المدونة التالية
كافة المدونات

 

انت معكش عربيتى ولا شقة فى مرينتى طب اغرب عن حضرتي

كتبهاأكرم صبري ، في 2 أبريل 2008 الساعة: 01:48 ص

 

 d

هل كانت ( مارى منيب) تتوقع وهى بتتفاخر أنها مدوباهم اتنين ، ان حيجى يوم من الايام وحتلاقى البنات ضربت الرقم القياسى بتاعها ، وفيه اللى مدوباهم اتنين وتلاتة وعشرة كمان ، عجبتنى أوى صراحة واحدة جابتها من الاخر لما قالت (( الافلام العربي اللى بتصور الحبيب اللى هجرته حبيبته مكتئب ويقعد بالسنين مش قادر ينسى افلام حمصى ، عاتى يعنى بنزعل شوية بعد كده خلاص ، إسألنى انا ده انا مدوباهم اتنين ))

البنت دى قالت النظرية اللى أنا قررتها على طلبة قهوة جملات فى سنة من السنين هههههههههههههههه .. أن أفلام الهمبكة صورتلنا الحب بطريقة غريبة ، وعادة يا اخوانا الانسان لما يحب بيتصور انه مش حيقدر خلاص يسيب حبيبه ، على رأى الست إليسا (( يا نعيش مع بعض حبيبى يا نموت احنا الاتنين )) .. مع ان الحياة فيها نماذج كتير أثبتت أن الحب ممكن ينتهى .. أو أن الحب ممكن يتنسى تحت القاعدة الشعبية (( اللى بعيد عن العين بعيد عن القلب )) .. وشفنا بنات حبوا حب جنونى وفى الاخر قالتله (( انت معكش عربيتى ولا شقة فى مرينتى طب اغرب عن حضرتي )) ده لما لاقت قدامها اللى معاه واللى حيشيل ..

أنا على فكرة مش بقول ان مفيش حب حقيقى ، أكيد فيه حب حقيقى وفيه نماذج نجحت ، لكن الحب نفسه على رأى الاستاذ عبد الوهاب مطاوع الله يرحمه مش رصيد ثابت ده شىء قابل للزيادة والنقصان .. فيه بنات لسه عايشه فى احلام عالم سمسم اللى بتستنى فيه فارس على حصان ابيض فى ابيض علشان يخطفها من عالم الواقع لارض الخيال ، وناسية ان الفارس ده اللى بتحلم بيه مش لاقى حصان ولا حتى حمار علشان يركبه ، فارس اتعلقت منه المحفظة فى طابور العيش أو كاره عيشته واللى خلفوه من زحمه المواصلات .. وتفضل البنت تحب على نفسها ويقعد الواد يحب على نفسه طول سنوات الجامعة هو فاكر نفسه نور الشريف وهى فاكره نفسها سعاد حسنى لغاية ما يوصلوا لسنة رابعة ، وقبل كلمة مبروك على التخرج تسأله القطة بتاعته (( هتيجى تتقدم لبابى امته )) .. وسبحان الله يزبهل الواد وكأن السؤال ده مخطرش على باله من ايام ما بدأ قصته .. وتوتة توتة تخلص الحدوتة والحب الكبير ينتهى ، وهتروح تحب غيره بس المرة دى واحد جاهز وتخلص الحكاية وحدوب بدل الواحد اتنين وتلاتة ..

الزمن ده مش زمن رومانسية السيتنات والسبيعات ، شوف زمان كان حليم بيقول ايه فى اغنية (( فاتت جمبنا)) وهو بيصف حال نفسه مع الحب لاول نظرة((روحت مش عارف مالى معرفش ايه اللى جرالى فرحان عاوز اضحك مهموم عاوز ابكي )) وصف لحالته برومانسية شديدة ورقة عالية بدون مبالغة ، دلوقت نغمة الرومانسية اختلفت ، دلوقت تلاقى سومه بتغنى (( عيب عليك اللى فيا جيجرى ليك يا اللى مبيتمرش فيك)) يعنى شردحة وفرش للملاية ، والتاني ده اللى بيقول ( يا بت حبك هبشنى والهبشة جت فى العباية )) على اساس يعنى انه بيحب كلبه ولا ايه !

اه فيه ناس لسه بتغنى رومانسى حالم جدا لكن انا بتكلم عن سمة مميزة للعصر ككل .. فرومانسية الاحلام مش موجودة .. ومع كده أقول برده ان مش شرط الحب يكون قبل الجواز ، فيه حب بعد الجواز .. وبعض الناس مثلا بتتصور ان الحب بعد الجواز ده ان واحدة بتتجوز واحد مش طايقاه .. لا مش كده .. واحدة ترتاح وترضتى فيه اخلاقه ومع الوقت بيجى الحب .. وبعدين اصلا فيه اشكالية الناس الغلابة فى الحب وبتوع سنة اولى حب مش واخدين بالهم منها ، فاكرين ان حب قبل الجواز هو نفسه جب بعد الجواز .. وده كلام فى الهوا شاشى.. فيه اختلاف .. بعد الجواز حاجه تانية وشعور تانى واحساس تاني مختلف ، وممكن كده تروح تبص على اى احصائية للناس اللى حبت ولا طالتش او حبت واخدت استمارة ستة ، واكيد حتلاقى شوية ارقام تفتح نفسك وعلى رأى أبلة نظيفة القطنة مبتكدبش ، أقصد جوجل مبيكدبش .

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : انت معكش عربيتى ولا شقة فى مرينتى طب اغرب عن حضرتي | السمات:
أرسل الإدراج  |   دوّن الإدراج  

108 تعليق على “انت معكش عربيتى ولا شقة فى مرينتى طب اغرب عن حضرتي”

  1. manaltahan قال:
    أبريل 2nd, 2008 at 2 أبريل 2008 2:15 ص

    يا عزيزى

    حب ايه اللى انت جى تقول عليه !!!!!!!!!!

    دهالمتجوزين طلعان عينهم ومش عارفين يعيشوا مابالك بقى باللى لسه هيكون نفسه عشان يعيش ف ظل الظروف المنيله دى

    ولا حد هيتجوز ولا حد هيعيش

    والبنات هتعنس وبعد كده يسألوا ازاى تزيد نسبه العنوسه ؟؟؟؟؟؟؟؟؟؟

    ازاى كل دى بطاله ؟؟؟؟؟؟؟؟؟

    ليه الشباب بيدمن ؟؟؟؟؟؟؟؟؟؟؟؟؟

    ليه بيتجوزوا عرفى ؟؟؟؟؟؟؟؟؟؟؟؟؟؟

    يا عم اكرم صلى ع النبى

    تحياتى

  2. إشراف شيراز قال:
    أبريل 2nd, 2008 at 2 أبريل 2008 2:58 ص

    كيمو…………

    قبل ما اقرا و اعلق ………..اقلك اني بحب القهوة و هي بارده خليها لحد

    ما نعمل الشاي ……………..كله بالهداوه و المزاج كده ……………..

    لحظات و ارجعلك

  3. إشراف شيراز قال:
    أبريل 2nd, 2008 at 2 أبريل 2008 3:05 ص

    بقلك ايه ………

    الموضوع كبير و عايز تركيز وانا داخله انام ……….الصباح رباح …….اديني جيت

    و بلاش تتهمني بالطناش …..رومانسية زمان و النهارده ده محتاج جرايد و مجلات

    …انتظرني بعد الفاصل ….و من ثم نواصل ………………………………….

