المدونة التالية
كافة المدونات

 

لو الحب أندله وخلاك بهدله ..يبأه خلاص حتنزل المرااااااادي ..!!

كتبهاأكرم صبري ، في 10 أبريل 2008 الساعة: 17:33 م

لا مؤاخدة يا دعبس .. هى المرأة لسه مقهورة ومدبوحة ومتعلقه من رجلها.. ولا خلاص ده زمن وفات ..!!
أنا شايف يا اخوانا ان الست دلوقت عاملة زى القطر القشاش ومبأش فيه خلاص نموذج الست المقهورة ..نموذج ( أمينة) وبرده مبأش فيه نموذج ( سى السيد)
بيتهئلى احنا عاوزين نتكلم شوية عن حقوق الرجاله .. ونعمل لجنة تقصى حقائق علشان نعرف ..يا ترى الست بتضرب جوزها ليه ! يا ترى الست عاملة فيها الشحات مبروك فى البيت ليه ! .. والاهم الخيخة جوزها ده ساكت ليه ! تكنشى يا خويا مسكاله ذله ! .. متعرفش ايه النظام فى الليلة دي .
ويمكن فيه ناس بستغرب هو فيه رجاله بتنضرب .. واقوله اه والله فيه رجاله بتنضرب ومش بعيد يعملوللهم نقابة كمان لتعبر عن القهر والمعاناة بتاعتهم … وتعالى شوف يا عم الحج مثلا فى موقع نسائي شهير على الانترنت متخصص فى كل قضايا المرأة واحدة بتتكلم بتقول اسمها سلوى 35 سنة، بتقول ست سلوى ايه بالنص : ((زوجي يضربني غير أنني أرد الصاع صاعين، إلا أنه أقوى مني، أدافع عن نفسي بكل ما أجد مثل ملاكمين تتساوى الضربات، وفي الختام يضطر لإنهاء المباراة ))

 

طبعا احنا ضد ان الراجل يضرب الست الضرب الهبل ده لكن شفنا حالات من دي .. لكن الغريب باه ان الست بتضرب راجل .. بعدين ممكن واحد لا يتخيل مثلا ان ست تقف قدام عضلات راجل وترد له الضربة اتنين والشلوط شلوطين والقفا قفايين .وإن كان ده فعلا بيحصل… بس فيه نوع من الستات مش بيقدر يقف قدام الراجل وقوته .. فشوف بأه يا عم الحج علشان تحترس وتعرف ان كيدهن عظيم .. واحدة يا سيدى نفسها تطلع غلها فى جوزها وتشفى غليلها بس للاسف مش قادرة لا تديله شلوط ولا بونيه فى مناخيره .. قوم تعمل ايه ! .. تستنى الراجل لما ينام ويروح فى سابع نومة وتربط رجليه بالحبال وتكتفة فى السرير وتجيب عصاية أو خرزانة وتنزل ضرب فى جتتة جوزها اللى ممكن صريخة يصحى عمارة بحالها من كتر الالم .. بس على فكرة هى واعيه برده مهو حيصرخ ويعمل قلق..فعلشان ده ميحصلش فتقوم قبل ما تضربه تكمم فمه بفوطة ولا حتى ببلاستر علشان ميبأش خلاص ليه ديه .. !

 

واحدة تانية بتتكلم برومانسية وبرقة شديدة وبتعلن للكل انه رغم عنف زوجها ضدها بس هى مش بتقدر ترد العنف بالعنف وده لان اعصابها متتحملش انها تشوف قطة بتتعذب فما بالكم بأه وده جوزها ! .. طيب بتعملى ايه يا ست الرومانسية والحنية كلها ..فتحكى إنها بتحطله منوم فى الشاى ولما ينام ويفقد الوعى تنزل فيه ضرب بالشبشب مع كام قلم على كام قفاااااا وبكده تشفى غليلها وفى نفس الوقت ميتألمش قدامها لانها بصراحة مش بتستحمل تشوف حد بيتعذب قدامها .. يا سلام قلبها قلب خصاية !

 

طيب يا اخوانا .. هو اساسا يعنى المرأة بتحب العنف ولا دى فرة وجت للستات ! .. وانا شايف اساسا ان عنف الست ده ضد الراجل اساسه ان الراجل سايق البلطجة عليها .. يعنى يطلع غلبه وهمه فيها بالضرب فتلاقيها مجبرة انها تديله ومترحمهوش .. تقوللى ما هو كان زمان برده الراجل بيضرب الست ومكنتش بترد وكانت كافيه خيرها شرها .. اقولك الزمن اتغير والعنف بأه سمة المجتمع كله نتيجة حاجات كتير أوى .. والاهم من كده هو كسر الحاجز النفسى اللى بين الراجل والست .. اصل الراجل راجل والست ست .. لو كانت الست فى الخطوبة مثلا بتدى خطبها على قفاه .. تتوقع ازاى يكون مثلا معاملتها ليه بعد الجواز ! .. واذا كان البنت بتتطاول باللسان على خطيبها قبل الجواز حتى ولو كان بالهزار ازاى حتعاملة بعد الجواز ..
فالراجل المرمطون أو خيال المأته هو سبب المعاناه دى كلها ، الراجل اللى هو اصلا ملهوش كلمة فى بيته زى الريس حنفى بالضبط (( خلااااااااااااااص حتنزل المراااااااااادي)) بس على فكرة (( اعملى حسابك المرة الجاية لا يمكن تنزل ابدا ))

 

وفى نفس الوقت يا جماعة فيه رجاله فعلا اغبياء .. رجاله مش بيعرفوا يعاملوا الست ازاى .. الراجل هو اللى ممكن يعمل من الست (جوليت) وهو برده اللى ممكن يعمل من الست ( نادية مزلقان ) .. حتى ولو كانت الست دى بتقول ريان يا فجل وملهاش فى حاجه .. لكن عمر ابدا البلطجة ما تجيب حل .. فالعلاقة الزوجية مش ماتش بوكس ولا حلبة مصارعة .. ولو انت مش طايقها ولو هى مش طيقاك خلاص ننزل ستارة النهاية مع اغنية ( اودعك) وتخلص الحكاية ..لكن لو انت يا عم راضى بالبهدلة مش حلوم على الست وحقولك تعيش وتاخد غيرها !
((كيـــــــــــمو))

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : لو الحب أندله وخلاك بهدله ..يبأه خلاص حتنزل المرااااااادي ..!! | السمات:
أرسل الإدراج  |   دوّن الإدراج  

93 تعليق على “لو الحب أندله وخلاك بهدله ..يبأه خلاص حتنزل المرااااااادي ..!!”

