المدونة التالية
كافة المدونات

 

الحوار الصريح بين مستكة والدكتورة نفوسة النفساوية

كتبهاأكرم صبري ، في 16 مايو 2008 الساعة: 21:27 م

صباح المكاشفات اللى هى
بصراحة ومن غير خجل مع الدكتورة
(( نفوسة النفساوية))
أستاذة علم النفس بجامعة نداغ اللبان فرع شكلس

بسسسسسسسسسس سكوت
كلاكيت تاني مرة
مشهد داخلى
(( مستكة ممدة على الشيزلونج - نفوسة قاعدة قدمها وبتعدل فى نضارتها كعب الكوباية ومشغله الكاسيت علشان تسجل ..وينتشر فى المكان موسيقى عمر خيرت الهادئة))

نفوسة النفساوية :  مستكة .. فضفضى ورطرطى الكلام اللى عندك من غير حبشتكنات ؟!

مستكة : بدأت العلاقة اللي بينّا تاخد شكل تاني.. أخدت رقم التليفون منه وبقيت باتصل بيه بصفة دايمة. كان بيبقى مشغول في أحيان كتير في الكلية، وبالتالي كنت باتصل أنا.. يعني ماكنتش باعمل فرق..

نفوسة النفساوية : وبعدين يا دلعدي ؟!

مستكة : دلوقت بقالنا 5 شهور.. بس فيه مشكلة.. ساعات كتير باحس إنه زهقان مني، وبيبعد عني باستمرار.. بيتحجج بأي حاجة عشان ينهي ميعادنا بدري ومش بيحب يقضي وقته معايا زي الأول.. باتقتل بجد لما باحس إنه مش متحمس لي.. أو مش بيحبني قد ما أنا باحبه.. مش عارفة إيه اللي حصل!

نفوسة النفساوية : يا ترى ايه سبب البرود فى علاقتكم دى ؟!!
مستكة : يا دكتور امال انا جيالك ليه !

نفوسة النفساوية :  لازم يكون فيه مشاركة وتفاعل .. طب شوفى يا مستكتى  لما بتتصلي كتير كده أو بتحاولي التواجد في حياته أكتر من اللازم، بيحس إنك مستعجلة على الارتباط، والارتباط في حد ذاته مش موضوع سهل.. لأنه حاجة بتستمر العمر كله بإذن الله فبيخاف إنه يتقدم. بيحس إنك حاسة إنك لازم ترتبطي بيه.. للأبد.. للأبد.. للأبــــد (وده شيء مخيف زي ما إنت واخدة بالك!).

مستكة :  تصدقي لقيت نفسي إذ فجأة كده باقول له تعالَ نشرب حاجة في الكافتيريا؟؟
نفوسة النفساوية :  والمشاريب على مين .. احم احم .. قصدى وبعدين ؟؟
مستكة : أصل إنت عارفة هو خجول قد إيه.. لما شفته بيبتسم لي من بعيد، قلت لنفسي أكيد عاوز يصارحني باللي في قلبه..

نفوسة النفساوية : اممممممممممممممم الكلام ده يا مستكة مش بيأكل عيش ده اساسا لو عرفتى تجيبيه وربنا نتعك بالسلامة وعرفتى توصلى لشباك الفرن .. الحقيقة يا عزيزتي إن معظم الرجالة –وده مش كلامي ده كلام علم النفس- مش بيكونوا خجولين قوي زي ما إنت فاكرة، وإن الراجل لو فعلا فعلا مهتم بيكِ وعاوز يرتبط بيكِ هيستجمع كل الشجاعة اللي عنده وهيفاتحك في الموضوع.

مستكة : عارفة إن الانتظار للـنص التاني صعب، خصوصا في الظروف الاقتصادية الجميلة اللي احنا عايشين فيها ومنحنى الأخلاق اللي في نزول مستمر..
طب حقولك حاجه .. هو لما كان فى بداية علاقتنا بيبصلى انا كنت ببصله .. دلوقت لما ببصله بيعمل انه بيقرأ فى جرنال المصري اليوم ومش مدينى اهتمام .
نفوسة النفساوية : اممممممممم معلش اصل البلد حالها مش تمام اضرابات على غلاءات على بلاوى سودة تلاقيه بيتابع .. اه اكيد بيتابع.
مستكة : لالا يا دكتورة ..اهىء اهىء اهىء .. ده مبأش يحبنى .. بيتهرب مني ..هو انا كنت غلطانة لما تجاوبت معاه لما كان بيبصلى ؟

نفوسة النفساوية : اممممممم .. بيتهيئلى كده يا مستكتى ..اصل التصرف السليم إن البنت تريح نفسها. ولا تحمل نفسها هم إنها تتابعه بعينيها، ولا إنها أول ما تحس إنه بيبص لها تبادله النظرات واللهفة. والسبب إن تلك الطريقة تجعله يفقد اهتمامه بكِ
مستكة : لا أزاى يا دكتورة ..ده فى اول علاقتنا كنا بنبص لبعض كتييييييييروكان مهتم.. لغاية ما اقعدنا نتكلم مع بعض وكان جنتل مان معايا على  الأخر ..حسيت انى عاوزه اتكلم معاه فى كل حاجه ..بأيت بتكلم وهو بيسمع .. لغاية ما ريقى نشف

نفوسة النفساوية: ودى غلطة تانية
مستكة : ازاى
نفوسة النفساوية : المفروض إن البنت في أول لقاء أو كلام بينهم تكون هادئة جداً ولو بتموت فيه.. وكما إنها هتمسك لسانها لازم أيضاً تمسك عينيها.. يعني بلاش أو -بصراحة أكثر- عيب إنها تسهّم فيه وتسبّل. لأنه هياخد باله من نفسه أكثر من اللازم وهيحس إنك محاصراه وضيقتِ عليه الخناق باهتمامك. وبالتالي، يعمل حاجة من اثنين إما إنه هيزهق وهيمل منك أو يخاف ويكش منك بسبب جراءتك.. وفي كلا الحالتين سيهرب.

مستكة : أمال أعمل إيه، كنت أتكلم في السياسة والفن والحياة العامة؟
نفوسة النفساوية : لأ.. ببساطة افتحي له الطريق وسيبيه يتكلم.. وفتح الطريق هيوصل له لما يلاقيكِ مهتمة بمن حولك ومركزة في لا شيء.. يعني عينك مش جوه عينه.. لأ.. وزعي نظراتك على كل المكان.. حتى لو ماكانش فيه ناس كتير، اتفرجي على الحيطان، بصي لتحت ووزعي نظراتك على اللي حواليه في الهوا.

مستكة : كده حيقول عليا مجنونة !!!!!
نفوسة النفساوية : وهو المطلوب .. هو اصلا فيه حد عاقل بيحب الايام دى
مستكة : طب هو ضاربها طناش دلوقت .. اعمل ايه ؟
نفوسة النفساوية : اديها طناش انتى كمان الأول والآخر العملية كلها نصيب.. آه صحيح كل واحد بيحاول بس لحد معين وبعد كده ستوب.. وزي ما قالت جداتنا زمان.. نصيبك هيصيبك مهما كنت فين.. ده النصيب غلاب.. يا ولد هات العطر .. قصدى يااااااااااااااااااااااافرج دخل اللى بعده

(( كيـــمو))

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : الحوار الصريح بين مستكة والدكتورة نفوسة النفساوية | السمات:
أرسل الإدراج  |   دوّن الإدراج  

130 تعليق على “الحوار الصريح بين مستكة والدكتورة نفوسة النفساوية”

  1. سوما حسونه قال:
    مايو 16th, 2008 at 16 مايو 2008 10:05 م

    كيموووووووووووووو

    الاوليىىىىىى

    هاقرا وارجع

  2. سوما حسونه قال:
    مايو 16th, 2008 at 16 مايو 2008 10:11 م

    كيمو

    حلو التوبيك

    عسوله نفوسه وتنفع اوى اوى الايام دى لان حاله مستكه كترت اوى اوى الايام دى

    بس ده بيحصل

    فيه اوقات المرطبتين بيزهقوا بيبقى سبب الزهق ده زياده من البنت وافراطها ف الحب زى ما قالت نفوسه بالظبط

    وبيبقى ياعينى الواد متحاصر

    بس بيبقى زهق بياخد وقته وبيرجعوا زى الاول

    تحياتى وليا شرف الاولى

  3. السيسى قال:
    مايو 16th, 2008 at 16 مايو 2008 10:55 م

    والله يابنى مافى كلمة الا وضحكت عليها مش عارف اقولك ايه على اسلوبك الساخر الحلو ده

    رغم اننى كنت انوى الا اكتب الاالاسلوبالجامد

    ولكن غيرت رأى

    لما قرات تعليقك فى زى الفل وجدت انه فاتك شيئ فى اول الموضوع

    اننى لاقصد الغاءالكتابه عن الرومانسيه ولكن نكتب عن اى شيئ حتى مجرد معرفة بسيطه به

    سواء فى اى مجال سواء سياسه اقتصاد حتى لو زراعة

    المهم الاننغلق فى اطار الرومانسيه فقط

    انت موضوعك متنوع ومتجدد ويواكب الظروف التى يمر بها المجتمع برافو عليك

  4. مفتاح الكاديكي قال:
    مايو 17th, 2008 at 17 مايو 2008 12:16 ص

    عزيزي أكرم ..