    تحياتي

  4. محمد عبدالله قال:
    أبريل 2nd, 2008 at 2 أبريل 2008 3:37 ص

    وناسية ان الفارس ده اللى بتحلم بيه مش لاقى حصان ولا حتى حمار علشان يركبه

    ههههههههههههههههههههههههههههههههههههههههههههه

    شوف أخي أكرم

    أحسن حاجة أن الواحد يحب حب صامت ما يدخل في مشاكل تتعمق العلاقة ويروح في عين أمها وتنتهي قصة الحب تسيبك حبيبتك وتقعد تعد البلاط من الشوق

    حب بدون ما تصارحها انك تحبها تلقاك هههههههه تعيش الهيام والشوق ولا حد دربيك يعني مستورة والحمد لله

    بس بجد ممكن انك تحب مرة ومرتين بس اعتقد أن أول حب لا يمكن تنساه أبدا اذا انت بجد تحب

    تحياتي لك

  5. جيهان قال:
    أبريل 2nd, 2008 at 2 أبريل 2008 3:42 ص

    ماشى يا فيلسوف مكتوب يا ابو النصايح

    بص يا اكرم انا طبعا ماقدرش انكر الللى انت كتبت لانه واقع مش سراب او وهم

    بس اللى عاوزة اقولهولك ان الحب فى كل زمان ومكان مبيتغيرش بس هو الانسان اللى بيتغير

    وبعدين نكفى نفسنا من احتياجتنا اللى تخلى جسدنا يعيش زى رغيف العيش اللى بنموت عشان نجيبه وبعدين نبقى نفكر فى غذاء الروح

    تحياتى

    يا ابو النصايح اللى تودى فى 600 داهيه

    هههههههههههههههه

  6. مقيم فى شنطة سفر قال:
    أبريل 2nd, 2008 at 2 أبريل 2008 4:15 ص

    اكرم ياصبرى

    صبرى مش هيطول اذا استمريت بهذه الطريقه —ياراجل مش كفايه قناة الجزيرة كل يوم قاعده تقول قتل وزلازل واعاصير؟ مش كفايه وزير التموين اللى خلى رغيف الخبز النظيف ينضم الى قائمة العنقاء والخل الوفى؟هقولك ايه ولا ايه ؟ واللى حاولت تحل مشكلة البطاله راحت تتعاقد على وظيفة 120الف خادمه ————–

    كفايه ايه ولا ايه ولا ايه —-سيب الناس تحب ياعم اكرم (حب من غير امل اسمى معانى الحياه)

    يبقى سبب الناس تتمسك بالحياه من اجله —قلبت عليا المواجع ياعم اكرم

    لاتفهمنى غلط اقصد مواجع حبى لبلد اصبحت رؤيته بهذه الصورة تفزعنى

  7. dina seliman قال:
    أبريل 2nd, 2008 at 2 أبريل 2008 6:00 ص

    الحب

    زى اى شئ فى زمنا طالته عجله الحياه

    بس الدنيا لسه بخير

    والطيور على اشكالها تقع

    واكيد اللى هيحب بصدق هيلاقى حب ده

    والعكس صحيح

    دمت بخير

    سلامى …

  8. raeda_2008 قال:
    أبريل 2nd, 2008 at 2 أبريل 2008 6:43 ص

    أخي أكرم

    الحب لوحده لا يكفي ………….وحب من كان على مقاعد الدراسة ولا مؤاخذ ليس حبنا بالشكل الصحيح هي نوع من أنواع التنفيس يلجأ إليه الطلاب بعد الخروج لعالم كان كل ما فيه محظور فتجد أن كل شاب وفتاة يبحث عن مواصفات معينة حتى يفرغ ما عنده

    الحب الحقيقي موجود, وإذا لم يروى بمغذيات من الصبر والتعود والتأقلم وتقبل الطرف الأخر بعيوبه قبل حسناته لن يكون حب

    هذا رأي الشخصي أخي الكريم

    دمت بخير

  9. saleina قال:
    أبريل 2nd, 2008 at 2 أبريل 2008 7:51 ص

    اكرم شكرا على المرور والتحية كلامك موزون …..انت بتسطل ولا ايه …هههههههههه

    احيكم ولنا عودة

  10. شريف عزمي قال:
    أبريل 2nd, 2008 at 2 أبريل 2008 8:47 ص

    في عصور الهمبكه تيعلى صوت الشخلله

    والناس تحب التنبله

    والتنبله بتحب مين

    ال مدوباهم اتنين

    كدابه الا لو قصدها بالدسته

    يا صاحبي انا وانت والحب ترللي

    تحياتي

    دمتم بود

  11. زياد النجادا قال:
    أبريل 2nd, 2008 at 2 أبريل 2008 9:21 ص

    الأخ أكرم …

    طرحك جميل وواقعي، تغير الزمن فعلاً، وتغير معه كل إحساس، كم من الجميل لو أن نحب بدون كذب، نعيش الواقع ونبتعد عن المادة قدر الإمكان …

    تحياتي

  12. المغترب قال:
    أبريل 2nd, 2008 at 2 أبريل 2008 11:00 ص

    الاخ / اكرم

    تفضل بمتابعة اخر ادراجاتي

    ((( أدب وفن الحوار )))

    علي مدونتي المتواضعه

    بشارع مكتوب

    حارة المغترب

    jedmhm.maktoobblog.com

    دمت بخير

  13. شهرزادwsn قال:
    أبريل 2nd, 2008 at 2 أبريل 2008 11:27 ص

    سلام يا اكرم

    شخبارك؟

    **

    و الله أنا معاك في كل لكمة قلتها

    صحيح أحنا نعيش في زمن انعدمت فيه الرومانسية

    الناس اول رغم صعوبة حياتهم

    بس كان فيهم رقة في الطبع و حساسيه

    بس الحب في كل زمن قابل للزوال

    أنا مؤمنة بأن الحب مثل الحزن يبدأ كبيرا ً ثم ينتهي صغير ا ً

    لكن إن أردت اسلوب الحب و تعبيراتها طبعا ً سابقا ً كان أجمل من الآن

    الحين محد فاضي لحد

    حتى الحب يللا مشي بسرعة عالماسنجر و عاالشات دقيقة و يقع في الحب

    و easy come , easy go

    *****

    و بعدين أنت تلوم البنت إذا حبت شخص و بعدين لما تتخرج تقول له أنت ما معاك سيارة والكلام هذا

    طيب أيش الغلط

    أفضل شيء ان الأنسان يقدر الموقف و يعرف خطواته و يحسبها إذا ما كانت تقدر تعيش مع رجل على قد حاله و هي عارفة نفسها ما عندها مقدرة على التحمل فمن الأفضل انها تتركه

    بس قول ليش من البداية دخلت في علاقة عارفة انها ما تقدر تكملها

    **

    أوف راسي صدع

    هههههههه

    تسلم عالموضوع

    شوشو

  14. هشام منوّر قال:
    أبريل 2nd, 2008 at 2 أبريل 2008 11:44 ص

    ابداع مميز

    سلمت يداك

  15. كريم عبد القادر قال:
    أبريل 2nd, 2008 at 2 أبريل 2008 12:18 م

    يمكن دي اول مرة ازور مدونتك

    بس بجد اسلوبك عجبني جدا

    وموضوعك جميل وعجبني جدا

    وبتفق معاك ان مفيش حب دلوقتي بالدجة اللي كانت موجودة زمان

    ولو لاحظت البنت خلاص عرفت ان مفيش اولاد بيتجوزوا الا قليل اوي

    والاولاد اصلا مش حاطين في دماغهم

    فكل واحد بيقضيها وخلاص

  16. الفرسان قال:
    أبريل 2nd, 2008 at 2 أبريل 2008 1:13 م

    اخي الكريم : اكرم صبري

    جميل ان نختلف … لان الاختلاف رحمة … ولكن يجب ان نبين اوجه الاختلاف ومكبررات الاختلاف … فمن السهل ان اعترض على كل ما تقول ولكن من الصعب ان ابرر واقنع بسر اعتراضي او مبررات اختلافي