  1. manaltahan قال:
    أبريل 10th, 2008 at 10 أبريل 2008 5:37 م

    الاولى

    يااكرم

    هيييييييييييييييييييييييه

    هاقرا وارجع

    تحياتى

  2. manaltahan قال:
    أبريل 10th, 2008 at 10 أبريل 2008 5:49 م

    ايه ده يا اكرم !!!!!!!!!!!!!!!

    مختلف مختلف

    بس العيب من الراجل انه بيخلى مراته تعمل فيه كده فين الراجل الشرقى الحمش

    اللى صوته يرج البيت وهو طالع

    رااااااحت ايام زمان

    وبرضه العيب ع المرأة وان كان الراجل ضعيف شويه فيها انها تحسسه بقوته مش (تركبه )

    يعنى العيب م الطرفين

    تحياتى ليك

  3. raeda_2008 قال:
    أبريل 10th, 2008 at 10 أبريل 2008 6:17 م

    أخي أكرم

    الحمد الله على السلامة

    يعني مافي ستات كثير بتستعل العنف الجسدي ضد الرجل

    بس الرجال في كثير بيضربوا الستات

    بس الرجل إلي نضرب شو وصلة لهلحالة يعني ملطشة

    بعدين إذا ضربة الست شو بتعمل في الناس برا البيت

    طبعا أنا ضد ضرب الستات فما بالك بضرب الرجال

    تحياتي أخي اكرم

  4. شهرزادwsn قال:
    أبريل 10th, 2008 at 10 أبريل 2008 6:29 م

    ياسلام

    انت قلت يوم الجمعة

    !!!!!!!!!!

    حمدلله على سلامتك اخوي

  5. طارق الغنام قال:
    أبريل 10th, 2008 at 10 أبريل 2008 6:55 م

    اخى الحبيب

    كنت حاكتب نسبة ضرب النساء للرجال فى مصر ولكن قلت بلاش لاحسن كرامتنا بقت فى الارض

    النساء اصبحوا مفتريات

    ورحم الله سى السيد

    تقبل تحياتى

    ودائما متألق

  6. dina seliman قال:
    أبريل 10th, 2008 at 10 أبريل 2008 6:55 م

    ههههههههههه

    ايو ايوه انا بحب الفلم ده اوى

    نورماندى تو

    ههههههههههه

    بس انت متعرفش المثل بتاع ضرب الحبيب

    ده دليل على الحب

    يعنى كل متحب اكتر تضرب اكتر

    ايه ده بس عندك حق شكلها وحش اوى وواحده بتضرب واحد

    وهو بيجرى قدمها حرمت النوبه

    لالالالالالا حرام ممكن تحطله سم فى الاكل وتخلص

    لكن تضربه حرا م مش منظر يعنى

    ههههههههههه

  7. إشراف شيراز قال:
    أبريل 10th, 2008 at 10 أبريل 2008 7:10 م

    ههههههههههههههه

    استأذنك كيمو ….قرات اليوم و بكره أعلق ……..ارجع لك بعد الفاصل

    اصل عقبالك رايحة فرح و ححكيلك مين ضرب مين من العروسين …..

    جمعه مباركة ……….انتظرني بعد الصلاة …..مودتي …………….

  8. طاهر الصوفانى قال:
    أبريل 10th, 2008 at 10 أبريل 2008 8:34 م

    ———–كيمو————–

    ههههههههههههههههه

    يعني لازم تفضحنا كده وعالملأ—– طيب يعني مانتا مسيرك تدخل العشه—-

    تلبس خيشه وتعمل عيشه وتقول حقي برقبتي-ههههههههههه

    وتغني بقي كان مالي ماكنت في حالي—- ولو حظك حلو تقول بردوا بالغني

    ياشبشب الهنا يارتني كنت انا؟

    اشوف فيك يوم

    هههههههههههههههههه

  9. yaanas قال:
    أبريل 10th, 2008 at 10 أبريل 2008 8:42 م

    صورة أبلغ من كل الكلمات ..

    وادراجك أكثر من رائع ..

    تقديرى واحترامى لك أخى أكرم

  10. ksad73 قال:
    أبريل 10th, 2008 at 10 أبريل 2008 9:14 م

    هههههههههههه ياعم اكرم جميل موضوعك و دمك فيه خفيف وظاهرة طبعا موجودة للاسف ياعم روح ربنا يوفقك دنتا مبدع بكل ادراج لك

    يقولك مره راجل قال لراجل عارف الست اللي ماشيه هناك دي بتضرب زوجها بالجزمة قال له الراجل الثاني من قال لك قاله ما انا زوجها …. تحياتي لك ياذوق وياراقي

  11. cinderella قال:
    أبريل 10th, 2008 at 10 أبريل 2008 9:36 م

    هههههههههههههههه

    خخخخخخخخخخخخخخ

    طيب فاكر فيلم انت حبيبي لما فريد الاطرش ضرب شاديه علقه وتاني يوم بتحكي لعبد المنعم ابراهيم انها مبسوطه لانه ضرب الحبيب زي اكل الزبيب فراح عبد السلام النابلسي ضربها قلم فقالت له ايه ده؟؟

    قالها زبيب

    قالت: دانا اللي هخلي ليلتك قراصيه

    ههههههههههههههههههههههههههه

    عندي موضوع زي ده اسمه تحرير الرجل

    هيعجبك قوي

    بس وحياتك مش برضه يستاهلوا الضرب

    بس كله كوم بقي واللي بتضرب بالبوكس والقفا والشلوت دي

    حاجه رقيقه خالص

    يا بني دي الواحده حتي ابوها لا يضربها تقوم تروح لراجل يضربها

    وهو كمن اكيد مامته كانت بتدي باباها بالقفا والشلوت فطلع عادي عنده

    يا راجل خليك ايزي موزو

    هههههههههه

  12. damas_2008 قال:
    أبريل 10th, 2008 at 10 أبريل 2008 10:21 م

    هههههههههههههههههههههه

    حلوه حلوه

    يلا ربنا يخللنا جملات

    اكيد هى وحى الموضوع ده

    هههههههههههههههه

    مقلتلك تاخد الجنيه تدهولها بدل البهدله والضرب ده

  13. maya قال:
    أبريل 10th, 2008 at 10 أبريل 2008 10:38 م

    الرجل الي بيضرب هوا عاوز كده…….مستمتع بالضرب

    ليا عوده

    مرور للسلام والتحية

  14. وجه حقيقي قال:
    أبريل 10th, 2008 at 10 أبريل 2008 10:54 م

    الموضوع يا أخ كريم مش بسيط وله زوايا كتير قوي

    صحيح سي السيد اختفي لكن جه مكانه التفاهم والمشاركة والاحترام ولما دول بيختفوا بيظهر العجز والضعف والخنوع…وينعكس ده في ضرب في اضطهاد وهكذا….