    مساء السعادة والتألق .

  5. محمد عبدالله قال:
    مايو 17th, 2008 at 17 مايو 2008 12:31 ص

    هذي مو نفوسة

    هذي فوزية الدريع

    والله انت يا كيمو تجيب الكلام هذا منين مدري

    بس با ين انك تعالج قضية مهمة جدا

    تحياتي لك

  6. hnen4 قال:
    مايو 17th, 2008 at 17 مايو 2008 3:14 ص

    صباحك ورده

    استاذي القدير

    كلامك برغم بساطته وهزليته الجميله الا انه يحمل قووووووووه في المعاني

    ورسالة هادفه

    شكرا لك

    ربي يحفظك

  7. ynas قال:
    مايو 17th, 2008 at 17 مايو 2008 4:51 ص

    نفوسة النفساوية : بجد بجد محتاجة علاج مكثف …

    أما مستكة : فيا ويلها وسواد ليلها من اللى حيتجوزها … أصلها جريئة بشكل وحش …

    والراجل ميحبش الست الجريئة … ست تخنق بجد ..

    بالذمة فيه كدا ؟

  8. زهرة النسرين قال:
    مايو 17th, 2008 at 17 مايو 2008 5:12 ص

    عرف ايه المشكلة بالظبط يا كيمو …انك بتسخدم كلام روش كتير ..يعني كلام الشباب اليومين دول ومش بنعرف نفهم منه حاجات كتير ..لازم تعمل قاموس للكلمات الروشة طحن خخخخخخخ…يعني ايه حبشتكنات هههههه

    ودولقتي بجد …والله بحس اني بطلع من مدونتك مبسوطة ومغيرة جو والبسمة على وشي …

    بس تعرف الدكتورة نفوسة دي عندها خبرة جامدة في الحياة ونصايحها مية المية …

    الراجل بيحب البنت التقيلة اللي بتصد والمدلوقة دي ربنا معاها خخخخخخخ

    بجد جميل ياكيمو …

  9. dina seliman قال:
    مايو 17th, 2008 at 17 مايو 2008 6:05 ص

    جميله اوى
    دكتوره عسل ومريضه اعسل
    ههههههه
    بجد توبيك دمه خفيف جدا كالعاده
    شكرا ليك جدا

  10. ريما الشيخ قال:
    مايو 17th, 2008 at 17 مايو 2008 10:08 ص

    شو هالطبيبة الغير شكل هيدي؟

    مهضومة كتير واسلوبك سلس

    بتمنالك كل التوفيق

    وسامحني على التقصير

  11. البحر العذب قال:
    مايو 17th, 2008 at 17 مايو 2008 12:37 م

    استمتعت بقراءة ادراجك ،،

    واظن ان نفوسه النفساويه لديها تجربه كبيره ،،

    اسلوب جميل ومشوق ،،

    اخي الطيب اكرم كن بخير ..،

  12. ***مــــــــــــــــــروة*** قال:
    مايو 17th, 2008 at 17 مايو 2008 3:08 م

    اسلوبك سلس وبسيط

    والموضوع مهم بالفعل ولكن فى اطار كوميدى ودة اللى مخلي الموضوع احلى وألذ

    ورايى ان فعلا مش المفروض ان البنت تظهر حبها اوى لان دة بيخلى الشاب يفرح اوى بنفسة ويفتكر ان مفيش زية فى الدنيا ونفس الحكاية بالنسبة للبنات

    وفى النهاية فعلا محدش بياخد غير نصيبة

  13. ***مــــــــــــــــــروة*** قال:
    مايو 17th, 2008 at 17 مايو 2008 3:10 م

    وعلى فكرة انا اللى جاية اشرب شاى

    بقى يبقى عندك قهوة اد الدنيا ومتعزمناش على حاجة

    هى فين الست جمالات نشتكيلها ؟؟؟

  14. كنزي قال:
    مايو 17th, 2008 at 17 مايو 2008 4:37 م

    كيمو حلو الادراج ده وكوميدى اووى

    وطبعا مش اىاى بيعنى يا كيمو

    دمت يتجدد وتنوع

    كنزى

  15. أكرم صبري قال:
    مايو 17th, 2008 at 17 مايو 2008 4:52 م

    سومااااا الغالية ..

    مش مسالة زهق من الحب .. لان اللى بيحب عمره ما يزهق من الحب هى المسألة ان نفوسة حاسة أن الولد ده مش بيحبها زى ما هي بتحبه…فالبنت لو مش حاسة ان اللى قدامها ده يستحقها وبيحبها يبأه اظهار حبها ليه ملهوش قيمة وجايز يستغلها .. الحب من طرف واحد بهدلة ..

    ديما يا سومااا انتى الاولى

  16. أكرم صبري قال:
    مايو 17th, 2008 at 17 مايو 2008 4:56 م

    السيسى

    يسعدنى طبعا يا باشا كلامك الجميل ..

    وأنا فهمت اللى بتقصده .. وأنا شخصيا بعمل تنوع فى الموضوعات

    لكن مقدرش أفرض ده على حد

    لكن جايز غيرى ميقدرش انه ينوع لارتباطه بلون معين .

    السيسى اسعدنى مرورك يا بوب

  17. أكرم صبري قال:
    مايو 17th, 2008 at 17 مايو 2008 5:00 م

    مفتاح الكاديكي

    مساء القشطة بالعسل

    على مرورك الكريم

  18. دمــــوع قلبـــــى قال:
    مايو 17th, 2008 at 17 مايو 2008 5:02 م

    السلام عليكم ………………

    اعجبني اسلوب في النقد ويمتزج بين حروفه السخريه ………………. ضحكت كتير وانا بقرا الموضوع ده ……………..

    امثال مستكه بقو كتير اليومين دول ……………… والبنات بقت كمان هي اللي بتعاكس ………………… يلا ماعلينا بقي دنيا …………..

    بس بصراحه عجبتني الدكتوره نفوسه نفسويه ديه اووووى …….. ياريت تبقي تسبلنا العنوان …………. ههههههههههههههههههه

    تقبل مرورى ………………

  19. إشراف شيراز قال:
    مايو 17th, 2008 at 17 مايو 2008 5:33 م

    كيمو ………

    هما بنات الجيل ده بقت بتتلقح على العيال كده ليه ….هما خلصو ..؟؟؟

    مش تتقل شويه و تستنى نصيبها …..و لا لسانها اللي يغزل بالثرثرة عمال على بطال

    و تعمل صداع …و تلاحق الولد بالتلفونات و الماسجات كانها امتلكته …………..

    طبعا خنقه …

    البنت المفجوعه على الارتباط اللي ترمي نفسها …. بتترمى على الرصيف ……

    لازم تعزز نسها و تثقل………

    أصل جدتي دائما كانت تقلي …بنات النهارده (لا زين يعقل و لا شحم يثقل )…

    و بعدين البنت دي ما كانتش محتاجه نقوسه كانت محتاجة مدرس تربية دينية ..