    لك تحيات الفرسان الذين يفرحون بزياراتك لهم وانارت دربهم بشموع كلماتك

  17. ksad73 قال:
    أبريل 2nd, 2008 at 2 أبريل 2008 1:44 م

    ايه الكلام الرائع ده ياعم اكرم

    اسلوبك بالمررررررررررررره رائع

    شكلك بتكتب المواضيع بتعتك وانت وانت مروق على الاخر

    هههههههههههههههههههههههههههههههههه

    تحياتي لك يااخي الحبيب

  18. omnia_ el ward قال:
    أبريل 2nd, 2008 at 2 أبريل 2008 2:28 م

    انت مالك حل يا كيمو بص يا سيدى خبرة ناس عواجيز

    مش مختلفين ان زمان غير دلوقتى لاسباب كثيرة ما علينا

    لكن برضو دلوقتى فى حب حقيقى حب روحى بعيد عن الماده وغيرها

    وما تقول رومانسيه لانه حقيقى وعموما هى عمليه نسبيه ممكن انا اقدر

    اعيش من غير فلوس لكن مااقدر من غير حب وممكن غيرى لا العكس هو اللى يريحهم

    بلا حب بلا بطيخ هههههه

    فريح بالك وانسى اللى نسيك عيش ليك لياليك على رأى المطرب العاطفى تامر حسنى

  19. عمرو مدحت قال:
    أبريل 2nd, 2008 at 2 أبريل 2008 3:02 م

    ياعم اكرم
    البوكس بتاع مكتوب صغير جدا
    وقد جربت التطويل فأبي
    ولخبط الدنيا كلها
    دلني علي طريقه لمط هذا البوكس اللعين
    تعرف علشان خاطرك والله كتبت 5 حلقات في 3 ايام
    تحياتي

  20. طاهر الصوفانى قال:
    أبريل 2nd, 2008 at 2 أبريل 2008 3:12 م

    ايوه ياسي اكرم

    انا جيتلك اهو استني بقي اشوف الي انت كاتبه وارجع اعلق

    وتبقي ياعم زاد التعليق عندك مرتين

    ههههههههههههههههه راجعلك

  21. دمعة الحب قال:
    أبريل 2nd, 2008 at 2 أبريل 2008 3:42 م

    ايه ده بس يا استاذ اكرم

    الكلام ده مش عادي على فكرة انتا بتجيب الكلام ده منين

    مشاء الله مش عايزة احسدك بس والله الموضوع يجنن

    تحياتي

  22. طاهر الصوفانى قال:
    أبريل 2nd, 2008 at 2 أبريل 2008 3:54 م

    استنا بقت ياعم اكرم كده شويه وتعالالي علي جنب

    رومانسيه مين وحب مين والناس نايمين

    تعرف يااكرم مفهوم معظم الناس عن الحب ايه ؟بس هجر وخصام وغدر وحجات زي كده

    ومش بيقولوا فيه الاشعار غير بعد مايروح في ستين داهيه ويولي

    ويقعدوا بس يعيطوا عليه

    نفسي اشوف زوج بيقول شعر في زوجته

    او العكس

    تعرف حب الزواج ده ايه؟

    دي موده ورحمه ربنا سبحانه وتعالي هو الي وهبها للزوجين

    وافضل العلاقات علي الاطلاق هي الشرعيه

    بس بجد بحييك وصدقني الحب موجود بس احنا الي مش بنعرف نعبر عنه في حينه

    لاكن بنببعبر عنه بعد مايمشي

    تحياتي ياعسل

  23. مجد الدين قال:
    أبريل 2nd, 2008 at 2 أبريل 2008 7:36 م

    اكرم
    سومه عندها ياس فظيع والدنيا ضلمه عندها
    المهم كلامك الحلمنتيشي دا حلو قوي وبيعجبني
    الاسلوب ده من الكتابه ومدونتك هتنجح نجاح باهر ان شاء الله
    بجد مدونتك جميله وموضوعاتك حلوه قوي وعلي فكره الحب الرومانسي موجود
    والحب الحقيقي موجود رغم الظروف بس الانسان يعطي لنفسه الفرصه لكي يحب
    رغم ما بالحياه من معاناه لابد من ان نامل بالحياه

  24. زمرد زمرد قال:
    أبريل 2nd, 2008 at 2 أبريل 2008 9:45 م

    اخي اكرم

    الحب فعلا موجود ولكن يغلفه بعض الكذب والغش الذي يطيح به

    لو بقي الحب دون مؤثرات لصرنا الان في اسعد حال

    كن بخير

  25. lanahiary قال:
    أبريل 2nd, 2008 at 2 أبريل 2008 11:17 م

    تحياتي…..

    اعتقد أننا لا بد أن نعلم شبابنا قول المصطفى عليه السلام:”أحبب حبيبك هوناً ما ،عسى أن يكون بغيضك يوماًَ ما..”إلى آخر الحديث قبل أن ياكل الإعلام الرومانسي بعقلهم حلاوة وتتكرر حواديت روميو وجولييت.

  26. محمد فكرى قال:
    أبريل 3rd, 2008 at 3 أبريل 2008 12:49 ص

    اخى اكرم

    مشكلتنا عندما نحب اننا لانستطيع ان ندير هذا الحب ولا ان نوظفه فى حياتنا بشكل ايجابى فقط ما نفعله هو ان اننا نقول بقين حلوين بحبك ووحشتينى وهاستناكى وخلص الكلام محدش فكر اية بعد كدة

    ارجوك ارجع الى ادراجى تعلم كيف تحب وانتظر رأيك

  27. عماد النمر قال:
    أبريل 3rd, 2008 at 3 أبريل 2008 6:20 ص

    الحب وما حوله .. هو القضية الكبرى للمدونين العرب

    فما من مدونة أدخلها ألا وأجد الحب وملحقاته

    وتفاعل كبير جدا وردود وحاجة تفرح القلب

    أبارك لك ولكل من يبحث عن الحب

    وأواسى كل من يبحث عن رغيف الحب

    تحياتي

  28. cinderella قال:
    أبريل 3rd, 2008 at 3 أبريل 2008 9:41 ص

    كيمو

    معلي جيب متاخره والله معلشي كنت شويه مشغوله انت فاهم بقي

    شوف يا سيدي

    الحب سواء موجود او غير موجود لازم نفرقه عن الارتباط

    بمعني قد يقع اتنين في الحب ولكن لا يرتبطوا لاختلاف الديانات مثلا

    او لظروف خاصه باحدهم

    ولكن الحب كمشاعر عمرها ما اختفت لانها احاسيس

    بس اللي اختفي الصدق

    يعني دلوقتي اي واحد عاوز حاجه كده من واحده يمثل دور الحبيب الولهان وعندي نماذج منها تشيب والله ونفس الكلام طبعا علي البنت انا لا اقصد جنس بعينه

    فالحب موجود ويمكن علشان الظروف المنيله دي الي احنا فيها مش كل قصص الحب بتكمل وهنا لابد نعذر فالبنت اللي اتجوزت اي واحد علشان فلوسه برضه معذوره لانها عاوزه تتجوز وحبيبها بلا امل في اي امكانيات

    وبرضه الولد اللي بيروج يتجوز قرشانه نفس الشئ

    لا تهاجم الحب ولكن واجه الظروف مش اكتر

    تحياتي لك

  29. د.محمد عبدالحفيظ شهاب الدين قال:
    أبريل 3rd, 2008 at 3 أبريل 2008 10:43 ص

    ههههههههههههههههههههههههههههه

    يا أخي هو فيه حد لسة بيتجوز الأيام دي ….؟؟؟؟

    ده الواحد ما بيشوف فرح , بيبقى مستغرب , وفاتح بقه ومش مصدق ههههههههههههههههه

    تعرف يا أخي , الادراج ده فكرني بأيام الجامعة …..حيث افلام روميو وجوليت وقيس وليلي كانت شغالة على ودنه …..وأول ما الموضوع يدخل في الجد ……هوبا , اسطوانة فنيتو تشتغل , ومعلش افتكرت معاد مهم كنت ناسيه من تلات سنين , وراح قيس وراح ليلي …… وبح على كده …

    ومش قادر الوم الشاب بصراحة ………ما هو عارف اللي فيها …..من اول قعدة مع الست حماته والسيد حماه , هايلاقي الدنيا متكركبة فوق دماغه …..مش عارف الصالون يتحاب منين والسفرة منين , واودة النوم …و …..و …..

    وهو يا حبة عيني تلاقيه اصلا جاي ماشي ومعهوش تمن التاكسي حتى ….!!!!