    ولما بقت الدنيا ملخبطة وفي ناس بتتجوز علشان فلوس مراته أو مركزها وتكون هي اللي جايبة الفيلا والترقية والشاليه بتاع مارينا….فطبعا الزوج مستعد ينضرب في البيت بدل ما ينضرب في طابور العيش…

    وفيه أسباب كتير تخسر العلاقة وتخليها شلاليت وأقلام بدل حب وزهور

    تحياتي

  15. lanahiary قال:
    أبريل 10th, 2008 at 10 أبريل 2008 10:59 م

    تعرف يا أكرم….ما أظنش الست اللي بتضرب حتكون راضية وسعيدة إلا إذا فيه إختلال نفسي عندها( وهي دي الحالة في الغالب عند اللي بيلجأو للضرب)

    ما أظنش تكون مبسوطة لأن المرأة دايماً بتشبه الزواج على أنه الدخول في ظل الرجل..والسكون إليه..ولما يكون( غير محقق للطموح )على المستوى النفسي تحس إنها هيه اللي لازم تقوم بدور الإحاطة ده فيقوم علامها المتواضع أو تفكيرها المحدود بتصوير الدور دَ بالضرب…

    قلقي يا أكرم هو على جيل ينتج من هكذا جو ..ومن هكذا أسرة…لقد رأيت عدة نماذج أسرية للمرأة المتنمرة أو المسيطرة كان الأبناء الذكور فيها دائماً ضعاف الشخصية..والبنات منحرفات عن جادة الصواب….

    نقول إييييه…إنا لله!!!

  16. غالية قال:
    أبريل 10th, 2008 at 10 أبريل 2008 10:59 م

    غزة تحتضر تحت الحصار

    رجاء لنسخر اقلامنا

    لدعم غزة…لان القلم امانة ورسالة

    تحياتي

    ……………………..

    شكرا لانك امتعتنا واضحكتنا وافدتنا

    العنف اصبح سمة العصر…والرسول صلى الله عليه وسلم يقول…ولن يضرب خياركم

    خير الناس من يترفق بزوجته

    أما عن ضرب الزوجات للازواج…فمرده الاكيد هو ضعف شخصية الزوج…كما اشرت

    الحل الواقعي…حكم دولي لا يقبل الرشاوي….لتحديد الفائز في كل معركة بيتية…هههه

    الحل مزيد من العلم والوعي والالتزام باداب المعاملة الاسلامية…وكثير من التفهم للاخر

    تحياتي

  17. شهرزادwsn قال:
    أبريل 11th, 2008 at 11 أبريل 2008 3:07 ص

    صباح الخير

    انا ما فهمت شي من الموضوع أندلة و مرااادي

    بس المهم

    انا أحب أحيي و أشجع هالحريم

    و اقولهم تسلم يدكم

    حيلكم فيهم أكثر و أكثر

    و الله بعضكم يالرجال يستاهل الضرب

    أغلبكم ينطبق عليه المثل ( شين وقوي عين )

    مادام هذا الرجال برزالته قدر يحول المرة الرقيقة بالفطرة إلى امرأة متوحشة تضرب

    فيستاهل ما يجيه

    يعني أنتوا تتعاملون مع هذه الظاهرة أنها فعل و ما فكرتوا أنها ممكن تكون مجرد رد فعل

    لضرب و قهر و خذلان الرجال

    و تبون سي السيد يرجع من حلاة سي السيد النسخة العربية الأصلية ذات الوجهين

    أصلا ً سي السيد هو اللي سببب هذه المشكلة

    و الواحد اذا يبي يحل مشكلة لازم ينظر لمسبباتها

    و العتب مش عليه العتب على ست أمينة

    و لاحظوا الحريم أغلبهم اللي تنتظره ينام أو اللي تخدره

    يعني هي مش عنيفة أساسا ً و ما عندها مقدرة على العنف

    لكن هذه المرأة تحركها روح الأنتقام و هذه الروح مسيطرة

    ***

    أنا ما أأيد هذا العنف أنا أشفق على من تغيرها الحياة لتصبح كذا

    و حاول أفهمها و أقف في موقفها

    و الله بعض الرجال من الرزالة و الجبروت و العته و الدناءة و اللامبالاة

    ودك بعد تقتلهم هههههههههههه

    و أنا أقول للحريم المسكينات اللي تحولت طبيعتهم للقسوة و الضرب و العنف

    بقولهم العنوان اللي مش فاهمه 3\4 كلامة :

    لو الحب أندله وخلاك بهدله ..يبأه خلاص لا تسمحي لشيء أنه يغير طبيعتك و دعي عنك التفكير انك مضطرة لعيش حياة لاتكونين فيها انتي

    ***

    مشكور أخوي أكرم

    و على فكرة انت قلت الحل في آخر الأدراج

    و انتبه أنت أبتعطي بهالأدراج كثير من الأفكار هههههه

    للحريم المتحولات

    يالله سلاااااااااام

  18. حسن محمد توفيق قال:
    أبريل 11th, 2008 at 11 أبريل 2008 7:23 ص

    استاذنا الفاضل

    اكرم

    مرور للتحية والتعريف بمدونتى الجديدة والتى اتمنى ان نتواصل من خلالها

    http://elbayomy.jeeran.com

    http://elbayomy.blogspot.com

    لان مدونتى فى مكتوب والتى اعلق منها الان لانكم تمنعون التعليقات من غير مكتوب

    قاصرة على الزملاء فى العمل

    اسرة الاعلام التربوى او الصحافة المدرسية ..واكيد سوف اعود للارتواء من

    نهر معرفتكم .. تحياتى وفى انتظاركم

  19. raeda_2008 قال:
    أبريل 11th, 2008 at 11 أبريل 2008 7:34 ص

    عمل مقبول وذنب مغفور

    جمعة مباركة

  20. trust76 قال:
    أبريل 11th, 2008 at 11 أبريل 2008 8:13 ص

    اسمع يا كايدهم…هو لما ينفقد الاحترام بين الراجل والست حتتوقع ايه…والراجل لما ينزل ضرب في مراته عمال على بطال تتوقع منها ايه..؟؟؟يا سيدي صارت الدنيا والعياذبالله سلطة…لا فيه احترام للقائم في البيت ولا فيه عطف على الضعيف..الدنيا شوربة والعياذ بالله…الله يصلح النفوس…بعدين تعال قلي ياللاااااا؟؟؟انت متجوز عشان تعرف الحاجات دي؟؟؟اوعى تكون زي الرجالة اللي فوق؟؟؟اعطف عليها يا ابن الحلال وهي حتحطك في نن عنيها

    جمعة مباركة

  21. أكرم صبري قال:
    أبريل 11th, 2008 at 11 أبريل 2008 9:47 ص

    سومااااااااااااااا

    هو مفيش حد عموما بيتركب إلا ولو كان عنده قابلية للركب

    فلا نلوم علىالراكب ونلوم على المركوب ..