    يلا صدعتك ….يعجبني نشاطك ههههههههههههههههههههه

    تقبل مروري …

  20. أكرم صبري قال:
    مايو 17th, 2008 at 17 مايو 2008 6:14 م

    محمد عبدالله

    ازيك يا شيخ العرب ؟؟؟

    لاااااااا يا شيخ العرب دى نفوسة

    حد برده ميعرفش نفوسة النفساوية

    ده كلام يا شيخ العرب هههههههههههه

  21. أكرم صبري قال:
    مايو 17th, 2008 at 17 مايو 2008 7:12 م

    نــــــوني

    شكرا على كلامك الجميل

    اخجلتم تواضعنا يا نوني

    وشكرا لمرورك الجميل

  22. أكرم صبري قال:
    مايو 17th, 2008 at 17 مايو 2008 7:14 م

    يحيى القبطان ..

    نحن عبرنا عن واقع يا بوب

    كان طرفيها نفوسة ومستكة .

    شكرا يا يحيى على مرورك العطر يا باشا

    وبالتوفيق فى الامتحانات

  23. أكرم صبري قال:
    مايو 17th, 2008 at 17 مايو 2008 7:16 م

    زهرة النسرين

    زهرة مكتوب المتفتحة .. كده يا زهرة ختخلينى أعمل قاموس مخصوص فى المدونة لفك لو غاريتمات الكلام ..

    بس لغة الروشنة فرضت نفسها يا زهرة

    لان ده هو الجيل الجديد

    شكرا يا زهرة هااااااانم على مرورك وتعليقك الاجمل .

  24. أكرم صبري قال:
    مايو 17th, 2008 at 17 مايو 2008 7:18 م

    dina seliman

    دينا .. اخبارالامتحانات معاكي ايه ..!

    اشكرك يا دينا على كلامك العسول

    ونورتي المدونة .

  25. أكرم صبري قال:
    مايو 17th, 2008 at 17 مايو 2008 7:21 م

    ريما الشيخ

    لا تقصير ولا حاجه ابدا انا مقدر الظروف ..

    ودعواتنا للبنان بالسلامة

  26. أكرم صبري قال:
    مايو 17th, 2008 at 17 مايو 2008 7:22 م

    البحر العذب

    اول زيارة لك نورت المدونة

    ونفوسه فعلا تتكلم من واقع حياة .

  27. أكرم صبري قال:
    مايو 17th, 2008 at 17 مايو 2008 7:24 م

    مروة عبدالله

    اهلا بيكى يا مروة

    وانا معاكي .. وان لازم الراجل هو اللى يبدأ بكلمة الحب .. لان فيه رجاله معندهمش ضمير لوقالت له البنت بحبك وهو مكنش فعلا بيحبها اكيد حيلعب بيها !

    اشكرك يا مروة على مرورك العسل

    ومتقلقيش

    الشاااااااااااااااااااي على النار

  28. أكرم صبري قال:
    مايو 17th, 2008 at 17 مايو 2008 7:25 م

    كنزى 2009

    ههههههه مش أى أى ولا زى زى

    نورتى التوبيك يا كنزى

    وشكرا لمرورك الجميلَ

  29. أكرم صبري قال:
    مايو 17th, 2008 at 17 مايو 2008 7:29 م

    دمــــوع قلبـــــى

    هههههههههههههه

    عنوان نفوسة ميتوهش ..بس بدل اللف انا اجبلكم نفوسه هنا فى المدونة تحل المشاكل واييييييييه حاجه ببلاش كده .. ويباه انفراد وحصريا لجمالات .

    ومعاكي ان البنات باه تعاكس الرجالة

    مبأش فيه راجل عارف يمشى فى الشارع ههههههههههههههه

    نعمل ايه بأه !

  30. أكرم صبري قال:
    مايو 17th, 2008 at 17 مايو 2008 7:31 م

    إشراف شيراز

    يااااااااااا سلام عليكى وعلى العقل بتاعك يا اشراااااااااااااف

    ابشرى يا اشراف .. مش حتتجوزى هههههههههههههههههههه

    هو مش عيب البنت تستعجل الارتباط لكن تحافظ على كرامتها وتباه أغلى من أى حاجه.

    اشرااااااااااااااااااااف هانم نورتي المدونة .

  31. السيسى قال:
    مايو 17th, 2008 at 17 مايو 2008 7:50 م

    اكرم صديقى ذادك الله ابداعا

    ماتيجى تشرب الشاى عندى ولا مش فاضى؟

    ياريت تشرفنى

  32. إشراف شيراز قال:
    مايو 17th, 2008 at 17 مايو 2008 8:12 م

    كيمووووو…………..

    ابشر أنت هههههه صح النوووم……..

    انا متجوزه و أم محمد كماااااان …………..ههههههههههههههههه

    باااااي

  33. أكرم صبري قال:
    مايو 17th, 2008 at 17 مايو 2008 9:14 م

    السيسى

    جيلك يا باشا

    نشرب الشاي سواااااااااااا

    من ابو فتلة ده

  34. أكرم صبري قال:
    مايو 17th, 2008 at 17 مايو 2008 9:17 م

    أم محمد هاااااااااااااانم

    ربنا يسعدك يا رب وتفرحى بمحمد وهو عريس كده

    ادعلنى بأه .. علشان أستقر انا كمان .. اصل الجواز ده لابد منه .. يعنى حندخل القفص حندخل وياشماتة طنط كيماااااااااااا فيااااااااااااا اهىء اهىء

  35. محمد عبدالله قال:
    مايو 17th, 2008 at 17 مايو 2008 10:49 م

    ههههههههههه

    الا على فكره ايش البوب الكبير

    بعدين شيخ مره وحده والله ولا حتى شيخ غفر

    مبروك مقدما كيمو اباء شفلي معك قفص ادخلة انا كما ونبقى جيران في اي حديقة

    هههههههههههههههههههههههههههههههههه

    تحياتي لك

  36. أكرم صبري قال:
    مايو 17th, 2008 at 17 مايو 2008 11:16 م

    محمد عبدالله

    هههههههههههههههه

    البوب الكبير تعنى الريس او الزعيم الكبير

    بعدين ماله شيخ العرب ده انت شيخ ونص كمان

    بالنسبة للقفص متستعجلش يا خويا كلنا حندخل قفص الزوجية

    بس خلينا نشم هواء الحرية شوية

    انت مستعجل أوى يا خويا ههههههههههههههه

  37. عرباوي قال:
    مايو 18th, 2008 at 18 مايو 2008 12:47 ص

    أحم مش فاهم

  38. أكرم صبري قال:
    مايو 18th, 2008 at 18 مايو 2008 1:01 ص

    معتز خلة

    يبأه استعين بصديق

  39. لهفة حنين قال:
    مايو 18th, 2008 at 18 مايو 2008 6:41 ص

    الله على المحلل النفسي

    ما شاءلله عليك عقليه متفتحه وكلام منطقي

    سعدت بقراءتي لنوع فريد ومفيد

    ربي يعطيك العافيه ويحرسك ربي من كل عين حاسده

  40. محمد عبدالله قال:
    مايو 18th, 2008 at 18 مايو 2008 8:07 ص

    مستعجل اوي هههههههههههههه

    ابي ادخل القفص الذهبي قبل ادخل التخشيبه الي الطالع منها مولود والداخل مفقود

    ههههههههههههههه

    تحياتي اكرم بيك

  41. mona sawy قال:
    مايو 18th, 2008 at 18 مايو 2008 10:45 ص

    ****….كيمو صديقي المبدع

    …مش قلت لك ..خفة الدم عطيه من ربي و ربك

    …تصور لو واحد دمه تقيل حب يكتب الكلام ده

    …كان زمان اللي بيقرى عند نفوسه للعلاج

    …سلم ايدك يا خفيف الظل.. و أشوفك في القفص

    ..اللي مافيش منه مفر..

    .

  42. سوما حسونه قال:
    مايو 18th, 2008 at 18 مايو 2008 3:08 م

    كيموووووووووو

    يارب تدخل القفص يارب

    ويرزقك بواحده تمشيك ع العجين متلخبطوش كده هههههههههههههههه

    وبعدين انت مستعجل ليه ؟؟؟؟؟

    الجواز ده مسئوليه وشغلانه

    خليك ف هوا الحريه يا باشااااااااااااااا

    سلام ع الطاير وتحيااااااااااااااااااات ليك يا كيموووووووو

  43. أكرم صبري قال:
    مايو 18th, 2008 at 18 مايو 2008 4:09 م

    لهفة حنين

    تشرفت بزيارتك فى أول مرة

    وأشكرك على كلام الحلو ده .