    طب الواحد من دول يعمل ايه ….يسرق بقى ولا يتاجر في مخدرات ؟

    تعرف الحل ايه يا أخي ….

    ان الرجالة تعتصم وتمتنع عن الجواز ……..وبكده , سوقهم يغلى , وحالهم يمشي ….
    وساعتها الآية تتعكس ….والشاب يقعد في بيته معزز مكرم , والبنات هي اللي تيجي تخطبه …ياسلاااااااااام …….ونتنطط عليهم احنا بقى براحتنا …….ونحط شروطنا …..اللي اول بند فيها ان الشقة بمستلزماتها تبقى عليهم …..
    ومافيش مانع كمان نضيف عربية وموبايل في القايمة …
    الله ….مش بيشتروا راجل برده …ولا هو كلام وخلاص ؟.

  30. أكرم صبري قال:
    أبريل 3rd, 2008 at 3 أبريل 2008 10:48 ص

    سوما حسونه

    أميرة مكتوب المتوجة

    اسمحليى اختصر كلامك فى جملة

    عض قلبي ولا تعض رغيفي

    هههههه

    اشكرك يا اميرتى على المرور

  31. أكرم صبري قال:
    أبريل 3rd, 2008 at 3 أبريل 2008 10:50 ص

    إشراف شيراز

    منتظرين بعد الفاصل اللى مش باينله نهاية ده

    بس الله يخليكى شوية اعلانات حلوة فى النص

  32. أكرم صبري قال:
    أبريل 3rd, 2008 at 3 أبريل 2008 10:51 ص

    محمد عبد الله

    انت من أنصار الحب الاول بأه

    ههههههههههه

    احكى احكى بأه

    مدد على السيزلونج وفضفض

  33. أكرم صبري قال:
    أبريل 3rd, 2008 at 3 أبريل 2008 10:53 ص

    جيهان

    مش بقولك عض قلبي ولا تعض رغيفى

    ههههههههههه ونفذى نصايحى من سكات

  34. أكرم صبري قال:
    أبريل 3rd, 2008 at 3 أبريل 2008 10:54 ص

    رحال

    ايه يا باشا ده

    حب من غير أمل

    زى راجل كمبيوتر من غير نت

    وزى راجل من غير ست

    توء توء

    لا ياعم

    يا احب بأمل

    با اكبر الدى واروق الجي

  35. أكرم صبري قال:
    أبريل 3rd, 2008 at 3 أبريل 2008 10:55 ص

    اكيد اللى حب حيلاقى

    والطبور على اشكالها قع

    المهم يا دينا بعد لما تقع

    حنلاقى اللى حيسمى عليها ولا لأ

  36. أكرم صبري قال:
    أبريل 3rd, 2008 at 3 أبريل 2008 11:13 ص

    ام ليث

    عجبتنى جملتك دى جدا وأسمحيلى انى أكررها

    ((الحب الحقيقي موجود, وإذا لم يروى بمغذيات من الصبر والتعود والتأقلم وتقبل الطرف الأخر بعيوبه قبل حسناته لن يكون حب))

  37. أكرم صبري قال:
    أبريل 3rd, 2008 at 3 أبريل 2008 11:18 ص

    saleina

    ههههههههههههه لا مش بسطل ولا حاجه

    بس كلام طالع من الشمخ الجواني

  38. أكرم صبري قال:
    أبريل 3rd, 2008 at 3 أبريل 2008 11:20 ص

    شريف عزمي

    ايوه يا باشا

    انا وانت والحب ترللى

    وعلى رأى يوسف وهبى يالاللى يا لاللى

  39. أكرم صبري قال:
    أبريل 3rd, 2008 at 3 أبريل 2008 11:28 ص

    زياد النجادا

    أتفق معك

    ما اجمل ان نعيش الواقع

  40. أكرم صبري قال:
    أبريل 3rd, 2008 at 3 أبريل 2008 11:29 ص

    المغترب

    بس كده يا عم

    بسيطة

    ده حتى العنوان ميتوهش

  41. أكرم صبري قال:
    أبريل 3rd, 2008 at 3 أبريل 2008 11:31 ص

    شهرزادwsn

    لا يا حاجه مش لوم النبت الللى بتشوف مصلحتها

    بس كان لذمته ايه من الاول الهمبكة

    يعنى هى مفكرتش اخر اللى بتعمله ده ايه مثلا

  42. أكرم صبري قال:
    أبريل 3rd, 2008 at 3 أبريل 2008 11:35 ص

    هشام

    شكرا يا باشا

    على المرور

    —–

  43. أكرم صبري قال:
    أبريل 3rd, 2008 at 3 أبريل 2008 11:38 ص

    كريم عبد القادر

    اهلا بك فى اول زيارة

    وفعلا اللى بيحصل زى ما انت قولت نوع من تقضية الوقت

    ولعب وضحك باسم الحب

  44. أكرم صبري قال:
    أبريل 3rd, 2008 at 3 أبريل 2008 11:39 ص

    لفرسان

    جميل ان نختلف باحترام

    لكن مش ملاحظة انك ديما بتيجى ترد خارج التوبيك على حوارات سابقة فى مدونتك

  45. أكرم صبري قال:
    أبريل 3rd, 2008 at 3 أبريل 2008 11:41 ص

    رومانسي بجنون

    إلا مروق ..

    ده اخر روقان كمان

    بس حيث انك رومانى وبجنون كمان

    مقولتلناش بأه

    انت ايه رايك فى الليلة دي

  46. أكرم صبري قال:
    أبريل 3rd, 2008 at 3 أبريل 2008 11:44 ص

    alomnia

    على رايك

    بلا حب بلا بطيخ

    حتى البطيخ الايام دى لا له طعم ولا لون

    وديما بتطلع فرعه

  47. أكرم صبري قال:
    أبريل 3rd, 2008 at 3 أبريل 2008 11:52 ص

    عمرو مدحت

    الله يخليك يا عمورة

    وان شاء الله نتابع الحلقات دي

  48. أكرم صبري قال:
    أبريل 3rd, 2008 at 3 أبريل 2008 12:10 م

    طاهر الصوفانى

    انت بتعد التعليقات يا عم هههههههههههههههه

    وزوج مين اللى بيقول شعر فى زوجته

    وهو اصلا واخدها عن حب

    وايام الجامعة بأه

    وكنزات

    وبيتزات

    وسينما

    بعد الجواز انسى يا عم

    بعد لما كان قيس بن الملوح بأه ملوح بس

    ههههههههه

  49. أكرم صبري قال:
    أبريل 3rd, 2008 at 3 أبريل 2008 12:14 م

    مجد الدين

    الله يخليك يا ذوق

    ووان شاء الله المدونة حتنجح بيكم انتوا

    وبتعليقاتكم اللى زى العسل

  50. أكرم صبري قال:
    أبريل 3rd, 2008 at 3 أبريل 2008 12:16 م

    زمرد زمرد

    الحب المغلف بالخداع

    سبب كل البلاى

    اشكرك يا زمرد

  51. أكرم صبري قال:
    أبريل 3rd, 2008 at 3 أبريل 2008 12:17 م

    لانا الحياري

    الاعلام الرومانسى

    عامل زى البرشامة

    اللى بتخدر عقول العيال الصغيرة

    لغاية ما يكبروا

    ويصدموا بصخرة الواقع

  52. أكرم صبري قال:
    أبريل 3rd, 2008 at 3 أبريل 2008 12:19 م

    محمد فكرى

    مرشدير

    ومتابعين معك

    تقبل تحياتي

  53. أكرم صبري قال:
    أبريل 3rd, 2008 at 3 أبريل 2008 12:21 م

    عماد النمر

    دعه يعمل دعه يمر

    قليل من هذا وكثير من ذاك

    ليس إلا

  54. أكرم صبري قال:
    أبريل 3rd, 2008 at 3 أبريل 2008 12:23 م

    cinderella

    فاهم يا سندريلا

    ومتحطيش فى بالك اى حاجه

    وانا معاكى أن الحب موجود لكن الظروف اللى عايشنها بتقتل اى حاجه جملية

    واحنا شم بنلوم النبت اللى بتتجوز جاهز

    لكن بلومها لما تضيع قوتها

    باسم الحب

  55. أكرم صبري قال:
    أبريل 3rd, 2008 at 3 أبريل 2008 12:26 م

    .محمد عبدالحفيظ شهاب الدين

    لا طبعا محدش بيتجوز

    ده القاعة بتاعة الافراح اللى فى الشارع بتاعنا شكلها كده حتحول لمقلة لب وسوداني ههههه