    وديما انتى الاولى فى كل توبيك

    وده شرف بصراحة

    لقهوة جملات .

  22. أكرم صبري قال:
    أبريل 11th, 2008 at 11 أبريل 2008 9:48 ص

    أم ليث

    هى فعلا مش ظاهرة منتشرة بينن الستات

    لكنها على كل الاحوال ظارهرة موجودة

    وغريبة

    والله يسلمك يا ست الحاجه .

  23. أكرم صبري قال:
    أبريل 11th, 2008 at 11 أبريل 2008 9:50 ص

    طارق باشا ..

    هههههههههههه بلاش نسب وخلى الطابق مستور

    بلاش فضايح

  24. أكرم صبري قال:
    أبريل 11th, 2008 at 11 أبريل 2008 9:51 ص

    , dina seliman

    أى خدمة يا دينا

    خليتك تشوفى الفيلم اهوووووو اللى بتحبيه

    بس ايه حكاية ضرب الحبيب

    هو الحب بالضرب الايام دي

    اهىء اهىءء اهىء

  25. أكرم صبري قال:
    أبريل 11th, 2008 at 11 أبريل 2008 9:53 ص

    إشراف شيراز

    منتظرك

    بس بلاش تروح عليك نومة ههههههههههههه

    اصل انا عارفك نومة تقيل شوية

  26. أكرم صبري قال:
    أبريل 11th, 2008 at 11 أبريل 2008 9:54 ص

    طاهر الصوفانى

    ههههههههههههههههههه

    لا يا عم

    دول رجالة خيخة مش احنا

    احنا فى المنطقة الدافئة يا عم طاهر

    لاتقلق

  27. أكرم صبري قال:
    أبريل 11th, 2008 at 11 أبريل 2008 10:07 ص

    يحيى

    الله يخليك يا بوب

    وبالتوفيق فى الامتحانات يا مان

    عاوزين نشرب بأه الساقع

  28. أكرم صبري قال:
    أبريل 11th, 2008 at 11 أبريل 2008 10:10 ص

    رومانسي بجنون

    هههههههههههههههههههه حلوة الحكاية دي

    بس تلاقيه رافع شعار ضرب الحبيب زى أكل الزبيب

  29. أكرم صبري قال:
    أبريل 11th, 2008 at 11 أبريل 2008 10:11 ص

    cinderella

    حتعملى موضوع اسمه تحرير الراجل

    ههههههه روحى يا شيخة ربنا يسترك

    لا وبينى وبينك فعلا يستاهلو

    دول عينة من الرجاة عاوزه الحرق

  30. أكرم صبري قال:
    أبريل 11th, 2008 at 11 أبريل 2008 10:14 ص

    damas

    جنيه ايه يا يت يا دامش

    انتى لسه مجنبيش به عيش

    يله يا بت بسرعة قبل ما الفرن يشطب

  31. أكرم صبري قال:
    أبريل 11th, 2008 at 11 أبريل 2008 10:16 ص

    maya naser

    اه يا مايا

    تلاقيه متكيف اوى من الكام شبشب

    ده

    يله

    انا مديهم بس لقب رجاله كده

  32. أكرم صبري قال:
    أبريل 11th, 2008 at 11 أبريل 2008 10:18 ص

    وجه حقيقي

    أنا معاك يا مان فى تحليلك

    والبيوت للأسف دلوقت مفيهاش اى تفاهم

    وبعدين الست فى ده غالبا ما بتكون رد فعل

    لممارسات سيئة من الراجل

  33. أكرم صبري قال:
    أبريل 11th, 2008 at 11 أبريل 2008 10:19 ص

    لانا الحياري

    انت وضعتى يدك على نقطة مهمة فعلا نسيت احطها فى الادراج

    ان الست بطبعها بتحب الراجل القوى

    فهى اكيد مش مبسوطة بهدلة الراجل دى

    واكيد وهى بتضربه

    فقد عندها الاحترام

  34. أكرم صبري قال:
    أبريل 11th, 2008 at 11 أبريل 2008 10:20 ص

    غالية

    حلوة حكاية الحكم الدولى دى

    بس تضمنى منين انه مش حياخد رشاوى دي

  35. أكرم صبري قال:
    أبريل 11th, 2008 at 11 أبريل 2008 10:21 ص

    شهر زاد

    أا معاكى فى حكاية ان الست رد فعل للأحداث

    وده انا وضحته بالتوبيك على فكرة

    وقولت ان الراجل المضروب بيكون اولا جاني قبل ما يكون مجنى عليه

    اشكرك يا شهر زاد

    ومعلش على المصطلحات المصرية اللى ممكن تكون صعبة عليكى شوية

    ——-

  36. أكرم صبري قال:
    أبريل 11th, 2008 at 11 أبريل 2008 10:23 ص

    أ. حسن توفيق

    اشكرك للتنبيه

  37. أكرم صبري قال:
    أبريل 11th, 2008 at 11 أبريل 2008 10:24 ص

    ثقة

    هههههههههههههههه

    لا ياختى انا اساسا متجوزتش

    ومش زى دول خالص

    متقلقيش على كيمو يا ثقة

    نحن نختلف عن الاخرين

  38. منى محمد(نـــــوتــــيلا) قال:
    أبريل 11th, 2008 at 11 أبريل 2008 12:05 م

    كيمو ايه دا

    هو في ست بتضرب راجل دا كلام ياكيمو

    معقوله بس

    طيب بذمتك دي تسميها ست ولا تسمي الي بيضرب الست راجل

    ابدا ابدا ياكيمو دي لاهي ست ولا انثى ولا هو راجل

    وانا متأكده جدا انك موافقني

    تعرف ياكيمو انا عندي تصنيفات

    في امراة

    وفي ست

    وفي حرمة

    وفي انثى :))

