وما أوصى به قانون الإنسانية جمعاء

    سادتي كنت وبكل صراحة أنوي الانضمام في بعض الاتحادات من ضمنهم اتحادكم المحترم بين القوسين

    الاتحاد الفدرالي للمدونين

    لكن بعد الدعاية الرهيبة التي لمحتها في سائر المدونات وبعد التشهير بأسلوب يندى له الجبين

    لا يشرفني الانضمام إليكم

    ما فائدة الاتحاد إن لم يكن يسعى إلى الخير والى التآلف والى النصيحة بالتي هي أحسن

    ما فائدة الاتحاد إن كان كل يوم يستهوي خلق عداءات وخناقات وتبادل شتائم بين أعضائه ومؤسسيه وبين بعض المدونين

    كل يوم يتم اختيار مدون ضحية لأهواء وهجوم لا عقلاني يفتقر إلى حسن الأدب والحوار مرة الفيل ومرة رباني واللائحة طويلة

    والآن عاشقة الورد و الله اعلم من سيكون القادم ربما أنا أيضا

    لكن هل تدرون شيئا

    كشفتم أنفسكم يا أصحاب الاتحاد الفدرالي وكشفتم نواياكم

    كشفتم عن ألاعيبكم والسعي إلى الشهرة على حساب مدونين شهد لهم بالمعاملة الحسنة

    وبالرقي في كتاباتهم واحترامهم لنفسهم و لقرائهم

    اعلم أن تعليقي سيكون حتفه سلة المهملات شأنه شأن البقية التي عارضتكم بشدة

    شان الأخ عادل حجازي وعماد النمر و…

    أما المدعي عبد الحفيظ شهاب الدين الذي يلقب نفسه بالدكتور وهو فعلا دكتور في الشتم والتهديد

    فأقول له ولأعضاء الاتحاد المزعوم و الذي لم نر لهم أي سند أو دعم أو وجود أصلا

    مؤامراتك السخيفة انكشفت في مكتوب كلها

    وتعلموا أدب الحديث مع السيدات المحصنات أولا قبل إنشاء اتحاد

    فالأنثى كرمها الله ولها طريقة خاصة ومحترمة في التعامل معها

    استمروا انتم في التشهير بالمدونين الذين وصلوا إلى درجة كبيرة من الرقي

    بسبب دوافع نفسية مريضة قائمة على التهديد والقمع

    أما هم فليس لديهم الوقت للنزول إلى مهاتراتكم

    وللعلم فقط وحتى أكون صادقا مع نفسي وشاهدا امام ربي

    الأخت عاشقة الورد كانت عضو فعال في مدونتكم

    لكن قدمت استقالتها من حوالي أكثر من شهر ونص أو أكثر

    لكنكم رفضتم استقالتها باعتبارها شخص مهم في الاتحاد

    وحتى تتخلص من لفكم حولها بإدخالها معكم في مهاتراتكم وأعمالكم التي ليس من ورائها سوى التخريب

    قامت بعملية الحظر عليكم جميعا

    انظروا ايها المدونين إلى مدونة الاتحاد

    انظروا إلى تعليقات عاشقة الورد عندهم متى توقفت

    انظروا إلى التواريخ

    وستعرفون أنها وقفت ارتباطها معهم منذ فترة ليست بقصيرة

    وانظروا إلى مدونة الأخت عاشقة الورد

    سترون وقفت الارتباط بهم منذ فترة طويلة أيضا

    ولم تنزل الى مستواهم الدنيء والتشهير بهم

    انظروا إلى كتاباتها والى من يزورها

    إدراجات نقية وزوار محترمين

    انظروا فالحقيقة أوضح من الشمس

    اتقوا الله

    اتقوا الله

    اتقوا الله

  75. maya قال:
    أبريل 16th, 2008 at 16 أبريل 2008 11:44 ص

    السلام عليكم

    كيف الحال اخوي

    موضوع خطير واسلوبك ساخر وفي الصميم ويصيب كبدة ودماغ الحقيقة : )

    حكايات اولياء الله والاسياد وخرافات المذهب الصوفي والمتصوفين حدث ولا حرج

    يكفي انهم يوصلو لمرحلة يعتبروا انهم خلاص ليسو بحجه للصلاة وانهم خلاص في اعلى المراتب ويصير ولي من اولياء الله الصالحين, والظاهر انهم كمان استغنو عن الملابس بالمرة