    وايام الجامعة يا دكتور دى موال تاني

    موال الضحك

    واللعب

    والحب

    وعيش وعيشنى

    وانا معاك

    نحن معتصمون عن الزواج

    رابطة معتصمون عن الزواج

    بس على فكرة ابو البنت بيكون هو السبب برده

    عاوز شبكة باد كده

    ومهر

    باد كده

    والفرح لازم يكون ازاى

    ومجعلص العملية

  56. رباب كساب قال:
    أبريل 3rd, 2008 at 3 أبريل 2008 12:37 م

    عزيزي : أكرم

    تحياتي

    سعدت جدا بتواجدي هنا

    وسعدت أيضا برأيك وتحليلك للحلم في زمن جوجل والياهو ومارينا و………..

    وسعدت بتعليقك على روايتي وإن شاء الله تعجبك القادمة

    شرفت جدا بتشريفك لمدونتي

    تقبل أرق تحياتي وتمنياتي لك بالتوفيق

    رباب

  57. جبيريا الصالحى قال:
    أبريل 3rd, 2008 at 3 أبريل 2008 1:58 م

    سالنى يا اميرة يوم

    وهمس لى قلبي

    لماذا انت وحيد وشريد

    فصمت لحظة وفكرت

    ثم سالنى فؤادى وقال لى

    اين هى اميرتك

    فارتعشت

    وسالتنى تراتيل الحروف

    هل احزنتها ام ابكيتها

    فترقرقت من ادمعى رقرقة

    وسالت نفسي

    لما انا بدونها

    فبكيت

    ثم سالت القمر

    هل اقترب منها اخر وانا بعيد

    فاعترف

    فقلت

    وهل همس لها بحب

    قال همس لها

    وغنى لها شعرا

    استنشقته

    وسكرت

    وعانقتَه

    وقبلته

    فغبت حينها فى داخلى وتذكرت

    احاسيس

    يوما احست خلاياها

    تذكرت يوما

    شفتاها وشفتاى التقت

    وعيناى وعيناها المعت

    وهمست يومها لها

    وتغنيت

    وسكرنا حتى الثمالة

    وترنمت

    ااااااااااااااااه لازلت اذكرها واشم

    رائحتها الربيعية

    عطر الدنيا وزينتها

    الحان ود

    رقصنا على نار العشق

    لماذا

    يا اميرتى ابتعدت

  58. trust76 قال:
    أبريل 3rd, 2008 at 3 أبريل 2008 2:06 م

    كيمو والله العظيم انا لما اكون .زهقانة وروحي طالعة اجي على دوارك(مدونتك)…واخرج ولا اللي عمره ما شاف النكد

    يسعد اوقاتك يا رب…دي اولاً وتانياً بقى

    لوكلامنا دخل النفوخ وشخلل الشخاليل وبهرر البهارير يبأه العملية نجحت…العملية يا كيمو نجحت…الف مبروك

    ثالثا وهو الاهم

    كلامك موزون جداً ويا خسارة الحب والرومانسية اللي ضاعوا بالزمن ده

  59. حادي العيس قال:
    أبريل 3rd, 2008 at 3 أبريل 2008 2:08 م

    اخي اكرم صبري : دام التألق والابداع ,,,

    ودمت سماء وغيمة ,,, وهطول ,,,

    لك مني كل التقدير ,,,

    تحياتي لك ,,,

    جديدي بانتظارك ,,,

  60. yaanas قال:
    أبريل 3rd, 2008 at 3 أبريل 2008 3:19 م

    ميهونش علىّ اسيبه ……… ومينيسيب حبيبه

    —————————————–

    هدف يا ريس … جوووووووووووووووووووووووووووووووووووووون

    ——————————–

    كيمو : موضوعك جامد .. يتربى فى عزو

    —————————————

    ادعيلى يا كيمو

  61. damas_2008 قال:
    أبريل 3rd, 2008 at 3 أبريل 2008 3:39 م

    هههههه

    فكرتنى بالذى مضى

    الا انا محكتلكمش عن صحابى وموصفات فتى احلمهم

    مسيرى هحكلكم

    بس موضوع جامد جداااا

    وواقعى جدااااا

  62. محمد عبدالله قال:
    أبريل 3rd, 2008 at 3 أبريل 2008 7:02 م

    انت من أنصار الحب الاول بأه

    لا انا من انصار المضروبين على قفاهم من الحب

    ههههههههههههههه

    سمعت اخوانا السوريين بقولو يضرب الحب شو بيزل هو مره ولا كل الامرات

  63. rash-al قال:
    أبريل 3rd, 2008 at 3 أبريل 2008 7:23 م

    ههههههههههههههههه

    والله انت مزاجك عالي جدااااا

    الحب موجود عمره مابيموت

    لكن الضرب على مين تحب

    هنا المشكلة

    احترامي

  64. جمال الدين العارف قال:
    أبريل 3rd, 2008 at 3 أبريل 2008 8:04 م

    اقرأ عن تطورات فيلم الفتنة الهولندي المسيء للقرآن الكريم واقرأ عن فيلم هولندي آخر مسيء الى الرسول وام المؤمنين عائشة كل ذلك علة مدونة الصحافي جمال الدين العارف .

  65. عادل سعيد قال:
    أبريل 3rd, 2008 at 3 أبريل 2008 9:19 م

    يوم الجمعة أفضل الأيام عند الله

    فيه خلق آدم

    و فيه تاب الله عليه

    و فيه خرج من الجنة

    و فيه تقوم الساعة

    و فيه ساعة أجابة الدعاء

    لنميز يوم الجمعة بثلاث

    تلاوة سورة الكهف

    الأكثار من الصلاة على الحبيب المصطفى و ليتها تكون الصلاة الأبراهيمية كما فى التشهد ” اللهم صلى على محمد و على آل محمد كما صليت على ابراهيم و على ابراهيم انك حميد مجيد ”

    الأجتهاد فى الدعاء قبل الغروب .. و لا تنسى مرضاك و مرضى المسلمين و موتاك و موتى المسلمين و أخواننا فى غزة المحاصرين .

  66. أكرم صبري قال:
    أبريل 3rd, 2008 at 3 أبريل 2008 10:09 م

    رباب كساب

    انتى فعلا اديبة متميزة

    وسعدت فعلا بقراءة روايتك

    واتمنى منكى وضع رابط للرواية علشان اقراها كلها كاملة

  67. أكرم صبري قال:
    أبريل 3rd, 2008 at 3 أبريل 2008 10:10 م

    ثقة

    الحمد لله ان العملية نجحت

    واى خدمة

    والشاى والمشاريب هنا فى القهوة على حسابي

    علشان خاطرك .