    والصنف الخشن

    في راجل

    وفي واحد

    وفي ولا ضل حيطة

    وفي اهو اسمو راجل

    وفي واحد ذكر

    ههههههههههه

    حلو الكلام ياكيمو انا ضد وحافضل ضد الحركات الصبيانية الي يعملوها المتزوجين

    بصراحة اذا مابيعرفوش يتجوزو يفضلو في بيوتهم احسن كل واحد لحال سبيلو

    سلالالالالالالالام

  39. هيثم ابوخليل قال:
    أبريل 11th, 2008 at 11 أبريل 2008 12:11 م

    يا عم كيمو …………

    واضح إنك متعور قصدي متجوز زينا …؟؟؟

  40. طاهر الصوفانى قال:
    أبريل 11th, 2008 at 11 أبريل 2008 12:58 م

    اكرم العسول

    السلام عليكم ورحمه الله وبركاته

    جمعه مباركه يارب عليكم

    وعلي كل المسلمين

    والموحدين

    دومتم بخير لي عوده للتعليق

  41. * * وفاء اليونانى * * قال:
    أبريل 11th, 2008 at 11 أبريل 2008 2:18 م

    عزيزى اكرم

    بلاش الشمكلات المشكلات دى خليك عاقل

    انت عارف الستات اللى بتضرب الرجاله اليومين دول خاف منى يا اكرم

    علشان تحترس وتعرف ان كيدهن عظيم

  42. نيفين عمر قال:
    أبريل 11th, 2008 at 11 أبريل 2008 3:17 م

    هو موضوع مؤلم بالفعل

    لكنك تناولته بمرح واضفيت عليه بهجة وسخرية لاذعه بإسلوبك الجميل

    بصراحه انا اعتبر الضرب ده عنوان للضعف من الرجل بالذات

    لكن لو الرجل ضرب مراته لازم تضربه هيه كمان

    اشمعنى هيه بس اللى تتهان وتسكت ؟؟

    ولا علشان ست يعنى !!!!

    موضوعك جميل جدا

    تقبل تحياتى

  43. فاطمه عبابنه قال:
    أبريل 11th, 2008 at 11 أبريل 2008 3:32 م

    الاخ اكرم

    الحياة الزوجيه هي مؤسسه انبنت على مبدأ المحبه والالفه والتفاهم ,,,لا على مبدأ البلطجه والقسوه وغير ذلك,,؟؟

    قدوتنا هنا رسول الله واصحابه ,,, وكيفية بناء الاسره الصالحه.

    بصراحه الحياه التي تبدأ بالمشاكل والضرب لن تكون تلك الحياة التي نتمناها لانشاء عش الزوجيه السعيد الذي تتمناة كل فتاه ؟؟؟

    الرجل الذي يضرب زوجته لا يستحق الاحترام…والزوجه التي تتطاول على زوجها لا تستحق الحب؟؟؟

    كل الاحترام

  44. ksad73 قال:
    أبريل 11th, 2008 at 11 أبريل 2008 4:21 م

    اخي العزيز على قلبي ….. أكرم …. تحية عطرة مباركة لك

    مرور لالقاء السلام عليك ومرور محبة وتقدير واحترام لصاحب القلم الجميل وصاحب القلم الرائع وربي يحفظك ويوفقك

  45. mona sawy قال:
    أبريل 11th, 2008 at 11 أبريل 2008 5:26 م

    **..شوف يا كيمو

    ..باختصار ومن غير فذلكه…ي ما فيه راجل مفتري..فيه نسوان مفتريه..

    ..و الدليل..ان اللي اخترع تعبئة الجثث فى اكياس الزباله ..واحده ست..

    ..و لعلمك الست المفتريه اصعب من الراجل بكتتتتتتتتييييير..

    .. و أضف الى معلوماتك..الراجل لو ضرب ست يقولوا عليه مستقوي و يبهدلوه

    ..و الست لو ضربت راجل ..يقولوا عليه هايف و يقطعوه..

    …يبقى مين الأقوى يا فصيح.؟؟؟؟؟؟؟؟؟

    .

  46. زهرة النسرين قال:
    أبريل 11th, 2008 at 11 أبريل 2008 6:47 م

    أيه يا سي كيمو …

    انت متحامل على الستات كده ليه …

    يكون في علمك ان نموذج الست امينة لا يزال موجودا ..ولا تزال المراة في اماكن كثيرة مقهورة ومظلومة …ويمارس ضدها كل انواع الارهاب الجسدي او الفكري او النفسي …

    والراجل اللي ايمد ايده على مراته يستاهل ياخد بالجزمة على نفوخو ..لانه يتشطر على وحدة ست لو كان راجل كان طلع رجولته برا البيت …

    واحدة تانية بتتكلم برومانسية وبرقة شديدة وبتعلن للكل انه رغم عنف زوجها ضدها بس هى مش بتقدر ترد العنف بالعنف وده لان اعصابها متتحملش انها تشوف قطة بتتعذب فما بالكم بأه وده جوزها ! .. طيب بتعملى ايه يا ست الرومانسية والحنية كلها ..فتحكى إنها بتحطله منوم فى الشاى ولما ينام ويفقد الوعى تنزل فيه ضرب بالشبشب مع كام قلم على كام قفاااااا وبكده تشفى غليلها وفى نفس الوقت ميتألمش قدامها لانها بصراحة مش بتستحمل تشوف حد بيتعذب قدامها .. يا سلام قلبها قلب خصاية !

    ههههههههههههههههههههههه

    فكرة هايلة والله ….

    أسلوبك رائع كالعادة اخي كريم …

    سعدت بالقراءة لك …

    تحياتي واحترامي …

  47. yes 4ever قال:
    أبريل 11th, 2008 at 11 أبريل 2008 11:33 م

    يا عم كيمو

    انتو مش عاجبكم حاجه ابدا ؟

    يعني لو الست طلعت غلها ف الراجل وكتفته وقتلته وقطعته حتت وعبته ف اكايس ونزلت ولفت ف الشوارع ف انصاص الليالي عشان توزعه علي الفقرا والمساكين من كلاب الليل تزعلوا

    ولو كتفته وضربته تزعلوا

    ولو ادته منوم عشان مايحسش بيها وهي بتضربه تزعلوا

    ولو ردت له الضربه بضربه والشلوط بشلوط برضه تزعلوا

    خلاص بلاش تتجوزا خالص وريحوا نفسكم بقي

    اشطه عليك

    yes4ever

  48. علا بركات قال:
    أبريل 11th, 2008 at 11 أبريل 2008 11:37 م

    كيمو افندي

    الزمن اتغير يا عم

    وزمان كانت الست قاعده ف البيت مستنيه راجل يصرف عليها ويضلل عليها احسن من الحيطه بشويه وكانت بتتعامل معاه بنفس منطق الحيطه يعني هو ولامؤاخذه حيطه مهما عمل ماتقدرش ترد لانها بكده تكون بتضرب راسها ف الحيطه