  44. أكرم صبري قال:
    مايو 18th, 2008 at 18 مايو 2008 4:11 م

    محمد عبدالله

    شيخ العرب .. منور المدونة .. بعد الشر عليك يا عم من التخشيبة انت زى الشاطر كده حتتجوز واهوووو احسن من التخشيبة برده هههههههههههه

    ولا انت ايه رايك يا شيخ العرب.. مش احسن برده !

  45. أكرم صبري قال:
    مايو 18th, 2008 at 18 مايو 2008 4:21 م

    mona sawy

    الهاااااااااااااااااااااااااااانم

    عاملة ايه يا موني

    اخجلتم تواضعنا يا موني

    انتى اللى دمك شربات

    يا بتاعة ادغدغه واميه ولا انفع غيرى بيه

    المثل ده دخل دماغي على فكرة هههههههه

  46. أكرم صبري قال:
    مايو 18th, 2008 at 18 مايو 2008 4:25 م

    سوما حسونه

    سومااااااااااااااااااااااااااااااا

    عاوزانى ادخل القفص ولا ايه .. واهون عليكى يا سومااا ..وكمان واحدة تمشينى على عجين هههههههههههههههه

    كله بأوانه سا يومااااااااااااا

    وده نصيب

    بعدين يعنى كله حيتجوز يعنى حيتجوز

    ده قدر يا بنتى

  47. شهرزاد أمين قال:
    مايو 18th, 2008 at 18 مايو 2008 8:05 م

    أخي أكرم … عسل والله عسل …

    دام الابداع يارب ….

    أغلى التحايا …

  48. محمد عبدالله قال:
    مايو 18th, 2008 at 18 مايو 2008 9:25 م

    انا رايي ان لامفر من التخشيبة

    يا تخشيبة الزواج يا التخشية الثانيه

    مسائك فل يا زعيم العزوبيه

  49. طاهر الصوفانى قال:
    مايو 19th, 2008 at 19 مايو 2008 12:29 ص

    كيمو

    عزرا مني ساضع هذا الاعلان عندكم ولو مؤقتا

    —————–

    ابدا لم اكن اريدك ان تكون ساحتي لمثل هذه المهاترات

    ولكنها ضريبه ال؟؟؟؟؟؟؟؟؟؟

    ومايكتبه الاعلان السابق هو سلاح العجزه والفاشلين

    وسارد فقط عليه بما جعله هو او هي ايا كان الاسم المستتر– سارد عليه برده هو في

    مزبلته المسماه مدونه —

    قال تعالى :{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6

    وفقط اسمحوا لي ارد وبالمعروف والحسني ودون الخروج عن اللياقه في سياق الحديث

    قال تعالي

    وعباد الرحمن الذين يمشون علي الارض هونا واذا خاطبهم الجاهلون قالوا سلاما

    اذا ايضا اقول لك او لكي— سلاما

    طبعا للمدعو بالخطأ اعلاه مدون ولان السم اسمي من نطقه ولانه مستعار لن انطقه

    وسارمز له فقط بعاشقه الفتنه لانه لن يكون ابدا رجلا باي الاحوال

    فقط اريد ان احزر الاخوه عفوا في اللفظ

    اقصد لايعلق ابدا اي من الاخوه علي هذا التافه وغالبا انها امرءه مريضه نفسيا

    وبغبائها ستعرف وستكشف عن نفسها

    ولانها اختارت اربع شخصيات معروفه بمكانتها اللهم اني اقلهم وانا اقل خلق الله وحتي

    باختلافي الكلي مع البعض منهم الا انه بمضمونه انسان ذو حيثيه كبيره لاتنكر ابدا عليه

    وباقي الاخوه فوق الشبهات وهذا ليس دفاعا عنهم لا والله فهم اسمي وارفع من ان يكتب

    عنهم سفيه او سفيهه فقط اريد ان اقول هناك من لايستطيع العيش في سلام ويختلق

    الزوبعات والاكاذيب حقدا وغلا وللاسف اختار من هم بعيدين كل البعد عن الشبهات

    حتي اسانيده نفسها هي برائه —

    ويللعجب من اسلوب الحاقدين

    فقط توضيح اخير

    ارجو من الاطراف المعنيه بالسباب عدم الرد بنفس الاسلوب

    لان هذا هو منتهي طلب الحاقدين

    كما ارجو الاخذ في الاعتبار ان الجنسيه المدعوه ايضا غلط ولكنها للفتنه والتضليل فقط

    هذا للايضاح فقط

    وشكرا لكم

  50. غريب الدار قال:
    مايو 19th, 2008 at 19 مايو 2008 6:53 ص

    صديقي الانيــــــــق … اكرم صبري

    صباح الورد والفل والعنبر ….

    رائع تحليل منطقي جميل … جميل جدا ماقراءت والتعليقات جدا استفدت منها

    اخي الحبيب لانك العزيز لك رشة عطر تنتظرك في مدونتي … بناء علي طلبك

    دائما تسأل عن الجديــد … اهلا وسهلا بك ايها الراقي …

    باقة ورد وتحيه

    مودتي

    غريب الدار

  51. trust76 قال:
    مايو 19th, 2008 at 19 مايو 2008 7:39 ص

    صباحك سكر

    حبيت اطمنك..انا بخير

    يا عسل

  52. سوما حسونه قال:
    مايو 19th, 2008 at 19 مايو 2008 10:19 ص

    كيموووووووو

    صباح الفل والورد عليك

    حبيت بس اصبح عليك

    يارب تكون بخير

    وحرّس من التخشيبه هههههههههه

    تحياتى ليك

  53. عمرو مدحت قال:
    مايو 19th, 2008 at 19 مايو 2008 11:15 ص

    كيمو العجيب
    صدقني لو قلتلك ان زيارتك لي بتخلييني في غايه السعادة
    كلامك جميل ودمك زي العسل ودايما بتشجع الغلابة اللي زي حالاتي
    قم ايه اطلع اجري علي قهوة جمالات علشان استمتع بالدماغ العاليه والتشريح
    المتقن للمجتمع المصري من خلال الاسلوب الساخر الواعي في ان معا
    صباحك عسل يا صديقي العزيز
    دمت بخير

  54. hamasatdalia قال:
    مايو 19th, 2008 at 19 مايو 2008 3:23 م

    كيمووووووووووووووووووو

    طب شوف باه يا أكرم أنا متعاطفة أوى اوى أوى مع مستكة

    يا كيمو البنت ما بتصدق تلاقى واحد بن حلال فى وقت الشباب أصبحوا شىء فظيع

    البنت لها حق تدافع عن حيها

    وأما بأه نصائح طنط النفساوية هههههههههه جميلة جدا بس هى قاسية على البنت أوى

    ديما توبيكاتك لذيذة

    بس حقولك كلمة واحدة بس :::: صباح الطناش :::

  55. trust76 قال:
    مايو 19th, 2008 at 19 مايو 2008 6:00 م

    انا اخدت الربابة اللي وقعت منك واديني بلف شوارع مصر…وبنادي

    انت فين يا كيمو…يا هندسة

    …………..ويجيبني الصدا

    مساك فل يا عمنا

  56. 333man قال:
    مايو 19th, 2008 at 19 مايو 2008 7:18 م

    مساء الخير

    نعلمكم ان صعلكتنا قد بدأت

    لا نجبر احداً ان يزورنا

    بل نريد ان تكون هذه الزيارة بملْ ارادتكم

    لاننا نحاول ان نكون صوتكم

    تحيتي

  57. أكرم صبري قال:
    مايو 19th, 2008 at 19 مايو 2008 7:23 م

    شهرزاد أمين

    أشكرك يا ذوق ..

    وأسعدنى مرورك الجميل

  58. ليالي و حنان قال:
    مايو 19th, 2008 at 19 مايو 2008 7:28 م

    :

    أكرم صبري

    أهلا و مرحبا بك .. و مرور أول في ” قهوة جمالات ”

    بجد أسعدني جدا ذلك الحوار بين د. نفوسة و مستكة

    و تقدر تقول إنه ما بيصحش إلا الصحيح .. و العقل زينة .. و لسه السنين جايه فنخلي

    الحكاوي الكتيرة لبعدين حتى يبقى تجديد .. كل احتفالية بمرور عام زواج تحكيله موضوع

    جديد .. و بكده تضمن إنه مثبت و متبت .. لأنه هيستنى للسنة اللي بعديها عشان

    يعرف الموضوع الجديد ..