  68. أكرم صبري قال:
    أبريل 3rd, 2008 at 3 أبريل 2008 10:11 م

    حادى العيس

    اله يخليك يا باشا

    ودمت متألقا انت

    وسعدت بالتعرف عليك

  69. أكرم صبري قال:
    أبريل 3rd, 2008 at 3 أبريل 2008 10:13 م

    يحيى

    روح يا شيخ

    الله يعمر بيتك

  70. أكرم صبري قال:
    أبريل 3rd, 2008 at 3 أبريل 2008 10:14 م

    damas

    هههههههههههه

    لا لسه ياختى محكتيش

    اشربى العصير

    وفضفضى

    الميكرفون مع جنابك

  71. أكرم صبري قال:
    أبريل 3rd, 2008 at 3 أبريل 2008 10:16 م

    محمد عبدالله

    هههههههههههههههههههههه

    اخوانا السوريين زى العسل

    بس انا مش من انصار الحب الاول

    انا من انصار الحب اللى يعيش

    يبأه ده هو الحب

  72. أكرم صبري قال:
    أبريل 3rd, 2008 at 3 أبريل 2008 10:17 م

    الوردة البيضاء

    اه يا ستى مزاجى عالى

    هههههههههههههههههههههه

    بلاش حسد بأه

    ودورى

    وانا دور معاكي

  73. همسات قلب قال:
    أبريل 4th, 2008 at 4 أبريل 2008 12:12 ص

    عزيزى اكرم صبرى

    الحب موجود لكن فين الى بيحس فيه

    الحب لما بيجى ما يستأذن بدخول

    فجأه تحس انك بتحب وانك بطير

    زى العصافير الحب اجمل حاجه فى الوجود

    ودمت بود

  74. أكرم صبري قال:
    أبريل 4th, 2008 at 4 أبريل 2008 12:20 ص

    عزيزى همسات

    الحب موجود

    لكن فين النفس

  75. محمد عبدالله قال:
    أبريل 4th, 2008 at 4 أبريل 2008 5:08 ص

    اه يا اكرم

    وش طين عيشتنا الا الحب الي يبقى يروح الحبيب ويبقى الحب

    صحيح اكرم يقولو ان الحبيب لا تنساه الا اذا حبيت من جديد انا مدري ذا حب ولا علبة ميرندا من سبر ماركة

    هو على كيف الواحد يحب من جديد

  76. زهرة النسرين قال:
    أبريل 4th, 2008 at 4 أبريل 2008 5:50 ص

    أخواتي وإخوتي …

    أصدقائي وصديقاتي …

    أعتذر منكم على انقطاعي الفترة الماضية وتقصيري تجاهكم احبائي ..ولكنها مشاغل الحياة وظروف الدراسة ..عدت مشتاقة لكم ولحروفكم ..هذا مرور محبة فقط وسأعود ثانية ان شاء الله لقراءة المواضيع بتأني والتعليق عليها …

    وهذه هديتي لكم ليوم الجمعة ….

    أسال الله أن لايرد لك دعوة ،ولايحرمك من فضله ، ويحفظ أسرتك وأحبتك ،ويسعدك ، ويفرج همك ، وييسر أمرك ، ويغفر لك ولوالديك وذريتك ، وأن يبلغك أسمى مراتب الدنيا وأعلى منازل الجنة .

    اللهم آمين

    محبتي …

  77. raeda_2008 قال:
    أبريل 4th, 2008 at 4 أبريل 2008 8:28 ص

    مل مقبول وذنب مغفور

    جمعة مباركة

  78. Salwa Ghanem قال:
    أبريل 4th, 2008 at 4 أبريل 2008 11:02 ص

    هل فكرت في عمل صدقه جاريه لك في الدنيا حتى تكون نورا لقبرك بعد

    هل فكرت في عمل صدقه جاريه لك في الدنيا حتى تكون نورا لقبرك بعد وفاتك

    قال (صلى الله عليه وسلم)

    ينقطع عمل ابن أدم إلا من ثلاث صدقه جاريه ، أو علم ينتفع به او ولد صالح يدعو لة

    (صدق رسول الله )

    وهذه أمثله للصدقات الجارية كالتالي:

    (1) - قم بشراء مصاحف و إعطها لمن يستطيع القراءة ، في كل مرة يقرءون من هذه المصاحف سوف تكسب أنت حسنات

    او ممكن تشتري مصحف او عدة مصاحف وتحطها في المساجد وقف لله تعالى وتخيل كم من الحسنات حتكسبها

    (2) - قم بإرسال أدعية و أذكار عبر البريد الإلكترونى أو قم بتحفيظ أو تعليم دعاء لأحد أو شراء كتب أدعية و وزعها ، في كل مرة يقرءون من هذه الأدعية أو يتذكرونها سوف تكسب أنت حسنات.

    (3) - قم بزرع شجرة ، فكل شخص ، أو حيوان سوف يستظل بها ، أو يأكل من ثمرها سوف تكسب أنت حسنات .

    (4) - سجادة صلاة اشتري سجادة صلاة وخليها في أي مسجد او تهديها لمستشفى خاصة مكان الانتظار في المستشفيات أو تشتري سجاده كبيره لمدرسه وتخيل كم طالب راح يصلي عليها .

    · (5) - إذا كنت تجيد تلاوة القران وتفسيره فعليك بتعليم القران للناس ( خيركم من تعلم القران وعلمه ) وأيضا إذا كنت تعرف الأحاديث النبوية الصحيحة فعليك أيضا بتعليمها لناس

    فمثلاً -سورة الكوثر::

    كلنا يعرف سورة الكوثر أصغر سوره موجوده في القران . يعني سهل حفضها .

    شف واحد من أخوانك الصغار أو اولاد أخوانك أو أي ولد صغير تعرفه

    وحاول تحفضه هذي السوره أو أي سوره ثانيه بس هذي سوره صغيره وسهله على الطفل

    فتخيل أنو كل ما قرى هذا الطفل سورة الكوثر من الحين لين يموت يمكن بعد 80 سنه وأنت تاخذ حسنات.

    وقيس عليها أي شي ثاني من دعاء أو حتى تعلمه الصلاه فراح تاخذ حسنات كل ما صلى .

    (6) - ورقه على جدار ::

    تنباع أوراق صغيره مكتوب عليها تسبيح أو دعاء مثل ( سبحان الله العضيم سبحان الله وبحمده ) وشكلها حلو

    مثلا تشتري مجموعه منها تلصقها على باب المسجد في الحاره أو في العمل أو في المدرسه .

    ممكن تلصقها في مكان واضح في السوق أو في محلك .

    فتخيل كل من قراها تاخذ حسنات .. وممكن يحفضها في هذيك اللحضه ودايم يذكرها فكل ما ذكرها تاخذ حسنات .

    وقيس عليها أمور أخرى مثل ورقه أكبر فيها قتوى أو غيرها من الامور .

    (7) - قم بإعطاء كتب لأشخاص يستطيعون قراءتها سواء كانت هذه الكتب علمية أو دينية أو أي كتب أخرى مفيدة ، و في كل مرة يقرءون من هذه الكتب المفيدة سوف تكسب أنت حسنات .

    (8) - يمكنك وضع بعض المصاحف في المساجد فعندما تعرف أن هناك مسـجد تحت الإنشاء إذهب و قم بشراء أى شيء و لو بسيط للمشاركة في بنائه ، قد يكون هذا الشيء صفيحة قمامة ، أو سجادة ، أو حتى قم بتعليق دعاء ، و طالما ما زال هذا المسجد قائمًا فسوف يظل الشيء الذي ساهمت به موجود و سوف تكسب أنت حسنات.

    (9) - قم بشراء كرسي متحرك ، و قم بإرساله لمعاق ، أو مستشفى للمعاقين ، أو للذين لا يستطيعون شرائه ، و في كل مرة يُستخدم فيه هذا الكرسي سوف تكسب أنت حسنات .

    (10) - قم بأعطاء قرص ممغنط ( Cd ) يحتوي على معلومات علمية أو دينية ، و في كل مرة يتم إستخدامه سوف تكسب أنت حسنات .

    (11) - قم بشراء ماكينة لشرب المياه و ضعها في مكان عام و سوف تكسب أنت حسنات عن كل من يستخدمها.

    (12) - القيام بالمساهمة في بناء مسجد أو بيت من بيوت الله ، فعندما يدخل

    المسجد إنسان ليصلي أو ليتلقى علم تكون حسنه لك في دنياك وأخرتك

    (13) - كفالة يتيم - قال (صلى الله عليه وسلم) أنا وكافل اليتم كهاتين في

    الجنة – و أشار بإصبعيه السبابة والوسطي.صدق رسول الله (صلى الله عليه وسلم)

    حتى ولو بعشره جنيهات أو زيارة دار للأيتام لتمسح على رأس يتيم لتأخذ بعدد شعر

    رأسه حسنات وإعطاؤهم الحلوى.