    دلوقتي خلاص بقت زيها زيه بتشتغل زيه ومش محتاجه منه ضرب ولا قسوه لانها ممكن تصرف علي نفسها وعليه كمان او علي ابسط الظروف هو اللي محتاج مرتبها عشان يعرف يكمل الشهر ويعيش

    صح يا معلم

    تحياتي

    علا بركات

  49. yaanas قال:
    أبريل 12th, 2008 at 12 أبريل 2008 12:16 ص

    امتحنات مين يا حج ؟

    وهو فيه امتحانات دلوقتى؟

    متصحح معايا أمال ؟

    كنت بقول مشغول بالدراسة يا بشبوش

  50. Linda قال:
    أبريل 12th, 2008 at 12 أبريل 2008 4:29 ص

    صبـــــــــــــاح الخير

    عزيزي أكرم…

    أولا…

    الزمن هلق غير قبل…قبل كان الرجل يصرف عالبيت من كل النواحي…يتحمل مسؤوليه..

    يجيب ويودي الولاد….والمرأه سواءبالتعليم أو العمل كانت أقل من هلق بكتتتتتير….هلق عزيزي كل شي اختلف

    ظروف الحياه أرغمت ال2 عالشغل…المرأه بتساعد زوجها خارج المنزل…

    ثانيا

    يا أكرم الرجل الي بيتشطار ع مرأه هاد ليس رجل …وكمان لنفرض انها ضربتو قدام الكام

    بوكس الي أخدتو منو…ماهو ياأكرم في شي اسمو ردت فعل…

    حتى لو ضربتو شو ضربها رح يكون كأنها بتلمس عليه…مقابل البوكسات الي أخدتو منو..

    وكمان أكرم لا تنسى الرجل لا يرضى انو يذل زوجتو…هاد الرجل العادي ما بالك الرجل المسلم….

    طبعا أنا ضد المرأه تضرب الرجل لأنك متل ما قلت الرجل الي بينضرب مو رجال..بس ما تنسى الي بيضرب مرأه كمان مو رجال …

    ثالثا يا أكرم وهاد الأهم

    زمان لما كانت المرأه تسكت عن ضرب الرجل..تحسب حساب وين بدها تروح هي وولادها

    لأن الرجل كان هو المعيل المادي الوحيد للأسره….وكمان تحسب حساب نظره المجتمع لها…

    هلق الوضع اختلف…صار في توعيه…صار في انفتاح أكثر

    نسبه المرأه التعلمه زادت, نسبه المرأه العامله كمان زادت….

    أسعدني تواجدي هنا

    دمت بود

  51. حادي العيس قال:
    أبريل 12th, 2008 at 12 أبريل 2008 8:39 ص

    اخي اكرم : اتمنى لك السمو والارتقاء ,,,,

    للشعر والبيان في قلبك مكان ,,,

    دام التألق والابداع ,,,

    ارجو التواصل ,,,

    جديدي بانتظار بصماتك ,,,

    تحياتي لك

  52. ليالي و حنان قال:
    أبريل 12th, 2008 at 12 أبريل 2008 11:19 ص

    :

    تحية طيبة

    يارب يرجع الميه لمجاريها ، و ترجع الفطرة السليمة لأنفسنا

    ” و ما خلق الذكر و الأنثى @ إن سعيكم لشتى ”

  53. Wahdah Wahedah قال:
    أبريل 12th, 2008 at 12 أبريل 2008 3:08 م

    سى الأستاذ أكرم

    إيه يا عم

    انت بتطفشهم واللا إيه

    يا عم سيب بنات حوا يسترزقوا الاول وبعدين ابقى وضح نظريتك عن المرأه المفتريه

    ههههههههههههههههه

    انت مش ملاحظ ان نص معلقينك آنسات

    ولا مؤاخذه …. عزاب برده

    اسمحلى بقى أختلف مع الأخت لانا

    وأقولك إن الست بتحب الراجل اللى يحسسها أنها واحده

    وانه بسببها هى وبسبب انها واحده ست…. هو راجل

    من الاختلاف

    من التعامل

    ممكن الراجل ببساطه شديده يبقى سى السيد

    والسبع

    وأبو سريع

    وكل الألقاب اللى تشرح قلب الراجل دى …..

    بس….. لو احتوى الست

    والسلام ختام يا جميل

    وسلملى على جملات

    وخليها تتوصى بيك

    وايوا جااااااااااااااااااااى

  54. ريما الشيخ قال:
    أبريل 12th, 2008 at 12 أبريل 2008 9:37 م

    مهضوم كتير يا اكرم

    بجد ضحكت من كل قلبي

    طبعا العنف ما بيجيب الا عنف

    وفي عبارة قلتها هي الحقيقة كلها: الراجل هو اللى ممكن يعمل من الست (جوليت) وهو برده اللى ممكن يعمل من الست ( نادية مزلقان )

    يعني انا ما بعرف مين نادية مزلقان

    بس المعنى واضح

    هيدي اول مرّة ازور فيها مدونتك

    لكن اكيد مش آخر مرّة

    امنياتي لك بمزيد من النجاح والتوفيق

  55. شموخ المشاعر قال:
    أبريل 12th, 2008 at 12 أبريل 2008 10:34 م

    هههههههههههههههههههههه

    أش هذا ياعم كيمووووووو

    عنجد مت ضحك من أسلوبك الممتع

    تسلم الآيادي سأتابع ما ينثره قلمك

    دمت متألقا

    تحية وتقدير من شموخ المشاعر

  56. سمير الشرقاوى قال:
    أبريل 12th, 2008 at 12 أبريل 2008 10:34 م

    ههههههههههههههههههههههه

    بجد موضوع رائع جدا

    وباسلوب احييك علية

    الحمد لله عندنا لسة مش شوفت الست اللى تضرب راجل طبعا لاننا ولاد عم الصعايدة بس من الاخر الراجل المصرى مش بنيضرب بقول الراجل افهموا كلامى اما اللى ينضرب ممكن تقول علية اى لقب تانى غير راجل مصرى على فكرة افتكر ان برنامج 90 دقيقة ناقش الموضوع دة وكان مستضيف راجل اتاكل ضرب ربنا ما يورية لحد

    بجد موضوع الضرب سواء للست او للراجل غير مقبول تماما باى حالة من الحالات

    مدونة جميلة لى فيها زيارات كثيرة ان شاء الله يا اكرم

  57. كامل النصيرات قال:
    أبريل 12th, 2008 at 12 أبريل 2008 11:22 م

    صباح الخير…..