    و اما عن فترة الخطوبة و التعارف اللي قبل مراسم الزواج فالمفروض انها تكون معرفة

    للأساسيات و الشخصيات و الطباع عشان البناية تطلع متينة و مهما جالها من هزات

    و أعاصير تقدر تستحمل و تقاوم ..

    لك أسلوبك المميز و يحق لك أن تهندس يا مهندس

    تحياتي .. ليالي الــ حنان

  59. أكرم صبري قال:
    مايو 19th, 2008 at 19 مايو 2008 11:23 م

    محمد عبدالله

    هههههههههه

    خلاص انت ادتنى لقب زعيم العزوبية

    يا باشا ما قلنا ده شىء لابد منه ههههههههه

    بس لغاية النهاردة .. نغنى ونقول احب عيشة الحرية !

  60. أكرم صبري قال:
    مايو 19th, 2008 at 19 مايو 2008 11:25 م

    طاهر الصوفانى

    يااااااااااااعم طاهر

    انا حذفت التعليق الغريب اللى جالى ده من واحد مجهول بيشتم فيك

    متحطش فى بالك

    والمفروض اى شخص تجيله حاجه زى دى

    علطول دلييييييييييييييييييييييييت

  61. أكرم صبري قال:
    مايو 19th, 2008 at 19 مايو 2008 11:26 م

    غريب الدار

    صباحووووووووووووو منجه

    شكرا يا غريب لكلماتك

    وباقة الورد العسل دى

    وانا ذهبت لمدونتك وشوفنا الجديد كله يا باشا .

  62. أكرم صبري قال:
    مايو 19th, 2008 at 19 مايو 2008 11:27 م

    ثقة

    باشااااااااااااااااااااا

    صباحو مانجه (( حتت مش عصير ))

    أشكرك على سؤالك يا باشا .. والحمد لله انك طمنتنا عليك .

  63. أكرم صبري قال:
    مايو 19th, 2008 at 19 مايو 2008 11:32 م

    سوما حسونه

    يعنى الواجب .. يعنى المجدعة .. يعنى البنات السكر

    يعنى مصر بطيبتها ..

    صباحك إشطة بالعسل

    وبالنسبة لتخشيبة الجواز هههههههههههه اعمل ايه بأه

    حد برده يقدر يعيش من غير النص الحلو

    دى تباه عيشه مسخة أوى .

  64. أكرم صبري قال:
    مايو 19th, 2008 at 19 مايو 2008 11:34 م

    عمرو مدحت

    عمووووووووووووووووووووووووري

    يا راجل متقلش كده

    انت راجل عسل ومدونتك عسل يبأه ولازم الواحد يزورك ويشوف ديما ايه الجديد عندك

    نورت المنتدى يا بوب .

  65. أكرم صبري قال:
    مايو 19th, 2008 at 19 مايو 2008 11:43 م

    hamasatdalia

    يا داليا أنا معاكي ان البنت تتمسك بحبها وتدافع عنه بس لما تكون متأكده فعلا إن اللى قدامها ده بيحبها وشاريها وعاوزها .. ولازم هو اللى يقولها كده ..مش تعيش فى وهم

    داليا بجد مرورك بيسعدني

    واتمنالك الصحة والعافية

    ومفيش طناش ولا حاجه .

  66. أكرم صبري قال:
    مايو 19th, 2008 at 19 مايو 2008 11:45 م

    الصعاليك

    لنا زيارة قريبة

    إن شاء الله .

  67. أكرم صبري قال:
    مايو 19th, 2008 at 19 مايو 2008 11:48 م

    ليالي و حنان

    أهلا بك فى أول مرور فى قهوة جملاااااااااات .. والقهوة نورت وحالا تنزل المشاريب

    واقتبس من تعليقك قولك

    ——–

    عن فترة الخطوبة و التعارف اللي قبل مراسم الزواج فالمفروض انها تكون معرفة

    للأساسيات و الشخصيات و الطباع عشان البناية تطلع متينة و مهما جالها من هزات

    ——-

    اتفق معك .

  68. عرباوي قال:
    مايو 20th, 2008 at 20 مايو 2008 2:14 ص

    أكرم أستعنت بصديقى أللى بثق فيه قاللى ده راجل سياسى أوع تروح قهوة جمالات ده أكرم حيوديك فى داهية وأحم؟؟؟؟؟؟؟؟؟؟؟؟؟؟؟؟ مش مصدق ولسة مش فاهم مال جمالات ونفوسة ومستكة بالسياسة أنا عندى ولاد عايز أربيهم لو فيه مرشدين على القهوة مش جاى تانى ويافكيك أكرم تحياتى فهمت ولا أيه

  69. أكرم صبري قال:
    مايو 20th, 2008 at 20 مايو 2008 2:32 ص

    معتز خلة

    إممممممممممممممممممم …

    عروستى

    عموما اطمئن ..جبعتلك العيش والحلاوة ههههههههه متقلقش

  70. عرباوي قال:
    مايو 20th, 2008 at 20 مايو 2008 2:58 ص

    أستاذنا الغالى أكرم تحياتى من القلب طيب ياصديقى أهديك ضحكات الأدراج السابق للأدراج أللى شرفته أما عن تعليقى فهو دعابة لزيارتى ؟ عروستى تنفع عنوان لقصة وشوشة مش مفهومة على قهوة جمالات قمة النجاح والمستقبل يفتح ذراعيه وقهوة جمالات منورة بيك وصليت ألنهاردة الفجر حاضر ؟ صديقى أنت صديق كل من زارك وغيابك عنا يؤثر فينا

  71. المغترب قال:
    مايو 20th, 2008 at 20 مايو 2008 7:01 ص

    خاطرة .. شيب أمنيتي

    كتبت بمدونتي وتنتظر قرائتكم الكريمة

    لي عودة للتعليق

    تقبلوا تحياتي

  72. خفقـــات قلبــــــى قال:
    مايو 20th, 2008 at 20 مايو 2008 7:50 ص

    حلو أوى الإدرااااااااااج بجد عجبنى

    وحبيت أوى نفوسة ومستكة … ورغمأن القصة فى شكلها كوميدى

    لكن وراها مشكلة كبيره ومعنى قوى

    أن البنت سهلة بتفضل سهلة للولد وميتهيأليش هيفكر فيها للجواز

    وأن لو أتنين حبو بعض يبقى لازم تحصل خطوة رسمية يثبت بيها حسن نيته وتثبيت بيها تربيتها وأخلاقها

    وللأسف دلوقتى هو ده الشائع ..ولد وبنت تجمعهم قصة حب

    ويفضلو مع بعض شهر أتنين .. سنة أتنين .. وبعد كده مع السلامة

    وعموما أنت لخصت الموضوع فى كلمة حلوة أوى

    (هو اصلا فيه حد عاقل بيحب الايام دى)

    والله عندك حق .. ده الواحد اللى بيشوفه وبيسمعه من الناس بيخليه يكره سيرة الحب اصلا مش يخاف منه بس

    &&&&&&&&&&&&&&&

    عذراً على التطويل … وقبل أن أنهى كلامى

    لفت نظرى وجود فاروق جويده بالمدونه وحبك له … فدعنى أسجل أعجابى انا ايضاً به

    فأنا من عشاااااااااااااااق أشعاره جدااااااااا

    دمت بألف خير…

  73. trust76 قال:
    مايو 20th, 2008 at 20 مايو 2008 8:05 ص

    صباح الخير والورد والفل على سيد الكل

  74. rash-al قال:
    مايو 20th, 2008 at 20 مايو 2008 9:05 ص

    ههههههههه

    بجد حلوة وانت فعلا اسلوبك بالكتابة جيد

    دمك خفيف

    *****************

    سؤال خارج التعليق

    انا بقالي فترة مش لاقية مدونة دماس صاحبة مدونة الشعرونة

    لو حد يعرف عنها حاجة انت او زوار مدونتك

    طمنونا عليها وشكرا ليك

  75. مجد الدين قال:
    مايو 20th, 2008 at 20 مايو 2008 12:00 م

    اهلا عم اكرم

    كابتشينووووووووووو يا منتصر

    المهم هييييييييييييه وادي قاعده

    هههههههههههههههههههههههههههه

    ضحكتني والله يا اكرم بس بجد كنت مخنوق وفرفشت عندك

    الواحد يا اكرم بيجي عندك كده ونفسه تكون ايه 100 100

    موضوعك حلو بجد دام تالقك وابداعك

    ايه ده الواد دلق الكابتشنو علي البنطلون بعد اذنك يا اكرم اروح بقي

    بس مستكه عينها فيه يلا زي بعضو

    سلاااااااااااااام

  76. الكاتب الساخر/ اسلام فتحي سعد قال:
    مايو 20th, 2008 at 20 مايو 2008 1:02 م

    يشرفني منك زيارتك لمدونتي
    جديدي قصيدة” ستون مقطعا لموتي البطيء…في ذكري الوكسة العربية “

  77. Thaera قال:
    مايو 20th, 2008 at 20 مايو 2008 2:03 م

    ها آني رجعت يا حبابي.
    رجعت لبيتي و احبابي بعد العاصفة لي هزت أرضنا. رجعت بيروت للعنف و للدمار. رجعت مش على ايد الي بيكرهوها بس على ايد الي بيحكوا انهم بيحبوها.
    رجعتلكم يا احبائي. كنت بعيدة عنكم و عن نفسي. وحشتوني كثير.
    بستناكم بفارغ الصبر.