    (14) - المساهمة في بناء المستشفيات ولو بالدواء المتبقي عندك ولا تحتاجه

    أعطيه حتى للمستشفيات أو المساجد التي بها مستشفيات صغيره لإعطائه للفقراء

    والمساكين أو شراء أجهزه لتلك الأماكن أو التبرع بالمال ، وتكون أيضا صدقه

    جاريه بالحياة والممات.

    (15) - توزيع المصاحف ( تكون علم ينتفع به ) لك في الدنيا والآخرة ويوجد أيضا مراكز إسلامية في بلاد أجنبية من الممكن أيضا توزيع المصاحف لها – لأن حاليا توجد حمله من الغرب ومن أمريكا وإسرائيل لتزييف القران ، فلماذا لا نرسل لهم مصاحف من بلادنا العربية والإسلامية المصاحف الحقيقة وليس المزيفة التي

    تبتدعها أمريكا وتحذف منها ونحن في مصر بلد الأزهر الشريف لابد أن نواجه هذه الحملات الشرسة من الغرب والحمد لله ، فعلا أهل الخير بمصر والعالم العربي مدركين لذلك

    (16) - توزيع مصاحف بلغات غريبه مثل لغه الزولو او اللغات الاسيويه لهذه البلاد لأن توجد حملات تنصير كبيره بهذه البلاد فلماذا لا ندعو هذه البلاد للاسلام.

    (17) - المساهمة في عمل الأكفان والمشاركة في سيارات الموتى لأن يوجد بعض الفقراء لا يجدوا ما ينقل مواتهم ولا يجدوا حق الكفن لديهم ولا يجدوا من يقوم بتغسيلهم ، فالمشاركة في هذا عمل عظيم الثواب.

    (18) - التبرع ببناء للمدافن الشرعية

    (19) - حفر بئر حتى يشرب منه أي إنسان أو طائر أو حيوان

    (20) - التحدث مع الأجانب والغرب عن طريق المراسلات أو النت عن الإسلام وتسامحه و إعطاء فكره صحيحه عن الإسلام وأصوله

    (21) - عمل مطبوعات دينيه وعلميه ونشرها

    (22) - الدعاء للميت ، فكان يوجد شخص من أهل النار ، ودخل الجنة وارتفعت درجاته فسأل الله عز وجل من أين لي بهذا وأنا من أهل النار ، فقال الله تعالي له أن ابنك يدعو ويستغفر لك ، فلا تنسي الدعاء والأستغفار لوالديك وللمسلمين والمسلمات الأحياء منهم والأموات.

    (23) عمل جروب إسلامي وإرسال للجروبات رسائل دينيه.

    هناك آلاف الأبواب التي يمكنك طرقها للحصول على الصدقات الجارية . فقط قم بعمل شيء و لا تعتمد على غيرك ليقومون بعمل صدقات جارية بعد مماتك . قد يأتي موعد وفاتك و أنت بعيد عنهم ، لذا قم و اعمل صدقة جارية بنفسك قبل رحيلك عن هذه الدنيا و سوف تستمر كمصدر حسنات لك و قد تساعدك على دخول الجنة و بعدك عن نار جهنم

    ملحوظة : عند عمل صدقه جاريه لأي ميت من أقاربك فيكون لك يا أخي مثل ثوابه

  79. أكرم صبري قال:
    أبريل 4th, 2008 at 4 أبريل 2008 11:05 ص

    محمد عبد الله

    حكاية ان الواحد ينسى حب بحب جديد

    ده برده بسبب الهمبكة بتاعة الاغاني والافلام

    هو احنا يا جدعان ماكنة ، ندوس على زار نحب وندوس على زار ننسى وندوس على زار نحب تاني

    شوف يا عم عبد الله

    لو عاوز تنسى حب

    اعمل لقلب ريستارت

    ولو حسيت ان الحب لسه فى قلبك

    يباه انت محتاج أنتى حب

    سطبه

    وقلى ايه النتيجة ..

  80. trust76 قال:
    أبريل 4th, 2008 at 4 أبريل 2008 12:48 م

    يالله يا كيمو

    ابو سريع عملك ادراج اللي هو…عشان خاطر عيونك الابلة كبرت خطها…

    افرح يا عم…اتاريك غالي عند الابلة ههههههههه

  81. AMEERA قال:
    أبريل 4th, 2008 at 4 أبريل 2008 1:14 م

    السلام عليكم

    ادراج ممتع ومتميز لكل من يقرؤه

    الحب فى الارض بعض من تخيلنا … لو لم نجده عليها لاخترعناه

    وما اروعه من اختراع

    حواء تناديك هناك فى مدونتى

    اتمنى التواصل

    أميييييييييييره

  82. فاطمه عبابنه قال:
    أبريل 4th, 2008 at 4 أبريل 2008 7:14 م

    الاخ اكرم صبري

    لو سألت سؤال: شو السبب برأيك اللي خلى الحب زي الهواء يجي ويروح وما يهداش بمكان ؟؟ هل صحيح اذا دخل الفقر من الباب هرب الحب من الشباك ؟؟

    اصبحت بصراحه لا اعرف المقايس التي تمشي عليها الناس في كتير من امور الحياه ..لان الامور اختلطت مع بعضها البعض وتشابكت !!! *كلمه للطلاب وصغار السن: حققوا احلامكم الاكاديميه والمهنيه, وعندها ستجدوا باب الحياة قد ُشرع لكم..

    كلماتك رساله لنا جميعا عسى ان تنفعنا ,, وجزاك الله كل الخير.

    كل الاحترام

  83. كامل النصيرات قال:
    أبريل 4th, 2008 at 4 أبريل 2008 7:25 م

    سيبقى الحب ..

    ويبقى من يدعيه

    زيبقى من لا يفهمه

    إنه الحب..

    زعيم كل العصور

    تحياتي لهذا الادراج الرائع

  84. أكرم صبري قال:
    أبريل 5th, 2008 at 5 أبريل 2008 12:45 ص

    ثقة

    وأنا جايلك

    وراكب فرس ابيض فى ابيض

    وسع يا جدع

  85. أكرم صبري قال:
    أبريل 5th, 2008 at 5 أبريل 2008 12:48 ص

    AMEERA

    شكرا لى الدعوة

    وانا فى الطريق

  86. أكرم صبري قال:
    أبريل 5th, 2008 at 5 أبريل 2008 12:49 ص

    فاطمه عبابنه

    أعجنى ردك

    ولمست فيه حكمة كبيرة

    اشكرك على هذه الافادة .

  87. أكرم صبري قال:
    أبريل 5th, 2008 at 5 أبريل 2008 12:51 ص

    كامل النصيرات

    نعم

    هو فعلا زعيم كل العصور

    اشكرك استاذى على مرورك الكريم

  88. محمد عبدالله قال:
    أبريل 5th, 2008 at 5 أبريل 2008 3:28 ص

    هي سطبه

    تعني ايه

    لا انا عملت فرومات يعني نظيف من فيروس الحب

  89. nonaa قال:
    أبريل 5th, 2008 at 5 أبريل 2008 7:48 ص

    تفتكر ممكن فعلا الواحد يحب كدة اي حد ؟؟؟؟

    مظنش …يعني احيانا الواحد بيعمل علاقات كتييييير لكن في النهاية الحب الأصلي لايمكن يتنسي أبدا …و تفضل صورة الحبيب الأول ملازمانا حتى يمكن بعد الجواز …

  90. أكرم صبري قال:
    أبريل 5th, 2008 at 5 أبريل 2008 12:12 م

    محمد عبد الله

    انتى كده فلة شمعة منورة

    تمام يا باشا

    كده انا مطمئن البال عليك

  91. أكرم صبري قال:
    أبريل 5th, 2008 at 5 أبريل 2008 12:14 م

    فيروزان

    ((تفضل صورة الحبيب الأول ملازمانا حتى يمكن بعد الجواز … ))