    المصيبة انهم منتشرين بشكل خطير

    حتى محمد منير غنالهم مدد يا رسول الله مدد : )

    في حكاية قريبه لحكاية شهرزاد عن احد الملقبين باولياء الله الصالحين

    بس مش فاكره اسمو قراتها في احد الكتب المعتقة ههه

    كان اسم الله حارسو واقف على البحر مش عارفه بيعمل ايه

    وشاف من بعيد سفينة جالسه تغرق

    طبعا هوا سره باتع فعرف انه السفينه مخرومة

    عمل ايه ؟؟

    اخذ المسواك الي في ايدو ورماه في اتجاه السفينة والمسواك بئى عمل اللازم وقفل الخرم وتوقفت السفينة عن الغرق

    ومدد يا رسول الله

    تحيتي لكَ

  76. أكرم صبري قال:
    أبريل 16th, 2008 at 16 أبريل 2008 12:31 م

    لين ..

    هما فعلا واخدين أجازة طويلة حبتين

    عاوزنلهم كام خبطه على دماغهم علشان يفوقوا

  77. أكرم صبري قال:
    أبريل 16th, 2008 at 16 أبريل 2008 12:34 م

    إشراف شيراز

    صباحك بسبوبة معسلة

    نورتى يا اشراف

    يا عسل

  78. أكرم صبري قال:
    أبريل 16th, 2008 at 16 أبريل 2008 12:35 م

    هبوش

    انا لما كنت عندك فى المدونة مشفتش الادراج اللى بتقولى عليه ده

    عموما حروح تاني واشوف .

  79. أكرم صبري قال:
    أبريل 16th, 2008 at 16 أبريل 2008 12:37 م

    داليا

    يا سكرة

    ههههههههههههه

    معلش بأه يا داليا الكرسى الاول ديما عليه نزاع

    لكن انت بس تأمرينى وأنا انفذ علطول يا باشا

    وشكر ايه على الاعلان بس يا احلى بنوتة

    ده واجب

    هو مش انا اللى جيبك مكتوب

    يبأه لازم نعمل الواجب باه معاكي

  80. أكرم صبري قال:
    أبريل 16th, 2008 at 16 أبريل 2008 12:39 م

    ميسى محمد

    اشكرك على زيارتك الجميلة دي

    وسعدت بالتعرف على مدونتك

  81. أكرم صبري قال:
    أبريل 16th, 2008 at 16 أبريل 2008 12:40 م

    الهرمزان

    فيه ظواهر مؤسفة فعلا ..

    اشكرك على التوضيح هذا

    اللى بتنشره فى كل مكتوب .

  82. أكرم صبري قال:
    أبريل 16th, 2008 at 16 أبريل 2008 12:46 م

    , ثقة

    هههههههههههه

    خلاص حخليكى على راحتك

    علشان تعرفى انى اسم على مسمى

    بس مش جلدة ولا حاجه بس كل الشماريب اللى خديها فى جملات ولسه بتقولى جلدة

    صحيح النساء رافعين دائما المقولة (( ما رايت معك خيرا قط))

  83. أكرم صبري قال:
    أبريل 16th, 2008 at 16 أبريل 2008 12:49 م

    maya naser

    الجماعات المنحرفة فكريا للأسف افكارها زى ما بيقولوا كده بتنطلى على السذج

    رغم واضح جدا من خزعبلات الصوفيين واشباههم من بتوع الموالد

    تخاريف اللى بيقولوه

    لكن

    زى ما سبق وقالت ام ليث

    ضعف الايمان

    وضعف فهم الدين

  84. trust76 قال:
    أبريل 16th, 2008 at 16 أبريل 2008 1:26 م

    كيمو يا ابو سريع

    احنا يكفينا الكلام الحلو اللي نسمعه منك…وعلى قولة مثل عنا (لاقيني ولا تطعميني)…شفت ازاي؟؟؟وقصدك ايه بكا النسوان يا والااا..من ضمنيهم ابلتك ثقة…ما لك نازل طخ نار…ماهو ابلتك يا واد يا كيمو عارفة انك اسم على مسمى…امال هي بتيجي عندك وبتقعد تطفح مشاريب بالساعات ليه؟؟؟

  85. trust76 قال:
    أبريل 16th, 2008 at 16 أبريل 2008 1:28 م

    مو يا ابو سريع

    احنا يكفينا الكلام الحلو اللي نسمعه منك…وعلى قولة مثل عنا (لاقيني ولا تطعميني)…شفت ازاي؟؟؟وقصدك ايه بكا النسوان يا والااا..من ضمنيهم ابلتك ثقة