  78. يوسف قال:
    مايو 20th, 2008 at 20 مايو 2008 3:44 م

    مستكة اجننت ، ونفسية النفساوية أجننت كمان

    ربنا يستر علينا

    ماهى حاجة اجنن فعلا

    تحياتى …تركت لك تعليقا على الادراج السابق

  79. عادل حجازى قال:
    مايو 20th, 2008 at 20 مايو 2008 4:08 م

    اكرم صبرى

    جاااااااااااااااااااااااااااااااااااااااامد جدا الادراج !

    انت غيّرتلى المود من اليمين للشمال !

    اسلوبك غاية فى البساطة العميقة …والعمق البسيط !

    وشكرا لكلامك على مدونتى

    تحياتى ياجميل

  80. أكرم صبري قال:
    مايو 20th, 2008 at 20 مايو 2008 4:58 م

    معتز خلة

    يا باشا هزر براحتك

    بس برده العيش والحلاوة حيوصلك ههههههههههه

    وربي يخليك على كلامك الحلو

  81. أكرم صبري قال:
    مايو 20th, 2008 at 20 مايو 2008 5:00 م

    المغترب

    حاخد أول ميكروباص وبلاش تاكسي

    واطلع على مدونتك عدل .

  82. أكرم صبري قال:
    مايو 20th, 2008 at 20 مايو 2008 5:05 م

    خفقـــات قلبــــــى

    أهلا بيكى فى أول زيارة .. ههههههههه وثانية اعلق على الشاى بأه ونعمل واجب الضيافة …

    تعليقك حلو ومفيد ..وأنا متفق معاكي أن مفيش حد بيحب للابد ,ان فلسفة ( الحب للحب ) دى مرفوضة شكلا وموضوعا .. ولو البنت مش عارفه راسها من رجليها يبأه حتتعب أوى فى العلاقة دي .. لازم كل شىء يباه واضح من الأول .

    —

    بالنسبة لفاروق جويدة أشكرك يا ستى وهو فعلا شاعر يستحق منا كل إحترام

    أسعدنى تعليقك

    ومعرفتي بمدونتك يا خفقات.

  83. أكرم صبري قال:
    مايو 20th, 2008 at 20 مايو 2008 5:08 م

    ثقة باشااااااااااااا

    صباح القشطة

    ايوه كده اعملى للمدونة حس

  84. أكرم صبري قال:
    مايو 20th, 2008 at 20 مايو 2008 5:49 م

    الوردة البيضاء

    اهلا يا وردة

    فعلا انا ملاحظ ان مدونة دامس اتحذفت

    ومعرفش اى حاجه عنها

    والله أعلم بالاسباب اللى خلتها تعمل كده .

  85. أكرم صبري قال:
    مايو 20th, 2008 at 20 مايو 2008 5:52 م

    مجد الدين

    ههههههههههه

    يا باشا تهمنا جدا نفسية حضرتك

    كل لما نفسيتك متبأش تمام

    تعالى إلى هناااااااااااا فورا

    بس من غير الكابتشينو ده اللى بيقع عليك ههههههههههههههه

    احنا عندنا كل المشاريب

  86. أكرم صبري قال:
    مايو 20th, 2008 at 20 مايو 2008 5:54 م

    الكاتب الساخر/ اسلام فتحي سعد

    شكرا لمرورك يا اسلام

  87. أكرم صبري قال:
    مايو 20th, 2008 at 20 مايو 2008 5:57 م

    Thaera

    ايه كل ده غياب

    بجد فرحت بعودتك لعالم التدوين

    يله إبداى تدوين

    إلى التدويييييييييييييييييييييييييييييييييييييييييييين

    فوررررررررررررررررررررررررا

  88. أكرم صبري قال:
    مايو 20th, 2008 at 20 مايو 2008 6:04 م

    يوسف

    لا متجننوش دول بيعبروا عن الواقع

    وسنرى تعليقك يا باشا على التوبيك التاني

  89. أكرم صبري قال:
    مايو 20th, 2008 at 20 مايو 2008 6:07 م

    Adel Hijazi

    يا عم كل لما مودك يكون شمال خد اول ميكروباص وتعالى على قهوة جمالات

    وملكش دعوة

    بس يا بوب

    اشكرك لزيارتك الكريمة ..

  90. HARD TIMES قال:
    مايو 21st, 2008 at 21 مايو 2008 12:58 ص

    كيمو الجميل لك واحشه والله ان جيت اسلم وهختفي تاني بحاول اتابع كدا علي قد مقدر

    بس ايه الجمال ده يابني انت بتجيب الحاجات دي منين ونفوسه النفساوية ومستكه والنصااااااااااااااائع الرائعه دي والله يا اكرم البلد كلها عاوزه واحدة زي نوفسه دي ياريت تبقي تحجزي ليا انا الاول وبالمره اخد الجماعه معايا هههههههههههه

    تقبل تحياتي

  91. عاشــــــقة الورد قال:
    مايو 21st, 2008 at 21 مايو 2008 1:16 ص

    أخي أكرم صبري

    لن أحكي عن اسلوبك في السرد فانت دائما موفق كالعادة…

    الحوار بين نفوسة و مستكة …يطرح قضية مهمة حاولت ان توصلها باسلوبك الشيق …

    جميل انفعالك داخل النص الروائي…

    فعلا نحس بان الحوار يروى على لسان الشخصيات…

    اتمنى لك كل التوفيق والنجاح

    وأعتذر لك عن تأخير لأسباب طارئة

    تقديري واحترامي لك

  92. صفاء سويدان قال:
    مايو 21st, 2008 at 21 مايو 2008 4:09 ص

    أخى الكريم

    قد تغيبت التربية الدينية والأخلاقية عن المجتمع مما جعل لقاء الفتاة بالفتى بالأمر الطبيعى وهذا يسبب الإنخلاع وانصراف الشباب عن الزواج واختفت مقولة العيب والحرام

    حاول أخى أن تعالج هذه النقطة وخصوصا أن أسلوبك فى الحديث شيق وممتع

    لك تحياتى

  93. ynas قال:
    مايو 21st, 2008 at 21 مايو 2008 5:44 ص

    أخى الغالى

    صبحكِ الله بالخير والسعادة والرضا

    صباح الخير
    ————————–

    جديدى بانتظارِك

  94. لين عبد الله قال:
    مايو 21st, 2008 at 21 مايو 2008 9:06 ص

    اسعد الله اوقاتك اخي اكرم

    مرور للالقاء التحيه والبحث عن جديدك

    مودتي الخالصه لك

  95. سوما حسونه قال:
    مايو 21st, 2008 at 21 مايو 2008 12:39 م

    صباحك سكر يا كيمووووو

    واحلى صباح معطر برائحة الورد والريحان للناس اللى قاعده ع البحر

    ابقى سلملى عليه يا كيمووووووو

    تحيــــــــــــــاتى

  96. شيرين foda قال:
    مايو 21st, 2008 at 21 مايو 2008 8:42 م

    أكرم قرأت حوار نفوسة وأنا ميتة على نفسى من الضحك بس مستكة غلطة تتعب نفسيتها ليه مع إنسان مش حاسس بيها الحب ما هو إلا إحساس و كرامة حب مستكة من عدم إرجعى يا بنتى لعقلك 0

  97. زهرة النسرين قال:
    مايو 22nd, 2008 at 22 مايو 2008 6:02 ص

    كيمو صباح الخير ..