    دام الابداع

    دام التجلي

    تحياتي

  58. سوما حسونه قال:
    أبريل 12th, 2008 at 12 أبريل 2008 11:26 م

    ليا انا الشرف طبعا يا كيمووو

    دى مدونتى يا راجل

    تحياتى ليك وان شا ءالله تكون كويس يارب

  59. سوما حسونه قال:
    أبريل 12th, 2008 at 12 أبريل 2008 11:28 م

    نسيت اقولك صحيح

    ميرسىىىىىىى اوووووووووووووى

    ع التنويه اللى عمله لمدونتى ده

    تحياتى ليك

  60. أكرم صبري قال:
    أبريل 13th, 2008 at 13 أبريل 2008 1:06 ص

    منى (نـــــوتــــيلا)

    شفتى ازاى يا موني لما قولتى افتح يا سمسم المدونة اشتغلت علطول

    وطبعا اوافقك يا مونى فعلا لا هى ست ولا هو راجل

    وربنا يصلح الحال.

  61. أكرم صبري قال:
    أبريل 13th, 2008 at 13 أبريل 2008 1:07 ص

    هيثم ابوخليل

    هههههههههههه

    لا يا باشا مهندس

    لسه متعورتش

    امممممممممممم

    اقصد متجوزتش

  62. أكرم صبري قال:
    أبريل 13th, 2008 at 13 أبريل 2008 1:09 ص

    طاهر الصوفانى

    وعليكم السلام ورحمة الله وبركاته

    وكل جمعه وانت طيب يا مان

  63. أكرم صبري قال:
    أبريل 13th, 2008 at 13 أبريل 2008 1:11 ص

    * * وفاء اليونانى *

    لا يا وفاء اخاف منك ليه

    انتى قطة خالص

    لاليكى فى الضرب ولا بتاع

    مدونتك بتقول كده ههههههه

  64. أكرم صبري قال:
    أبريل 13th, 2008 at 13 أبريل 2008 1:12 ص

    نيفين عمر

    لله يخليكى يا نوفى

    بس الراجل حيضرب

    والست حتضرب

    ايه ذنب العيال اللى فى النص

    وتتوقعى كده

    حيكون سلوكهم لما يكبروا حيكون عامل ازاي!

  65. أكرم صبري قال:
    أبريل 13th, 2008 at 13 أبريل 2008 1:13 ص

    فاطمه عبابنه

    أستاذة فاطمة

    فعلا القدوة فى كل شىء رسولنا الكريم صلى الله عليه وسلم

    ولو رجعنا لسنته حنعرف ازاى تكون المعاملة الزوجية الراقية

    شكرا يا فاطمة على مرورك .

  66. أكرم صبري قال:
    أبريل 13th, 2008 at 13 أبريل 2008 1:15 ص

    mona sawy

    هى مش مسالة مين الاقوى

    فيه راجل مثلا تلاقيه احن من عشر ستات

    وفيه ستات قلوبها حجر

    المسألة ..

    ان فيه عالم مش فاهمة يعنى ايه

    حب

    ولا جواز

    ولا عشرة

    بس كده .

  67. أكرم صبري قال:
    أبريل 13th, 2008 at 13 أبريل 2008 1:25 ص

    زهرة النسرين

    لا زهورتى مش متحامل على الستات ولا حاجه

    بالعكس ده أنا حبيب المرأة

    وعلشان كده عاوز أخلصكم من القلة المندسة وسطكم وعاملين فيها ستات

    شفتى بأه

    أى خدمة

  68. أكرم صبري قال:
    أبريل 13th, 2008 at 13 أبريل 2008 1:27 ص

    yes 4ever

    طب ودى تيجى

    متجوزش ازاى بس

    اهىء اهىء اهىء

    ده احنا بنموت فيكوا يا بنتي

    معلش بأه

    ضرب الحبيب

  69. أكرم صبري قال:
    أبريل 13th, 2008 at 13 أبريل 2008 1:30 ص

    علا بركات

    يا علا انتى بتعصى الستات علينا ولا ايه

    لالا كده انا والرجاله بأه حنعمل حملة مضادة

    ومكثفة

    هههههههههه

    خلى بالك .

  70. أكرم صبري قال:
    أبريل 13th, 2008 at 13 أبريل 2008 1:35 ص

    يحيى

    دراسة

    أو

    امتحانات

    كله بيطلع فى الغسيل

  71. أكرم صبري قال:
    أبريل 13th, 2008 at 13 أبريل 2008 1:38 ص

    Linda

    اسعدنى مرورك وتعليقك فعلا ..

    بس القضية انا شايفها مش مسالة الست بأه متعملة وكده ولا بتغل علشان تكون راسها براس الراجل

    القضية ان الست لو حست ان راجلها مد ايده عليها ببلطجة

    يبأه خلاص ليها ناس يجبلها حقها من غير ما تورط نفسها فى اى عنف

  72. أكرم صبري قال:
    أبريل 13th, 2008 at 13 أبريل 2008 1:40 ص

    حادى العيس

    أشكرك للزيارة

    وان شاء الله على تواصل

  73. أكرم صبري قال:
    أبريل 13th, 2008 at 13 أبريل 2008 1:44 ص

    ليالي و حنان

    اقول

    اللهم امين ..

    وكلنا نتمنى كده فعلا .

  74. أكرم صبري قال:
    أبريل 13th, 2008 at 13 أبريل 2008 1:45 ص

    Wahdah Wahedah

    مروة ..

    لالا مقدرش اطفشهم طبعا

    دول هما اللى مشغلين المدونة ههههههههههه

    بس يا بت يا مروة بحاول أعمل انقى صفوفكم من الدخلاء

  75. أكرم صبري قال:
    أبريل 13th, 2008 at 13 أبريل 2008 1:46 ص

    ريما الشيخ

    مرحب بيكى يا ريما فى اول زيارة

    وفعلا الراجل بايده يغير حاجت كتيرة فى الست

    بس المهم

    يكون راجل .