  86. trust76 قال:
    أبريل 16th, 2008 at 16 أبريل 2008 1:30 م

    يااااااااااد انت حكايتك ايه مع البتنجان؟؟؟ولا عشان انا بحبه اوي ؟؟؟ يا سلام عليه وهو طالع كده من المقلي وهو بيشر زيت…اممممممممممممه

    ح اقوم اقلي كام واحده تجي تاكل معايا ولا ما بتحبوش؟؟؟

  87. أكرم صبري قال:
    أبريل 16th, 2008 at 16 أبريل 2008 1:51 م

    ههههههههههههه

    مش بحبه يا ثقة

    غير لما يكون فى المسقعة

    تعرفى تعمليها

    ولا لسه موصلتش عندكم !!!

  88. trust76 قال:
    أبريل 16th, 2008 at 16 أبريل 2008 2:04 م

    ليه يا خويا حد قالك انه احنا عايشين في الملفوفة..ههههههههههه.اجدع مسقعة ح اعملهالك…انت تامر يا باشا

  89. أكرم صبري قال:
    أبريل 16th, 2008 at 16 أبريل 2008 2:14 م

    الله يخليكى يا ثقة

    ادها وادود

    يا ابو الكرم كله

    يله اعمليها وابعتهالى على الايميل

  90. عماد العمرات قال:
    أبريل 16th, 2008 at 16 أبريل 2008 7:50 م

    اخي اكرم

    اقبل مروري اولا

    ففي كلماتك شيء يدفع القارئ لتفكر قليلا قبل ان يتك تعليق

    فقد تعددت المفاهيم لادراجاتك

    لذ يجب الحذر من كلمات التعليق

    فهي بحاجة الى التفكر قليلا بكلماتك الرائعة

    كل الحب والتقدير

    اخوك عماد العمرات

    ارجو زيارتي على مدونتي فتعليقك يهمني جدا

  91. أكرم صبري قال:
    أبريل 17th, 2008 at 17 أبريل 2008 1:27 ص

    عماد العمرات

    اشكرك اخي الكريم ..

    ولى زيارة سريعة لمدونتك

  92. هيثم ابوخليل قال:
    أبريل 17th, 2008 at 17 أبريل 2008 7:13 ص

    عاجل :

    بعد الإعتقالات والمحاكم العسكرية …

    الآن الخطف والإختفاء

    اختفت اسراء عبد الفتاح منظمة اضراب 6 ابريل علي موقع فيس بوك بعد الافراج عنها من النيابة.

    وصرح محامي اسراء أمير سالم أنه بعد قرار الافراج عنها من المستشار عبد المجيد محمود وخروجها من سراي النيابة تم ترحيلها الي قسم قصر النيل لاتمام اجراءات الافراج إلا أنها اختفت بعد ذلك.

    وذكر في تصريحات لبرنامج القاهرة اليوم الذي يذاع علي قناة اوربت أنه بحث عنها في كل مكان لكنه لم يجدها، مشيرا إلي أن والديها يشعران بالقلق الشديد.

    وقال إنه ذهب مجددا إلي مكتب النائب العام وأبلغهم أن اختفائها يعد مخالفا للدستور ويضع عرفا جديدا في تعامل النظام مع المواطنين

    معاً جميعاً متضامنين حتي تعود إسراء عبد الفتاح إلي بيتها وإلي والديها …

  93. الفيل--النت بتتكلم عربى قال:
    أبريل 17th, 2008 at 17 أبريل 2008 8:36 ص

    للاطلاع

    النص الحرفى لاتفاقية ا لغاز الى اسرائيل -السرية- وفتوى الدكتور الدرامللى بخصوصها

  94. mona sawy قال:
    أبريل 17th, 2008 at 17 أبريل 2008 10:07 ص

    **..صباح البدنجان المخلل

    ..طيب ايه رأيك في امام و شيخ بيخطب الجمعه فى مسجد قرية سما العريش..

    ..هاجم الاحتفال بيوم اليتيم ..و قال بالحرف الواحد…

    ..هل أمرنا رسول الله بأن يكون هناك يوم لليتيم..؟؟..أتحتفلون بأبن السفاح ..؟؟

    ..أتشجعون الزنه و تحتفلون بالفاحشه..؟؟؟؟..ولا ده تكملة الاحتفال بعيد الحب..