    قلت اشوف اخر اخبار الدكتورة نفوسة ايه …اتاريها على حطة ايدها ياعيني …

    تحياتي

  98. Nassira-nounou arabe قال:
    مايو 22nd, 2008 at 22 مايو 2008 6:36 ص

    ادعوك لادراجي الجديد في حضن وصفة للحب

    مع التحية

  99. شيرين foda قال:
    مايو 22nd, 2008 at 22 مايو 2008 8:42 ص

    الله عليك يا أكرم حقيقى بتطرح مشكلة ، مستكة يا عينى عليها عملت لنفسها موضوع من لا موضوع حقيقى صعبانة عليا و بعدين يا مستكة فى رجالة عندها (الممنوع مرغوب )سيبك منه و يمكن تلاقيه تحت رجليكى و إن مش لاقتيه إنتى إللى كسبانه، الحب ما هو إلا إحساس جميل صادق و كرامة وإحترام وتقدير و شعور متبادل بين الطرفين

    وبلاش تذهبى للـدكتورة نفوسة تانى داوى نفسك بنفسك دى أوهام

    و الله يعوض عليكى يا بنتى إنتى و أمثالك إللى عايشين فى وهم إسمه الحب .

  100. أكرم صبري قال:
    مايو 22nd, 2008 at 22 مايو 2008 9:05 ص

    MOSTAFA HEMDAN

    ايه يا باشا حتختفى تاني فين بس

    وبلاش لحكاية الحجز عند نفوسه دي ههههههههههههههه

    ولا يهمك يا باشا

    نحجزلك

    نفوسة بنت جدعة وبتخدم برضه ههههههههههههههههه

    بلاش تغيب كتير يا مصطفى وطمنا يا باشا لما ترجع بالسلامة .

  101. أكرم صبري قال:
    مايو 22nd, 2008 at 22 مايو 2008 9:35 ص

    صفاء سويدان

    أشكرك على زيارتك الكريمة

    وطبعا الالتزام الدينى والاخلاقي له عامل مهم جدا فى أمثال هذه العلاقات

    أشكرك على مرورك الكريم .

  102. أكرم صبري قال:
    مايو 22nd, 2008 at 22 مايو 2008 9:38 ص

    عاشــــــقة الورد

    أشكرك على كلامك ده

    وبجد سعدت ان التوبيك نال اعجابك

    وشكرا لزيارتك الكريمة .

  103. أكرم صبري قال:
    مايو 22nd, 2008 at 22 مايو 2008 9:41 ص

    يحيى

    إنى قادم إليك

    انتظرنى

    ولا تتلحلح

  104. أكرم صبري قال:
    مايو 22nd, 2008 at 22 مايو 2008 9:42 ص

    لين عبد الله

    اشكرك على سؤالك الغالى

    والجديد قريبا ان شاء الله .

  105. أكرم صبري قال:
    مايو 22nd, 2008 at 22 مايو 2008 9:44 ص

    سوما حسونه

    صباح الامتحانات والملازم والاسئلة الاجبارى والاختيارى

    عاملة ايه يا سوما

    بعدين باه مش تنشطى مدونتك شوية

    مستنيين الامتحانات تخلص

    علشان نشوف مدونتك فى شكلها الجديد .

  106. أكرم صبري قال:
    مايو 22nd, 2008 at 22 مايو 2008 9:46 ص

    زهرة النسرين

    ههههههههههههههههه

    بتسألى على طنط نفوسة

    سالت عليكى العافية

  107. أكرم صبري قال:
    مايو 22nd, 2008 at 22 مايو 2008 9:52 ص

    شيرين fod

    زى ما قولتى يا شرين الحب احترام ومودة وتفاني ، هو مش وهم بالعكس هو موجود ، لكن الانسان لازم يبأه عارف هل ده هو الحب الحقيقى ولا لأ .. والاهم من كده ان الطرف التاني بيبدله نفس المشاعر ولا لأ .. لأن الحب من طرف واحد بهدلة وقلة قيمة .. ويمكن ده اللى وقعت فيه مستكة أنها حبت من طرف واحد وقعدت تتخيل انه بيبادلها نظرات أو حملت افعاله حاجات هو يمكن مكنش قاصدها ..أعتقد ان الاهم للبنت أن يكون كل شىء محدد عندها وتكون هى عارفه هى عاوزه ايه من حبها وتكون متأكده ان اللى قدامها بيحبها وجاد فى الارتباط بيها .

  108. أكرم صبري قال:
    مايو 22nd, 2008 at 22 مايو 2008 9:53 ص

    Nounou arabe

    إن شاء الله

    تكون لنا زيارة لمدونتك .

  109. ynas قال:
    مايو 22nd, 2008 at 22 مايو 2008 4:08 م

    مساء الخير كيمو

    متشكر جدا على كلماتك الطيبة الداعمة التى أسعدتنى …

    مسّاك الله بألف خير …

    ———————————–

    كيمو عايزين ننفض بقه لنفوسة ومستكة … يعنى بيعهم بقه يا عم الحاج كفاية عليهم كدا ..

    يالله توبيك جامد كدا وجديد … ماشى ؟

    بانتظار ..

    تحياتى .

  110. سوما حسونه قال:
    مايو 22nd, 2008 at 22 مايو 2008 6:42 م

    اهوه يا كيموووووووووووووو

    ماشيه الامتحانات

    الهى لا يرجعها

    خلاص زهقت منها

    وان شاء الله بعد ما اخلص افوق فعلا للمدونه وللزملا اللى مقصره معاهم

    تحياتى ليك يا كيمووووووووووو

  111. omnia_ el ward قال:
    مايو 22nd, 2008 at 22 مايو 2008 7:43 م

    أخي أكرم

    عادت مدونتى أحببت أن تشاركنى فرحتى

  112. أكرم صبري قال:
    مايو 22nd, 2008 at 22 مايو 2008 9:34 م

    يحيى

    قريبا ان شاء الله انزل حاجه جديدة .. شكرا يا باشا على تشجعيك المستمر .

    —–

    سوما حسونه

    إن شاء الله فترة وتعدى

    بس شدى حليك انتى

    عاوزين تقدير ان شاء الله

    ——–

    أمنية

    مبورك لعودة المدونة

    ولنا زيارة ان شاء الله .

  113. HARD TIMES قال:
    مايو 23rd, 2008 at 23 مايو 2008 3:50 ص

    صباح جميل يا كيمو الجميل

    جمعة مبركة ان شاء الله متخفش خلاص مش غهيب تاني ان شاء الله

    ومتنساس بقي تحجزلي عند صحبتك هههههههههههههه

    والله انت عسل خالص يا كميو وانا حبيتك اوي غلشان خاطر نفوسة بس هههههههههههه

    تحياتي لك

  114. ynas قال:
    مايو 23rd, 2008 at 23 مايو 2008 4:40 ص

    أخى الغالى

    صبحك الله بألف خير

    جمعة مباركة عليك وعلى كل من تحب

    أرق تحياتى

  115. رائدة زقوت(أم ليث) قال:
    مايو 23rd, 2008 at 23 مايو 2008 8:15 ص

    عل مقبول وذنب مغفور

    جمعة مباركة

  116. سوما حسونه قال:
    مايو 23rd, 2008 at 23 مايو 2008 10:11 ص

    جمعه مباركه

    عليك يا كيموووووووووووووو

  117. المناهل قال:
    مايو 23rd, 2008 at 23 مايو 2008 10:27 ص

    جمعه مباركه ياكرم

    وشو هالروعه والله نصائح في محلها هههههه

    طيب في حلقه تانيه اياك تقول لا

    حاجي انا واخواتي ساندي ووردة ونعمل مظاهرة

    دانا انسجمت وبدائت بجد اسبل للحيطان خخخخخخخخخخ

    بايووووووووووووووووووووو

  118. mona sawy قال:
    مايو 23rd, 2008 at 23 مايو 2008 11:52 ص

    ***صديقي خفيف الدم..كبير العقل ..كيمو

    ……رغم قرفي الشديد من اللي بيحصل حوالينا..ما اقدرتش أبعد عن أصدقائي

    …سؤالك عني ..بجد أسعدني..و خد عندك المثل ده يا عاشق الأمثال الشعبيه زي

    ..الصقر ..صقر وله همه..مهما انكسر و جاع..ما يوطيش على ..رمه..!!