    انا شخصيا غير مقتنع بالحب الاول

    وشايف انه زيه زى اى حب ممكن ينتهى فى اى وقت

    ومش حيعيش الانسان أسير

  92. منى محمد(نـــــوتــــيلا) قال:
    أبريل 5th, 2008 at 5 أبريل 2008 12:54 م

    اكرم انا ليه مدونتك بتخاصمني احيانا

    بتعمل زي مدونة ميدو

    لكن اهي فتحت بس مدونة ميدو لسا مش راضيه تفتح

    المهم

    مافيش احلا من الحب قبل وبعد

    ايه رايك

    وفي احلام رومنساية

    ووردية كمان

    مساء الفل

  93. trust76 قال:
    أبريل 5th, 2008 at 5 أبريل 2008 2:28 م

    وانا بقول مين اللي لابس ابيض في ابيض وقاعد على حصان ابيض في ابيض

    هو انت ….؟؟؟؟يا راجل دا انت قطعت لي الخلف

    افتكرتك من الجماعة اللي هما…روح منك لله يا شيخ…موتني من الخوف

  94. عادل سعيد قال:
    أبريل 5th, 2008 at 5 أبريل 2008 2:58 م

    رسالة الى كل العالم

    ان حازت الفكرة قبولكم

    يمكنكم المشاركة فيها

    و فى الأجر

  95. أكرم صبري قال:
    أبريل 5th, 2008 at 5 أبريل 2008 7:58 م

    منى (نـــــوتــــيلا)

    انتى بس قولى افتح يا سمسم

    وهى حتفتح علطول

    هههههههههههههه

  96. أكرم صبري قال:
    أبريل 5th, 2008 at 5 أبريل 2008 7:59 م

    ثقة

    لاااااااااااااااااا

    انتى قصدك على دوك همااااااااا

    عروستى

  97. Ola El-Fouly قال:
    أبريل 6th, 2008 at 6 أبريل 2008 12:07 م

    مش عارفه اقول لك الغلط فين فى البنات ولا الشباب ولا التربيه ولا ظروف الحياه الصعبه ولا الغلاء ولا الأزمات فى كل شئ ولا التغيرات التكنولوجيه الرهيبه اللى جننت الناس ولا الماديه زادت على حساب القيم والأخلاق مش الحب بس لكن ده حتى العلاقات الأسريه تدهورت لكن مع كل الظروف دى والناس لسه بتحب دى حاجه ايجابيه اوى سلام

    علا الفولى

  98. طاهر الصوفانى قال:
    أبريل 6th, 2008 at 6 أبريل 2008 6:40 م

    مساء الخير يااكرم

    جيت علي قهوه جمالات كنت عاوز اشر ب سحلب

    اصل الدكتور ياخويا بعيد عنك مانعني من الشاي والقهوه

    بس مالقتش عندك ولا كرسي فاضي

    اشرب بقي في اي قهوه تانيه

    مسائك فل

  99. شهرزادwsn قال:
    أبريل 6th, 2008 at 6 أبريل 2008 11:16 م

    سلام

    يالله يا أكرم

    نبغى أدراج جديد

    ما صارت كل يوم ندخل و لا جديد

    يللا خلاص

    اشرب لك قهوة و اكتب بسرعة

    سلام

  100. أكرم صبري قال:
    أبريل 7th, 2008 at 7 أبريل 2008 2:00 ص

    Ola El-Fouly

    العيب فى حاجت كتير اوى

    العيب فينا وفى الظروف

    بس يظل الحب هو شمعة تنور حياتنا

    لكن الحب مع العقل .. يساوى حياة .. ناجحه ان شاء الله .

  101. أكرم صبري قال:
    أبريل 7th, 2008 at 7 أبريل 2008 2:02 ص

    طاهر يا بتاع الاسكاى بي انت

    ازاى ملقتش ولا كرسى

    حالا الكرسى والشاريب

    تلاقيهم ..

    انتظرني يا مان

  102. raeda_2008 قال:
    أبريل 7th, 2008 at 7 أبريل 2008 8:27 م

    أكرم صبري

    أين الجديد.طولت

    دمت بخير

  103. damas_2008 قال:
    أبريل 9th, 2008 at 9 أبريل 2008 6:53 م

    ممممم

    ايه هى القهوه فلست

    طب بيع الكراسى ونزل موضوع جديد

    ونخلى الناس تشرب واقفه

  104. moon light قال:
    أبريل 9th, 2008 at 9 أبريل 2008 7:20 م

    اخى

    الحب موجود بس للحظه كويس والدنيا الى احنا عايشين فيها والغلاء خلت الواحد مش فاضلى لا يحب ولا يدور عليه يدوب الواحد يشتغل عشان يجيب شقه وشبكه

    على فكرة فى قنا عملوا نظام للجواز معلش هخرج عن موضوعك شويه بس كله داخل على كله

    المهم عملوا طريقتين او تريكه ودروجبا ابو تريكه الجواز للناس الى حالها ماشى ودروجبا للناس الاغنياء يريت ندعم الموضوع ده

    تحياتى

  105. عرباوي قال:
    أبريل 9th, 2008 at 9 أبريل 2008 7:45 م

    تحياتى سيد أكرم قرأت ولم أستطيع إلا أن أقول برافو وأتمنى لك كل التوفيق والنجاح

  106. Wahdah Wahedah قال:
    أبريل 9th, 2008 at 9 أبريل 2008 8:02 م

    هيييييييييييييييه

    الحمد لله

    اهو التعليق 102 أحسن من مافيش برده

    أكرم

    أقولك فكره

    بلاها سوسو

    بلاها ناديه

    ومالكش دعوه بفوزيه

    بلاها بلاها

    مع احترامى لنظرية سيادتك وليكن ما يكون …. هى فعلا بلاها …. ماهو البلا بعيد عنك له اصحابه

    هو يختار

    يقرر

    عايز يحب ويتحب

    قبل الجواز بعده

    وهى حضرتها ترضى بأى حاجه يديهالها سى السيد… دا على اساس انها الست أمينه طبعا

    حبه جد بقى

    المشكاه ي أكرم اننا وللأسف ف مجتمع ذكور

    ذكورى التفكير والتنفيذ والأفكار

    اللى مدوباهم اتنين غالبا ما بتتجوزش

    ليه

    عشان عرفت قبله

    اللى بتختار الجاهز

    بتتطلع عنين الى خلفوها بعد الجواز

    ليه

    عشان هو موفرلها كل حاجه

    اللى بتعيش على حب وأمل

    بتاخد بمبه

    بتقولوا ايه يا ولاد

    بمبه

    ومحترمه كمان

    ليه…………………………..

    عشان هى تستاااااااااااااااااهل

    سلام يا صاحبى

  107. أكرم صبري قال:
    أبريل 10th, 2008 at 10 أبريل 2008 5:41 م

    الأصدقاء ..

    ام ليث

    damas

    moon light

    معتز خلة

    Wahdah Wahedah

    —-

    اشكركم على التعليق

    وعذرا على التأخير فى الرد

    بسبب التغيب الفترة اللى فاتت عن المدونة

  108. Thaera قال:
    مايو 31st, 2008 at 31 مايو 2008 11:41 ص

    اخويا العزيز.
    سلام الله عليك. شكرا على التحية و الزيارة. و الله وحشان الكم و لوجوهكم الطيبة.
    أنا بخير الحمد لربنا. بس الأردن مش بخير! الأوضاع مش مليحة. الناس البسطاء حيرانين كثير. مش عارفين يعملوا ايه. و زي ما انت بتعلم الأحكام بتعنا لا بتسمح لا بالنقاش و لا بالحوار و لا بالأنتقاد. هذا يعني اذا تواصلت الأمور هيك انفجار و بس مش حا يكون فيه مجال لغيره.



اكتب تعليــقك
الإسم الذي سيظهر على التعليق
مشتركي مكتوب
اسم آخر

« خليك جنتل مان .. وركب اريال !!
لو الحب أندله وخلاك بهدله ..يبأه خلاص حتنزل المرااااااادي ..!! »