    …وكمل الخطبه كلها بالمنظر ده….؟؟؟

    .

  95. طالبي شوقي قال:
    أبريل 17th, 2008 at 17 أبريل 2008 11:13 م

    أخي صبري

    أحييك على الإهتمام

    فقد وضعت أصبعك على جرح غائر

    وماتلك إلا بدع ماأنزل الله بها من سلطان

    فهل نحن في زمن الغول أم مادا

    أم أننا لم ننهض بعد من حكاية رمودة

    تعدددت الأسباب والقبح واحد

    لكن أن تعجب للمفكرين والمثقفين

    حين يسقطو من تلك الردهة

    ألف تحية وسلام

    والله يبصرنا بعيوبنا

    وشكرا

  96. مقيم فى شنطة سفر قال:
    أبريل 18th, 2008 at 18 أبريل 2008 5:29 م

    ياعم كيموا الى الان اجد ناس وصلت مراحل لابأس بها من العلم ومازالوا يؤمنون بمثل هذه الخزعبلات –ويقولون ان الشيخ العوام الموجود بمصر خواجه وغرق فى البحر –رزق الهبل على المجانين طالما ان فلوس صناديق النذور بيشتروا بها كباب للاخوة وربنا قبل مابيخلق نصاب بيخلق له 200مغفل عشان يضحك عايهم

  97. عاشق القمر قال:
    أبريل 21st, 2008 at 21 أبريل 2008 10:10 م

    مع خطواتى الاولى نحو عالم المدونه

    اعجبت جدا بمدونتكم

    وادعوكم لمتابعة اولى خواطرى

  98. niveen hamady قال:
    يونيو 20th, 2008 at 20 يونيو 2008 9:16 ص

    ربنا فضلنا عن العغالمين بنعمة العقل فأنت حتى لو سمعت تحكم بعقلك بقى و لكن أمر الكرامات مش مرفوض اطلاقا ، طبعا ما أقصدش اللي انت كاتبها و لكن الي بيقرأ كتاب ربنا و بيفهم في أسرار القرآن بيعرف حجات كثير زي ما سمعت مره عن عالم رباني كبير و من اعلى درجات العباد لله كان بيعمل عمليه في قلبه وقت الحرب و كان في نقص كبير في مواد التخدير و خلافه لكن هو قرأ سورة النور و بدأ الطبيب العمليه و انتهى منها و استغرب كثيرا لحال العالم بأنه لم يتوجع لانه وصل في ايمانه بكتاب الله لدرجه احنا ما نعرفهاش و عرف سر في السوره دي عشان كده اختارها بالذات فحكايات زي دي يمكن صعب عليك تصدقها بس بتحصل لكن زي الحكايات الي انت نقلتها مش عارفه مين هيصدقها !!!!!!! لازم الواحد يفكر شويه في كل حاجه يسمعها و يوزنها بعقله شويتين كمان

  99. posycat قال:
    يونيو 21st, 2008 at 21 يونيو 2008 8:27 م

    ازيك يا اكرم

    ادراجك تحفه

    بس المهم ان محدش يصدق الخرافات ديه

    وهنققول في الاخر ايه غير ربنا يهديهم

    تحياتي لك

  100. قمر كل يوم قال:
    ديسمبر 14th, 2008 at 14 ديسمبر 2008 9:33 ص

    الكلام الفارغ كتير قوي يا اكرم

    ونظرا لتطور العصر

    وانتشار الشبكة العنكبوتية

    بقت الرسايل اللي من نوع الحاج احمد بتيجي علي الايميلات

    واوعي مترسلش الايميل لكل الناس اللي عندك

    احسن وانت ماشي طوبة تنزل علي دماغك زي القضا المستعجل

    الدين كمل بوفاة الرسول الكريم -صلي الله عليه وسلم-

    وكل اللي بعد كده تخريف في تخريف

    الناس بتجري قدامنا واحنا لسه ماسكين في خرافات

    وشوية كلام فارغ لا بيودي ولا بيجيب غير تخلف عقلي وحضاري

    ادراج ساخر لكنه اصاب الصميم

    شكرا يا اكرم



اكتب تعليــقك
الإسم الذي سيظهر على التعليق
مشتركي مكتوب
اسم آخر

« لو الحب أندله وخلاك بهدله ..يبأه خلاص حتنزل المرااااااادي ..!!
أشهر الأمثال المصرية .. لو عندك مثل تعالى وارزعه !! »