  76. أكرم صبري قال:
    أبريل 13th, 2008 at 13 أبريل 2008 1:50 ص

    شموخ المشاعر

    يا مرحب بأهل السعودية

    ويسعدنى طبعا متابعتك

    لكل جديد عندي

  77. أكرم صبري قال:
    أبريل 13th, 2008 at 13 أبريل 2008 1:55 ص

    سمير الشرقاوى

    باشاااااااااااا

    طبعا هو اللى بنضرب من مراته

    ده اساسا راجل

    وتعسدنى متابعتك يا باشا

  78. أكرم صبري قال:
    أبريل 13th, 2008 at 13 أبريل 2008 1:58 ص

    كامل النصيرات

    شكرا يا استاذ كامل

    ودمت بخير

  79. أكرم صبري قال:
    أبريل 13th, 2008 at 13 أبريل 2008 1:59 ص

    سوما حسونه

    على ايه الشكر يا بنتى

    دى حاجه بسيطة

    مع الناس اللى كلنا بنحبهم

    ونعزهم

    هنا فى مكتوب .

  80. شهرزادwsn قال:
    أبريل 13th, 2008 at 13 أبريل 2008 2:11 ص

    سلام و صباح الخير

    شوف أخوي أكرم

    أنا أقول لك حكمتي الخاصة عن المتزوجين

    ( لا تطاوع المتزوجين أبدا ً أبدا ً أبدا ً أبدا ً )

    يعني تقوم حرب , تشب حريقة ,

    خلك بعيد عنهم

    هم بكيفهم

    و كل يوم لهم حال

    و هم عارفين لبعض

    و هذي كلها حركات تغطية بس

    و لا تصدق الحريم هههههههه طول حياتك

  81. أريج الكلمات قال:
    أبريل 13th, 2008 at 13 أبريل 2008 8:47 ص

    صباحك عطر وورد

    كتبت كلماتى فى المدونة وبزيارتك العطرة تكتسب الكلمات الأريج

    دعوة لمباركة مدونتى الوليدة

  82. أكرم صبري قال:
    أبريل 13th, 2008 at 13 أبريل 2008 10:48 م

    شهر زاد ..

    يا بت الجواز حلو

    متقلقيش

    بس المهم

    متنسيش شهادة الضمان

  83. أكرم صبري قال:
    أبريل 13th, 2008 at 13 أبريل 2008 11:04 م

    أريج

    إن شاء الله لى زيارة عندك قريبا

  84. farkasha قال:
    أبريل 14th, 2008 at 14 أبريل 2008 12:06 م

    الاستاذ اكرم

    عاشقة الورد

    تحية معطرة بالورود

    نحيط سيادتكم علما انه تم اغلاق مدونتى farkasha بالضبة والمفتاح !!

    لا اراكم الله مكروها فى عزيز لديكم !!

    وهذا هو عنوان مدونتى الجديدة http://farkasha.maktoobblog.com/ - برضة !!!!

    تحياتى

  85. أريج الكلمات قال:
    أبريل 14th, 2008 at 14 أبريل 2008 3:01 م

    أستاذ أكرم

    أسلوبك أكثر من رائع لكن بالشكل ده انت هتخلينى أعيد تفكيري وأنا داخل على دور جواز

    ربنا يسترها معانا

    لكن قل لى انت ومتجوز ولا لأ يا كيمو؟؟؟!!!

  86. أكرم صبري قال:
    أبريل 14th, 2008 at 14 أبريل 2008 3:22 م

    أريج باشا

    لا يا بنى روح اتجوز الجواز حلو برده

    وفيه ستات ملائكة

    بس انت بس ربنا يوفقك وتختار صح

    انا لسه يا عم متجوزتش

    دعواتك معايا بأه

  87. شهرزادwsn قال:
    أبريل 14th, 2008 at 14 أبريل 2008 7:26 م

    سلام عليك

    يالله أخوي أكرم

    خذ لك كباية شاي

    و أكتب لنا إدراج جديد

    أحترامي لك

  88. أكرم صبري قال:
    أبريل 14th, 2008 at 14 أبريل 2008 7:39 م

    شهر زاد ..

    الادراج الجديد حاضر عندى دائما فى المدونة كمسودة ..

    وتشجيعك الدائم لي

    إن شاء الله يكون دافع ان انزله قريبا

  89. شهرزادwsn قال:
    أبريل 14th, 2008 at 14 أبريل 2008 8:18 م

    الادراج الجديد حاضر عندى دائما فى المدونة كمسودة ..

    ** **

    يعني غلاسه كده

    موجود و ما اراح أنزله الحين

    طيب امرنا لله

    ندفع و ننتظر

    هههههههه

    سلامي

  90. أكرم صبري قال:
    أبريل 14th, 2008 at 14 أبريل 2008 9:32 م

    خلاص

    نزل يا شهر زاد

    نزل

  91. مقيم فى شنطة سفر قال:
    أبريل 18th, 2008 at 18 أبريل 2008 5:15 م

    ياعم كيموا ليه بس ننشر الغسيل المبلول دموع ده

    وحلوة الست اللى بتعطيه منوم قبل ماتفش غلها فيه فعلا قلبها قلب خسايه

    اعتقد ان الزوج اللى حظه حلو يتزوج طبيبة تخدير يبقى ضمن العقاب بدون بدون الم –كدا مفروض تاخد حق الدعايه من جميع طبيبات التخدير لان كدا الطلب هيزيد عليهم –يالا عرفت بعد مافات الاوان

  92. wafa massoud قال:
    مايو 11th, 2008 at 11 مايو 2008 11:25 م

    أخوتي زوار مدونتي

    سعدت بمرورك واهتمامكم ,,, فأهمية إدراكنا للتربية وما ينعكس على الجيل القادم سلبا أو إيجابا هو ما يجب علينا إدراكه .. الشباب القادم عليه أن يدرك الحقيقة هذه ليعد نفسه ليكون ابا صالحا ويربي ويعلم ليس ما تقدمه المدارس فقط…

    وكما قال اخي ابو المعتدل التربية جميلة عندما نحصد بالفعل ما نزرع … فانتبه ماذا تقدم واذا تزرع حتى تتمتع بالحصاد المثمر

    دمتم بحب

  93. شيرين foda قال:
    مايو 24th, 2008 at 24 مايو 2008 11:56 ص

    و الله كل إللى أقدر أقوله الزواج لاازم يكون مبنى على الإحترام المتبادل و لكن لو حدث العكس يبقى مسخرة و قلة قيمة و الحياة تصبح ضنك و بعدين يا أكرم النماذج إللى ذكرتها دى عيشتهم كالحيوانات بالضبط يعنى الواحد يقول عليهم مرضى نفسيين

    و بعدين ذكر فى القران ( وجعل بينكم مؤدةً و رحمة )



اكتب تعليــقك
الإسم الذي سيظهر على التعليق
مشتركي مكتوب
اسم آخر

« انت معكش عربيتى ولا شقة فى مرينتى طب اغرب عن حضرتي
حكايات البتنجان عن اللى بيمشى عريان »