    .

  119. طاهر الصوفانى قال:
    مايو 23rd, 2008 at 23 مايو 2008 1:32 م

    كيمو

    السلام عليكم ورحمه الله تعالي وبركاته

    مساء الخير والبركه — واشكر حضورك الباهي — وكلامك الرقيق

    واسلوبك العذب –ادام الله عزكم — وانعم واسبغ عليكم فضله ونعمه

    بفضل رسولنا الكريم — وندعوه سبحانه في يومه المفضل

    ان ينزل علينا رحمه من رحماته تتغمدنا

    ان يغفر لنا زلاتنا — ويفرج كربنا — ويفك اسرنا– ويتقبل دعائنا

    وندعوه سبحانه ونتوسل اليه بفضل يوم الجمعه المباركه

    ان يدوم عليكم وعلي كل الامه الاسلاميه موفور الصحه والعافيه

    امييييييين

  120. عرباوي قال:
    مايو 23rd, 2008 at 23 مايو 2008 4:02 م

    عم الكل

    كينج التدوين

    صاحب قهوة جمالات

    جمعة مباركة

    عندى موضوع مهم مختلف لكنه حساس

    أنا عاوز رأيك

    ولوتتكرم بصراحة

  121. 333man قال:
    مايو 23rd, 2008 at 23 مايو 2008 4:10 م

    الإسلاميون غاضبون على الحضري لارتدائه فانيلا عليها صورة خمر

    اقرأ المزيد في الصعاليك نيوز

  122. محمد السيد قال:
    مايو 23rd, 2008 at 23 مايو 2008 10:02 م

    السلام عليكم

    استرسالك فى الكلام دوب الفرق بين الكتابة والروى

    يعنى انا حاسس انى بسمع مش بقرا الكلام وبسمع من حد بيحكى كويس اوى وشيق فى اسلوب القاؤه كمان لا ودمه خفيف

    تحياتى

  123. حمدي المتولي قال:
    مايو 24th, 2008 at 24 مايو 2008 3:44 م

    اخي اكرم صبري

    تحية عطرة وبعد أذن فرج

    تعالوا بينا لنري ما ذهبوا

    وكيف ذهبوا ولما ذهبوا واين ذهبوا

    وخصوصا ما دفعو ا الفزيتة

  124. محمد فكرى قال:
    مايو 24th, 2008 at 24 مايو 2008 6:00 م

    اخى مصطفى

    ادراج رائع

    تقبل تحياتى

    دمت بكل بخير

  125. أكرم صبري قال:
    مايو 24th, 2008 at 24 مايو 2008 8:07 م

    أصدقاء الاعزاء ..

    أشكركم جميعا للمرور

    والسؤال عني

    دمتم بخير

  126. ***مــــــــــــــــــروة*** قال:
    مايو 26th, 2008 at 26 مايو 2008 1:29 ص

    عارف ياكيمو

    من معاملتى مع ناس كتيييير اكتشفت ان البنت الثرثارة اللى تفضل طول النهار تتكلم عن عقلها ورزانتها وتقولك انا بتقل ومش سألة ولا معبرة بطريقة مبالغ فيها هى بجد بتكون اكتر واحد مدلوقة ومستعجلة على الارتباط (طبعا عشان محدش يفهمنى غلط مش كل البنات )

    عن جد قابلت بنات يفضلوا طول النهار يتكلموا عن تقلهم وعقلهم وفى الاخر تكتشف ان هما اكتر ناس هيموووووووووووووتوا ويرتبطوا

    لدرجة ان فية شخصية اعرفها على نفس النظام ..كلام كتيييييييير عن التقل والعقل ومطاردات الشباب ليها وعدم اهتمامها وفى النهاية اكتشف ان عدد اللى عرضت عليهم نفسها للجواز فى خلال سنة واحدة (مدة معرفتى بيها ) خمس اشخاص !!!

    ببساطة بمجرد ما تعجب بشاب ما تضيعش وقت على طول ما تتردش انها تصارحة

    وامر طبيعى ان اى شاب بيخاف من البنت اللى بتدأ معاة وتصارحة فيبعد

    هى بأة متضيعش وقت.. تبص حواليها وتشوف مين اللى علية الدور

    انا مبتقدش البنت اللى تفكر فى الجواز … ابدا

    بس لكل شئ اصول والبنت المفروض تكون غالية ويكون عندها شئ اسمة حــــــــياء

    لكن لما تصارح الشاب باعجابها يبقى فين حـــــــياء البنت ؟؟؟؟!!!!!

    دة رايي ولو حد بيختلف معايا فى الراى … فالاختلاف فى الراى لا يفسد للود قضية

    تحيـــــــــــــاتى لك

  127. أكرم صبري قال:
    مايو 26th, 2008 at 26 مايو 2008 10:00 ص

    مروة عبدالله

    طبعا لا أختلف معاكي ..

    وأوفق ان فى البداية لا تذهب البنت للولد وتقول له أنا بحبك أو أنا معجبه بيك ..فبغض النظر عن مسألة الحياء اللى إتكلمتي عليها .. فيه عامل تاني .. إن ممكن يكون الراجل ده عديم الاخلاق فيستغل الحكاية دي لو كان مش بيحبها فعلا ويقعد يلعب بيها ..

    أنا فى الاخر أقول ( كل شىء قسمة ونصيب) .. وكل واحد حياخد نصيبة .

  128. maya قال:
    مايو 30th, 2008 at 30 مايو 2008 5:49 م

    السلام عليكم

    *******

    كيف الحال استاذ اكرم

    اكثر من مرة امر على مدونتك في محاولات لاضافة تعليق كلها باءت بالفشل

    ها انا احاول وان أيأس

    بعد ما ان انتهيت من القراءة شعرت انه الدكتورة نفوسة وفي ظل ازمة العرسان

    تريد الفوز بعريس مستكة ….. لا اعرف ولكن تبادر الى ذهني هذا السيناريو :)

    ثانيا:

    ان تخطب المرأة لنفسها وتسعى للزواج لا اعتقد ان الفكرة خاطئة ولكن المهم الطريقة

    واكبر مثال لنا هو زواج نبينا محمد بأمنا خديجة وكانت هي من عرضت عليه الزواج عن طريق قريب لها

    المهم اسلوب العرض لا احبذ التصريح

    امرأة عزباء تبتسم وترحب بحديث مع رجل يريد الزواج … وترسل اليه بعينها رسائل تفيد افهم يا …!! يعني عرض زواج او فتح لباب التفكير الجدي بارتباط …

    اما المراة الثرثارة فهي كالاعب الذي يكشف كل اوراقه وخطط اللعب

    على اي مرأة الاحتفاظ باكثر من خطة وكرت مفاجئات للشريك الاخر

    فالرجل فعلا ملول يحب الغموض واكتشاف اسرار المراة بنفسه فخليه يعيش جو ماجلان : ) هههه

    تحيتي لكَ

  129. قلب الأسد قال:
    يونيو 9th, 2008 at 9 يونيو 2008 2:51 م

    اسلوبك الناصح بشكل غير مباشر دا فعلا جميل

    نصائح بين السطور وسط كلمات بسيطة وصياغة دمهل خفيف تشجع علي القراءة حتي نهاية الموضوع

    مش عارفة اقول اية غير ان الموضوع جامد جدا

  130. niveen hamady قال:
    يونيو 22nd, 2008 at 22 يونيو 2008 6:28 م

    طريقة كتابة الموضوع و أسلوبك ………….. بجد ، بجد جناااااااااااااااااااااااان انت غاوي تجننا كده و الا ايه يا أكرم يا صبري؟؟؟؟

    سلاماتي ليك يا باشا



اكتب تعليــقك
الإسم الذي سيظهر على التعليق
مشتركي مكتوب
اسم آخر

« رغم ان زيتهم بأه خلاص فى دقيقهم لكن اطمئن فلن نتلولو ولن نتلحلح ولن نتبحبح!!
ربنا يبعد عنك افلام أمينة رزق وقراءة الجرائد وبرامج التوك شو .. قول أمين! »